იურიდიული და სოციალურ მეცნიერებათა ფაკულტეტის სამართლის დეპარტამენტის ორგანიზებით ნიუ ვიჟენ უნივერსიტეტის იურიდიული ეთიკის მიმართულების თანახელმძღვანელმა, საქართველოს ადვოკატთა ასოციაციის ეთიკის კომისიის წევრმა ანა ლორიამ საჯარო ლექცია წაიკითხა თემაზე: „ადვოკატის როლი და ეთიკის მნიშვნელობა იურიდიულ პროფესიაში“. მომხსენებელმა სამართალმცოდნეობის სპეციალობის სტუდენტებსა და პრაქტიკოსი იურისტებს არსებული სიახლეები გააცნო. საჯარო ლექციის დასასრულს ანა ლორიამ აქტუალურ შეკითხვებს უპასუხა. ღონისძიება აღმოსავლეთ-დასავლეთის მართვის ინსტიტუტის პროგრამის ფარგლებში - „კანონის უზენაესობის მხარდაჭერა საქართველოში“ (PROLoG) და მისი მხარდამჭერია ამერიკის შეერთებული შტატების საერთაშორისო განვითარების სააგენტო (USAID).

იურიდიული და სოციალურ მეცნიერებათა ფაკულტეტის სამართლის დეპარტამენტის პროფესორ-მასწავლებლებმა, ავსტრიის ქალაქ გრაცის უნივერსიტეტის პროფესორმა თომას მარია კრუსმანმა და სტუდენტებმა მონაწილოება მიიღეს ბათუმის შოთა რუსთაველის სახელმწიფო უნივერსიტეტის სამართალმცოდნეობის საბაკალავრო და სამართლის სამაგისტრო პროგრამების წინა სააკრედიტაციო განხილვაში. პროგრამაზე მუშაობის პროცესი შეფასდა დადებითად და დაისახა სამომავლო თანამშრომლობის მიმართულებები. დაიგეგმა ინგლისურენოვანი სამაგისტრო პროგრამის შექმნა და დანერგვა.

გრაცის სახელმწიფო უნივერსიტეტის პროფესორმა თომას კრუსმანმა ბათუმის შოთა რუსთაველის სახელმწიფო უნივერსიტეტში ლექცია წაიკითხა თემაზე: „სისხლის სამართლის კანონმდებლობის ევროპეიზაცია და მისი როლი ადამიანის უფლებების დაცვის ჭრილში“. პროფესორმა თომას კრუსმანმა იურიდიული და სოციალურ მეცნიერებათა ფაკულტეტის სტუდენტებსა და პროფესორ-მასწავლებლებს გააცნო ისეთი აქტუალური საკითხები, როგორიცაა აღმოსავლეთ ევროპის ქვეყნების კანონმდებლობის, კონკრეტულად სისხლის სამართლის კანონმდებლობის ჰარმონიზაცია ევროკავშირის კანონმდებლობასთან და მისი გავლენა ადამიანის უფლებების დაცვის საკითხებთან.

ბსუ-ს იურიდიული და სოციალურ მეცნიერებათა ფაკულტეტის სოციალურ მეცნიერებათა დეპარტამენტის ორგანიზებით, კიევის ბორის გრენჩენკოს სახელმწიფო უნივერსიტეტის ლექტორმა, ფსიქოლოგიის დოქტორმა სვეტლანა კალიშჩუკმა ჩაატარა ტრენინგი თემაზე: „მომავალი ფსიქოლოგ-კონსულტანტების ცნობიერების აზრობრივი არქიტექტონიკის ინტეგრაციული ეგზისტენციალურ-სისტემური ტრანსფორმაციის პრობლემები“. სასწავლო კურსი მიზნად ისახავდა ბსუ-ს იურიდიული და სოციალურ მეცნიერებათა ფაკულტეტების პროფესორებისა და მოწვეული სპეციალისტების კვალიფიკაციის ამაღლებას აზრობრივი არქიტექტონიკის ტრანსფორმაციის პრობლემებისადმი და სასწავლო პროცესში აღნიშნული ფსიქოლოგიური მეთოდების გამოყენებას.

ბსუ-ს იურიდიული და სოციალურ მეცნიერებათა ფაკულტეტის სამართლის დეპარტამენტის ორგანიზებით სამართლის დოქტორმა ლაშა-გიორგი კუტალიამ (თსუ) საჯარო ლექცია წაიკითხა თემაზე: „სისხლის სამართალი, სტრატეგიული განვითარების პროგრამა“. პროფესორ-მასწავლებლები, სტუდენტები, პრაქტიკოს იურისტები გაეცნენ თანამედროვე ქართული სისხლის სამართლის დოქტრინის საკვანძო საკითხებს და მისი დინამიური განვითარების ორიგინალურ პერსპექტივას კონტინენტური სამართლებრივი აზროვნების ჭრილში.