ტექნიკის განვითარება ითხოვს მაგნიტურ მასალებს სრულიად ახალი თვისებებით. ამიტომ მსოფლიოს სხვადასხვა ქვეყნებში ინტენსიურად მიმდინარეობს მაგნიტური ნივთიერებების ექსპერიმენტული და თეორიული კვლევა, რომელთა ბაზაზეც იქმნება ახალი, თანამედროვე მაგნიტური მასალები. ამ მიმართულებით ინტენსიური კვლევის ობიექტს წარმოადგენს მიკროსტრუქტურისა და შემადგენლობის ურთიერთგავლენის შესწავლა ნანოჰეტეროსტრუქტურების მაგნიტურ, მაგნიტო-ოპტიკურ და ოპტიკურ თვისებებზე. შესწავლილი მასალების ნანოკრისტალურ მდგომარეობაში გადასვლისას ხდება მისი თვისებების მნიშვნელოვანი ცვლილებები. შესაბამისად ისინი იძენენ მთელ რიგ განსაკუთრებულ თვისებებს: გიგანტური მაგნიტური წინაღობა, გიგანტური მაგნიტური იმპედანსი, ჰოლის ანომალური ეფექტი, ანომალური ოპტიკური და მაგნიტო-ოპტიკური ეფექტები და სხვ.

განიხილება სამოქალაქო საზოგადოების არსებული მდგომარეობა და მისი განვითარების პერსპექტივა. კერძოდ, სამოქალაქო აქტივობების, მოსახლეობის კულტურისა და ცნობიერების დონის, განსაზღვრული პოლიტიკურ-კულტურული და სამოქალაქო პასუხისმგებლობის კლიმატი. ხაზგასმულია იმ გარემოებაზე, რომ სამოქალაქო საზოგადოების ჩამოყალიბებისათვის დასავლეთში აპრობირებული მეთოდები და ნორმატიული მიდგომები ხშირად არაეფექტურია ჰიბრიდულ საზოგადოებაში და აღნიშნულ პროცესებში გასათვალისწინებელია კონკრეტული საზოგადოების პოლიტიკური კულტურა, ისტორიული წარსული, სოციალური სტრუქტურა და ასე შემდეგ.

განხილული იქნება რელიგიური ფუნდამენტალიზმის არსი, ზოგადი იდეოლოგიური მახასიათებლები; მისი ასოცირება მსოფლიოს სხვადასხვა რელიგიებთან. ასევე, საქართველოში რელიგიური ფუნდამენტალიზმის ჩასახვისა და განვითარების ისტორია, გაანალიზდა რელიგიური ფუნდამენტალიზმი საქართველოს თანამედროვე პოლიტიკურ მდგომარეობასთან კონტექსტში. კერძოდ, რელიგიური ფუნდამენტალიზმისა და ლიბერალურ-დემოკრატიული ღირებულებების ურთიერთმიმართების საკითხებთან დაკავშირებული პრობლემები.

გაწევრიანების დღიდან (1973 წ.) დიდი ბრიტანეთი ევროგაერთიანების/ევროკავშირის ერთ-ერთ სკეპტიკოსს წევრს წარმოდგენს. წლების განმავლობაში დიდი ბრიტანეთის პოლიტიკური ისთებლიშმენტი, საზოგადოების ნაწილი და მასმედია ევროგაერთიანების წევრობასთან მიმართებაში გარკვეულ პესიმიზმს გამოხატავდა და მოითხოვდა ევროგაერთიანების/ევროკავშირის რიგების დატოვებას. 1975 წელს დიდი ბრიტანეთის მოსახლეობამ კავშირის წევრობასთან დაკავშირებით პირველი რეფერენდუმი გამართა, რომელშიც მოსახლეობის 64,5% ევროგაერთიანებაში დარჩენას მხარი დაუჭირა. მიუხედავად ამისა, ბრიტანეთი შემდგომ პერიოდშიც ევროსკეპტიციმის ბასტიონად დარჩა და პერიოდულად გლობალური მასშტაბის პოლიტიკური და ეკონომიკური ცვლილებების ფონზე ტრადიციული ბრიტანული სკეპტიციზმი აღმავლობას განიცდიდა.

საქართველოს მეღვინეობის ქვეყანაა, სხვადასხვა რეგიონის ზონებში ყურძნისა და ღვინის ხარისხობრივ მაჩვენებლებს სხვადასხვა ფაქტორი განაპირობებს. მათ შორის განსაკუთრებული მნიშვნელობა ენიჭება ჯიშობრიობას, მაგრამ არანაკლებ მნიშვნელოვანია ნიადაგურ-კლიმატური ფაქტორი, ნალექების რაოდენობა და ჰაერის ტემპერატურა. ნიადაგურ – კლიმატური ფაქტორი ასახვას პოვებს, როგორც ყურძნის, ასევე მისგან დაყენებული ღვინის ქიმიურ შედგენილობაზე. ყურძნის ფენოლური ნაერთები და მათი გარდაქმნის პროდუქტები აქტიურ მონაწილეობას იღებს ღვინის ჩამოყალიბებაში. ფენოლურ ნაერთებს მრავალმხრივი ბიოლოგიური აქტიურობა გააჩნიათ, მათ შორის კარდიოპროტექტორული, ანთების საწინააღმდეგო და ანტიკანცეროგენული მოქმედება, რაც განპირობებულია მათი ანტიოქსიდანტური თვისებებით. რადგანაც ინტერესი ქართული ღვინოებისადმი სწრაფად იზრდება, შესაბამისად იზრდება ღვინის მწარმოებილი ქარხნების რაოდენობაც და ყურძნის გადამუშავების შედეგად მიღებული ნარჩენები, რომელიც გადამუშავებული ყურძნის 20% შეადგენს, არის ფასეული ნედლეული ბევრი ბიოლოგიურად აქტიური ნივთიერებების მისაღებად.