ახალი ამბები

ბსუ-ს იურიდიული და სოციალურ მეცნიერებათა ფაკულტეტის „სამართალმცოდნეობის“ საბაკალავრო და სამაგისტრო საგანმანათლებლო პროგრამები მორიგი აკრედიტაციისთვის ემზადება. უმაღლესი საგანმანათლებლო დაწესებულების აკრედიტაციის სტანდარტით და სამართლის დარგობრივი მახასიათებლებით გადამწყვეტი მნიშვნელობა ენიჭება აღნიშნული პროგრამის სტუდენტთა აქტიური პრაქტიკით უზრუნველყოფას, რისთვისაც, პრიორიტეტულად აჭარის ა/რ-ის ტერიტორიაზე შეირჩა რელევანტური სახელმწიფო, კერძო და არასამთავრობო ორგანიზაციები, რომლებსაც გააჩნიათ შესაძლებლობა სტუდენტები უზრუნველყონ სასწავლო პრაქტიკით.

ბათუმის შოთა რუსთაველის სახელმწიფო უნივერსიტეტის ბენდმა სასტუმრო „დრიმლენდ ოაზისში", კარანტინში მყოფ მოქალაქეებს სიურპრიზი მოუწყო და გიორგობის დღესასწაული ორიგინალურად მიულოცა. ბსუ-ს ბენდის წევრებმა ერთსაათიანი კონცერტით კარანტინში მყოფი ადამიანები გაამხნევეს და ორკვირიანი ერთფეროვანი ყოველდღიურობა მცირედით გაუხალისეს.

დიპლომატიური ინსტიტუტის მკვლევარმა, ელჩმა მიხელ უკლებამ საჯარო ლექცია ჩაატარა თემაზე: „კორონავირუსის პანდემია და მისი გავლენა გლობალურ ეკონომიკაზე“. ონლაინ ლექცია საქართველოს საგარეო საქმეთა სამინისტროს ლევან მიქელაძის სახელობის დიპლომატიური სასწავლო და კვლევითი ინსტიტუტის ორგანიზებითა და ბათუმის შოთა რუსთაველის სახელმწიფო უნივერსიტეტის მხარდაჭერით ჩატარდა.

ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტისა და სახელმწიფო ენის დეპარტამენტის ორგანიზებით Zoom-ის ონლაინ პლატფორმაზე ქართული ენის დღისადმი მიძღვნილი ვიდეოკონფერენცია ჩატარდა. კონფერენციის მუშაობაში მონაწილეობდნენ ბათუმის შოთა რუსთაველის სახელმწიფო უნივერსიტეტის, ივანე ჯავახიშვილის სახელობის თბილისის სახელმწიფო უნივერსიტეტის, აკაკი წერეთლის სახელმწიფო უნივერსიტეტისა და თავისუფალი უნივერსიტეტის პროფესორები.

ბათუმის შოთა რუსთაველის სახელმწიფო უნივერსიტეტი წითელ ჯვართან ერთად COVID-19 ვირუსის წინააღმდეგ ბრძოლის კამპანიაში ჩაერთო. უნივერსიტეტისგან წითელი ჯვრის ორგანიზაციას 75 ოჯახისათვის 12 დასახელების პროდუქტისგან შემდგარი სასურსათო კალათა და ჰიგიენური საშუალებები, ხოლო მოხალისეებს საველე სამუშაოებისთვის 50 საწვიმარი ლაბადა და ჩანთა გადაეცა. აღნიშნული დახმარება უნივერსიტეტის თანამშრომლების მიერ ინიცირებული სოციალური პროექტის ფარგლებში განხორციელდა.