ახალი ამბები

ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის ორგანიზებით Zoom-ის ონლაინპლატფორმაზე, ვებპანელი „კორონავირუსის პანდემიით გამოწვეული რეცესია, მისი შემაკავებელი ბარიერები და პოსტკორონავირუსული კრიზისის დაძლევა საქართველოში“ გაიმართა. ვებპანელში 100-მდე ეკონომისტმა მიიღო მონაწილეობა და იგი საქართველოს დამოუკიდებლობის აღდგენის 29-ე წლისთავს მიეძღვნა.

ბათუმის შოთა რუსთაველის სახელმწიფო უნივერსიტეტის ფსიქოლოგიის კლინიკა კორონავირუსის ინფექციით (COVID-19) შექმნილი მდგომარეობის გათვალისწინებით, მუშაობას დისტანციურ რეჟიმში განაგრძობს. კლინიკა 3 აპრილიდან უფასო პირველად დახმარებას გაუწევს მოქალაქეებს კორონავირუსის პანდემიით გამოწვეული ფსიქოლოგიური სირთულეების დაძლევაში. ფსიქოლოგიის კლინიკის მომსახურებით პირველ რიგში ისარგებლებენ კარანტინში მყოფი პირები და მათი ოჯახის წევრები.

ბათუმის შოთა რუსთაველის სახელმწიფო უნივერსიტეტის ჯანდაცვის მიმართულების სტუდენტების ინიციატივით მოხალისეთა ჯგუფი შეიქმნა. სტუდენტები დისტანციურად დახმარებას გაუწევენ სამედიცინო პერსონალს, კორონავირუსის პრევენციის მიზნით გასატარებელ ღონისძიებებში.

ბათუმის შოთა რუსთველის სახელმწიფო უნივერსიტეტის რექტორი მერაბ ხალვაში აჭარის ა.რ. განათლების, კულტურისა და სპორტის მინისტრთან მაია ხაჯიშვილთან ერთად, უნივერსიტეტში ონლაინ სწავლების საპილოტე რეჟიმის მიმდინარეობას გაეცნო. 16 მარტიდან ბსუ საპილოტე რეჟიმში ელექტრონულ სწავლებას უნივერსიტეტის პორტალით ახორციელებს. დღეს, ასევე, ZOOM-ის თანამედროვე პლატფორმის მეშვეობით მათემატიკისა და უცხო ენების მიმართულებით ინტერაქციული ვიდეოლექცია ჩატარდა.

ძვირფასო სტუდენტებო და პროფესორ-მასწავლებლებო!
გაცნობებთ, რომ 16 მარტიდან ბათუმის შოთა რუსთაველის სახელმწიფო უნივერსიტეტი გადადის ელექტრონული სწავლების კომპონენტზე. გთხოვთ, შესაბამისი ინსტრუქცია იხილეთ ბმულზე - https://portal.bsu.edu.ge/Page/894/index.html?fbclid=IwAR2Lu4acL4lOcGCiAh-50sXvygTXH7OXHxLPn1FwFNj8lbOVfelCduSeoQk
ვინადიან სწავლების ეს ფორმატი სიახლეა, შესაძლოა გამოვლინდეს ხარვეზებიც. მთავარია, თითოელი თქვენგანისა და პროფესორ-მასწავლებლის ძალისხმევით ეს პროცესი დავიწყოთ. გვეიმედებით და გვჯერა, ერთად შევძლებთ დასახული მიზნის მიღწევას.
გისურვებთ ჯანმრთელობასა და წარმატებებს!