ვროკავშირის სადამკვირვებლო მისიის ხელმძღვანელმა ერიკ ჰოგიმ ბათუმის შოთა რუსთაველის სახელმწიფო უნივერსიტეტში საჯარო ლექცია წაიკითხა თემაზე: „ევროკავშირის სადამკვირვებლო მისიის საქმიანობა, მანდატის ფარგლებში განხორციელებული სამუშაოები და სამომავლო გეგმები“. მომხსენებელმა სტუდენტებს სადამკვირვებლო მისიის აქტუალური საკითხები გააცნო და საქართველოში მუშაობის გამოცდილება გაუზიარა. ლექციის დასასრულს დისკუსია გაიმართა და მომხსენებელმა შეკითხვებს უპასუხა.

ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის ასოცირებული პროფესორის გივი აბაშიძის წიგნი `სისხლისსამართლებრივი დევნა, როგორც პროკურორის ფუნქცია და მისი განხორციელება გამოძიების სტადიაზე~ გამოიცა. ნაშრომი ეხება სისხლის საპროცესო სამართლის თეორიის მნიშვნელოვან პრობლემებს, რომელშიც სხვა საკითხებთან ერთად განხილულია პროკურორის დისკრეციული უფლებამოსილება და სისხლისსამართლებრივი დევნის ფუნქციის განხორციელება გამოძიების სტადიაზე, ზოგადად დისკრეციული სისხლისსამართლებრივი დევნის ქართული მოდელი. წიგნი განკუთვნილია უმაღლესი იურიდიული სასწავლებლების სტუდენტებისათვის, ასევე სამეცნიერო და სამართალდამცავ სფეროში მომუშავე პრაქტიკოსი სპეციალისტებისათვის.

საქართველოში ნატოს სამეკავშირეო ოფისის ხელმძღვანელი როზარია პუგლისი ბათუმის შოთა რუსთაველის სახელმწიფო უნივერსიტეტის სტუდენტებს შეხვდა. საერთაშორისო ორგანიზაციის წარომადგენელი ახალგაზრდებს ისეთ აქტუალურ საკითხებზე ესაუბრა, როგორიცაა: ნატო-საქართველოს ურთიერთობები და მისი დინამიკა, შავი ზღვის უსაფრთხოება, ნატოს პრაქტიკული ჩართულობა საქართველოში და მიმდინარე პროექტები, ნატოს ბრიუსელის სამიტის შედეგები. ღონისძიების დასასრულს როზარია პუგლისმა სტუდენტების შეკითხვებს უპასუხა.

ეროვნული კვლევის უნივერსიტეტის ეკონომიკის უმარლესი სკოლის პროფესორმა, სამართლის დოქტორმა ნინა ბელიაევამ ბათუმის სახელმწიფო უნივერსიტეტში საჯარო ლექცია წაიკითხა თემაზე: „საჯარო პოლიტიკა გლობალურ კონტექსტში“. მომხსენებელმა სტუდენტებსა და პროფესორ-მასწავლებლებს საჯარო პოლიტიკის, როგორც ინტერდისციპლინარული სამეცნიერო და სასწავლო დარგის, ჩამოყალიბების და განვითარების თანამედროვე ტენდენციები, თანამედროვე კვლევების შედეგები და მსოფლიოს წამყვანი საჯარო პოლიტიკის სკოლების გამოცდილება გააცნო. საჯარო ლექციის დასრულების შემდეგ დისკუსია გაიმართა საჯარო პოლიტიკის აქტუალურ საკითხებზე.

ბათუმის შოთა რუსთაველის სახელმწიფო უნივერსიტეტის რექტორმა მერაბ ხალვაშმა და ტერნოპოლის ეროვნული ეკონომიკური უნივერსიტეტის რექტორმა ანდრი კრუსოვატმა თანამშრომლობის მემორანდუმს მოაწერეს ხელი. ხელშეკრულება ითვალისწინებს ერთობლივი სასწავლო-საგანმანათლებლო და სამეცნიერო პროექტების განხორციელებას. მემორანდუმის ფარგლებში ამოქმედდება გაცვლითი პროგრამები სტუდენტებისა და პროფესორ-მასწავლებლების მონაწილეობით, ჩატარდება სამეცნიერო კონფერენციები, საზაფხულო სკოლები, ტრენინგები და სემინარები. მხარეთა შეთანხმებით, ასევე იგეგმება ერთობლივი საგანმანათლებლო სადოქტორო პროგრამების შემუშავება.