ახალი ამბები

ძვირფასო ქალბატონებო, ბათუმის შოთა რუსთაველის სახელმწიფო უნივერსიტეტი გილოცავთ 3 მარტს - დედის დღეს. გისურვებთ ჯანმრთელობას, ბედნიერებას, სიკეთეს და წარმატებებს პედაგოგიურ, სამეცნიერო და შემოქმედებით საქმიანობაში.

25 - 27 თებერვალს, ZOOM-ის პლატფორმის გამოყენებით, „ერაზმუს+“ის პროექტის „DITECH - Developing and Implementing Technology-Enhanced Teaching and Learning at Georgian HEIs ტექნოლოგიებით გაძლიერებული სწავლება და სწავლა საქართველოს უნი¬ვე-რ¬სი¬ტეტებში“ პირველი საერთაშორისო სასტარტო შეხვედრა გაიმართა. შეხვედრა გახსნა და მონაწილეებს მიესალმა ტალინის უნივერსიტეტის ვიცე-რექტორი, პროფ. ანდრეს იოსაარი (prof. Andres Jõesaar), რომელმაც ისაუბრა ციფრული ტექნო¬ლო¬გიების ერაში ელექტრონული სწავლების მნიშვნელობასა და როლზე, გასაკუთრებით თანამედროვე მსოფლიოში არსებული პანდემიის ვითარებაში.

ძვირფასო სტუდენტებო,

2020-2021 სასწავლო წლის გაზაფხულის სემესტრის სასწავლო პროცესი დაიწყება 2021 წლის 15 მარტიდან დისტანციური ფორმატით, გარდა სამედიცინო (ქართულენოვანი/ინგლისურენოვანი), სტომატოლოგიის, ფარმაციის, ფიზიკური მედიცინა და სამედიცინო რეაბილიტაციის, ქიმიის, ფიზიკის, არქიტექტურის და ტელეკომუნიკაციის საბაკალავრო პროგრამებისა, რომლებზეც თეორიული ნაწილი (ლექციები) ჩატარდება დისტანციურად, ხოლო პრაქტიკული, ლაბორატორიული და კლინიკური კომპონენტი შესრულდება საუნივერსიტეტო სივრცეში და სამედიცინო ბაზებზე.

საბჭოთა ოკუპაციის დღესთან დაკავშირებით, ბათუმის შოთა რუსთაველის სახელმწიფო უნივერსიტეტში, ZOOM-ის პლატფორმის გამოყენებით, დისკუსია გაიმართა თემაზე: „1921 წლის საქართველოს ოკუპაციის ფაქტი ისტორიულ-სამართლებრივ კონტექსტში". პროფესორ-მასწავლებლებმა იმსჯელეს 100 წლის წინ განვითარებულ მოვლენებზე. დისკუსიის მონაწილეებმა ყურადღება გაამახვილეს ისეთ აქტუალურ საკითხებზე, როგორიცაა: I მსოფლიო ომის შემდეგ შექმნილი საერთაშორისო ვითარება, რუსეთის იმპერიის დაშლის შემდეგ კავკასიაში არსებული მდგომარეობა, ამიერკავკასიის ფედერაციული რესპუბლიკის დაშლა და საქართველოს დამოუკიდებლობის აღდგენა.

საქართველოს პირველი კონსტიტუციის 100 წლის იუბილესადმი მიძღვნილი ჟან მონეს სტუდენტური კონფერენცია „დემოკრატია, ადამიანის უფლებები და კანონის უზენაესობა ევროპის კავშირში“ გაიმართა ბათუმის შოთა რუსთაველის სახელმწიფო უნივერსიტეტში. კონფერენციაზე ჟან მონეს სასწავლო პროგრამის კურსდამთავრებულმა სტუდენტებმა წარმოადგინეს მოხსენებები ევროპის კავშირის ძირითადი ღირებულებების, ევროპული ინტეგრაციის, ევროკავშირში დემოკრატიის და ადამიანის უფლებათა დაცვის საკითხებზე. კონფერენციის მონაწილეებმა ასევე ისაუბრეს 1921 წლის 21 თებერვლის კონსტიტუციის, როგორც საქართველოს პირველი ევროპული კონსტიტუციის და მასში განსაზღვრული ევროპული ღირებულებების, ადამიანის უფლებების და დემოკრატიული ინსტიტუტების შესახებ.