ევგენიკა (ბერძნულად eugenes-კარგი გვარისა) როგორც ფსევდომეცნიერება მოიცავს ადამიანთა მოდგმის, ხელოვნური გადარჩევის მეთოდებით გაუმჯობესების იდეას.
ევგენიკის დამაარსებლად ითვლება ანთროპოლოგი და ფსიქოლოგი ფ. გალტონი, რომლის მოსაზრებების მიხედვით, ადამიანების მემკვიდრული ბუნების გასაუმჯობესებლად საჭირო იყო ნიჭიერი ადამიანების გამრავლებისთვის ხელის შეწყობა-პოზიტიური ევგენიკა, ხოლო დევიაციური ქცევის პირთა რეპროდუქციის შეზღუდვა-ნეგატიური ევგენიკა.
ევგენიკური იდეების განვითარებამ ევროპაში, ამერიკაში და საბჭოთა კავშირში გამოიწვია ადამიანების მიმართ ძალადობრივი, არაეთიკური და აარაჰუმანური პროცესები . მეცნიერება გადაიქცა პოლიტიკურ დოქტრინად და საფუძვლად დაედო ადამიანთა იძულებითი სტერილიზაციისა და დისკრიმინაციის მოვლენებს.

რა არის Edmodo? ედმოდოს ისტორია 2008 წლიდან მომდინარეობს აშშ -დან, საიტის შემქმნელია ნიკ ბორი და ჯეფ ოჰარა
Edmodo არის გლობალური სასწავლო უფასო სოციალური ქსელი, რაც ავსებს უფსკრულს მოსწავლესა და სასწავლო პროცესს შორის, მორგებულია მოსწავლის ინტერესებზე საჭიროებებზე და შესაძლებლობებზე. სწავლა/სწავლების განსხვავებული მოდელია, რომელშიც შესაძლებელია სასწავლო ოთახის მოწყობა თითოეული მოსწავლე/სტუდენტისთვის, დაგეხმარებათ ეფექტურად წარმართოთ სწავლა-სწავლების პროცესი ფორმალურ და არაფორმალურ გარემოში. ხელსაყრელია იდეის, ინტერესების, ცოდნის, უნარ-ჩვევების მიღწევების გასაზიარებლად, არსებული პრობლემების გადაჭრის გზების საპოვნელად.

მარადიდი ორად გაყოფილი კლარჯული სოფელია: ზემო მარადიდი თურქეთის რესპუბლიკის ადმინისტრაციულ საზღვრებშია მოქცეული, ქვემო მარადიდი – საქართველოს.
მუჰაჯირი მარადიდლები და მათი ჩამომავლები თაობებს გადასცემდნენ წინაპართა სოფელში გაგონილ ისტორიებს, ფოლკლორს, ტრადიციებს... შთამომავლობას ასწავლიდნენ მარადიდულ ქართულს. მარადიდელთა მონათხრობში გაიგონებთ მუჰაჯირთა ძნელი გზის შესახებ ტკივილიან ისტორიებს, იგრძნობთ იმ გაჭირვებასა და ხიფათს, რომელიც თან სდევდა უცხო მხარეში გადასახლებულთ.

იმპერატივი ადამიანთა თანამდევი მოვლენაა. ადამიანი იმპერატიულია როგორც სხვებთან, ისე საკუთარ თავთანაც მიმართებაში. საზოგადოებისთვის მარადი ძალაუფლების საკითხი წყდება მხოლოდ იმპერატიულად. იმპერატივი იმდენი წლისაა, რამდენიც არსებობს საზოგადოება და მეტიც, ბიბლიის თანახმად იმპერატივი წინ უსწრებს ადამინსა და სამყაროს . სხვა საკითხია იმპერატივის მეცნიერული გააზრება. იმპერაივის პრობლემა მეცნიერებაში შექმნა ორი ადამიანის, არისტოტელესა და ი. კანტის, ინტელექტუალურმა იმპერატივებმა, მათაგნ არც ერთს არ აინტერესებდა იმპერატივი. არისტოტელე იკვლევდა აზროვნების ფორმებს, ი.კანტი-ზნეობას, შედეგად გრამატიკამ მიიღო მითი იმპერატივის შესახებ.

შესწავლილია მძიმე ლითონების იონებით, კერძოდ მანგანუმისა და რკინის იონებით დაბინძურებული ბუნებრივი წყლების გაწმენდის შესაძლებლობა მემბრანული ტექნოლოგიით - ელექტროდიალიზით. განხილულია ამ იონების მომატებული რაოდენობის მავნე გავლენა ადამიანის ჯამრთელობაზე და ამავდროულად მნიშვნელობა მრეწველობისათვის. მოდელურ ხუთკამერიან ელექტროდიალიზურ დანადგარზე, რომელიც დაკომპლექტებულია მონოპოლარული MK-40 და MA-40 ტიპის მემბრანებით, შესწავლილია მანგანუმისა და რკინის იონების ელექტრომიგრაციული გადატანის კანონზომიერებები. მანგანუმისა და რკინის ნაერთების შემცველი ბუნებრივი წყლების სხვადასხვა pH-ის პირობებში შესწავლილია ამ იონების გადატანის კინეტიკა კათიონიტურ MK-40 ტიპის მემბრანაში. დადგენილია მანგანუმისა და რკინის იონების განსხვავებული ქცევა ელექტროდიალიზის დროს.