ბათუმის შოთა რუსთაველის სახელმწიფო უნივერსიტეტში ახალი კორონა ვირუსის ინფექციის (COVID-19) პრევენციის მიზნით, სადეზინფექციო სამუშაოები ჩატარდა. სპეციალური ხსნარებით დამუშავდა უნივერსიტეტის ყველა კორპუსი, სტუდენტთა საცხოვრებელი და კვლევითი ინსტიტუტები.
წარმატებით გაიარა პროგრამული აკრედიტაცია ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის ქართულ ენაში მომზადების საგანმანათლებლო პროგრამამ. ვულოცავთ ფაკულტეტის სტუდენტებსა და პროფესორ-მასწავლებლებს ამ მნიშვნელოვან გამარჯვებას.
ბათუმის შოთა რუსთაველის სახელმწიფო უნივერსიტეტმა პოლონეთის დელეგაციას უმასპინძლა. ლუბუშის სავოევოდოს მარშალის მოადგილე ლუკაშ პორიცკი, ლუბუშის პარლამეტის თავმჯდომარე ვიოლეტა ჰარეჟლაკი, საგარეო თანამშრომლობის და ევროპული ტერიტორიული თანამშრომლობის სამსახურის დირექტორი რადოსლავ ბროდჟიკი და ამავე სამსახურის წარმომადგენელი ადამ კაპელა, ბსუ-ს რექტორს მერაბ ხალვაშს, რექტორის მოადგილეებსა და ფაკულტეტების დეკანებს შეხვდნენ.
ბათუმის შოთა რუსთაველის სახელმწიფო უნივერსიტეტის წარმომადგენლებმა ნანა მაკარაძემ, ამირან შარაძემ და ნინო მიქელაძემ 24-27 თებერვალს პორტოს პოლიტექნიკურ ინსტიტუტში (IPP) გამართულ, ERASMUS+–ის პროექტის „სწავლების ოპტიმიზაცია და აკადემიური ინკლუზია დისტანციური სწავლებისა და სწავლის გამოყენებით" (Learning Optimization and Academic Inclusion Via Equitative Distance Teaching and Learning - Love Distance) ფარგლებში გამართულ კონსორციუმის პირველ საერთაშორისო შეხვედრაში (Kick-off meeting) მიიღეს მონაწილეობა. შეხვედრაზე პროექტის პარტნიორი დაწესებულებების წარმომადგენლები საქართველოდან, ესპანეთიდან, რუმინეთიდან, ისრაელიდან პროექტის მიზნებს, ამოცანებს, მენეჯმენტს და სხვა აქტუალურ საკითხებს გაეცნენ. ღონისძიების ფარგლებში ასევე გაიმართა დისკუსია პროექტის პარტნიორ უნივერსიტეტებში საპილოტე რეჟიმში დისტანციური სწავლების დასანერგად მიმართულებებისა და კურსების შერჩევის მექანიზმებზე.
ბათუმის შოთა რუსთაველის სახელმწიფო უნივერსიტეტმა აბიტურიენტებისათვის ღია კარის დღეები დაიწყო. უმაღლესი საგანმანათლებლო დაწესებულების პროფესორ-მასწავლებლებმა და სტუდენტებმა ბათუმის საჯარო და კერძო სკოლების მეთორმეტე კლასის მოსწავლეებს უნივერსიტეტის საგანმანათლებლო პროგრამები, საუნივერსიტეტო ცხოვრება, სოციალური პროგრამები, სტიპენდიები, გაცვლითი პროგრამები და სიახლეები გააცნეს. შეხვედრის დასასრულს აბიტურიენტებს ბათუმის შოთა რუსთაველის სახელმწიფო უნივერსიტეტის საინფორმაციო ბუკლეტები და სამახსოვრო საჩუქრები გადაეცათ. 2020-2021 სასწავლო წელს ბსუ-ში 34-მდე საბაკალავრო საგანმანათლებლო პროგრამაზე 1365 პირველკურსელი ჩაირიცხება.
