ახალი ამბები

ბათუმის შოთა რუსთაველის სახელმწიფო უნივერსიტეტში ჰუმანიტარულ მეცნიერებათა ფაკულტეტის ქართული ფილოლოგიის დეპარტამენტის ორგანიზებით, ქართული ენის დღისადმი მიძღვნილი ღონისძიება გაიმართა. ღონისძიების მონაწილეებს მიესალმნენ და სიტყვით მიმართეს ბსუ-ს ემერიტუს-პროფესორმა შუშანა ფუტკარაძემ, პროფესორმა მამია ფაღავამ, სტამბოლის შოთა რუსთაველის სახელობის კულტურის ცენტრის ხელმძღვანელმა ორჰან ბერიძემ, მწერლებმა: დავით თედორაძემ, ვახტანგ ღლონტმა, პაატა აბაშიძემ, ბელა ქებურიამ და ქალთამზე ანა სურმანიძემ.

ბათუმის შოთა რუსთაველის სახელმწიფო უნივერსიტეტის ჯაზ-ბენდმა „OFF SIDE“ 10-14 აპრილს, დუბაიში გამართული ხელოვნების საერთაშორისო ფესტივალის - „DUBAI GRAND FESTIVAL’’ უმაღლესი ჯილდო - გრან-პრი მოიპოვა. ჟურიმ ფესტივალის 10-მდე ქვეყნის 50-მდე მონაწილეს შორის უპირატესობა ბსუ-ს ჟაზ-ბენდს მიანჭა ვოკალურ-ინსტრუმენტალურ კატეგორიაში. ბათუმის შოთა რუსთაველის სახელმწიფო უნივერსიტეტი ულოცავს ბსუ-ს ბენდს და მის ხელმძღვანელს, კალისტრატე ცინცაძეს მნიშვნელოვან გამარჯვებას და წარმატებებს უსურვებს.

3-17 მარტს „ერახმუს+“-ის პროგრამის საგრანტო პროექტის „საგანმანათლებლო, სამეცნიერო, მართვისა და ინდუსტრიული კომპონენტების ერთობლიობა კლიმატის მართვისა და კლიმატის ცვლილების პრევენციისთვის” (CLIMAN) ფარგლებში, ტურიბას უნივერსიტეტმა (ლატვია) უმასპინძლა სტუდენტთა სპეციალურ სასწავლო პროგრამას. ბათუმის შოთა რუსთაველის სახელმწიფო უნივერსიტეტიდან სასწავლო ტურში მონაწილეობას ღებულობდნენ აგრარული ტექნოლოგიებისა და მასწავლებლის მომზადების საგანმანათლებლო პროგრამების სტუდენტები: სალომე დუმბაძე, ლუკა ნინიძე, გიორგი მოსიძე, ჯულიეტა ჯიჯავაძე.

ბათუმის შოთა რუსთაველის სახელმწიფო უნივერსიტეტში იუსტიციის სამინისტროს ახალგაზრდული კლუბ „YOUTHTITIA" შესახებ საინფორმაციო შეხვედრა გაიმართა. ახალგაზრდული კლუბის ფარგლებში დაგეგმილი აქტივობების, პროფესიული და სოციალური ტრენინგების შესახებ სტუდენტებს ინფორმაცია მიაწოდეს იუსტიციის სასწავლო ცენტრის დირექტორმა ვახტანგ ჟვანიამ და ცენტრის წარმომადგენლებმა. შეხვედრის მონაწილეებს მიესალმნენ და პროექტის მნიშვნელობაზე ისაუბრეს ბსუ-ს რექტორის მოადგილემ ანზორ ბერიძემ და იურიდიული და სოციალურ მეცნიერებათა ფაკულტეტის დეკანმა ლევან ჯაყელმა.

9-11 აპრილს ევროკომისიის მიერ დაფინანსებული პროექტის „კვლევის პასუხისმგებლიანად წარმართვა – კვლევის კეთილსინდისიერება და ეთიკა ქართულ უნივერსიტეტებში (“Responsible Conduct of Research – Research Integrity and Ethics in Georgian Universities“ – ETHICS) ფარგლებში, კონსორციუმის მეორე საერთაშორისო შეხვედრა და სასწავლო ვიზიტი გაიმართა. შეხვედრას ესწრებოდნენ პროექტის კონსორციუმის 10 ქართული უმაღლესი საგანმანათლებლო დაწესებულების, 3 ევროპული უნივერსიტეტისა და ევროპული არასაუნივერსიტეტო პარტნიორი ორგანიზაციის წარმომადგენლები, საქართველოს განათლების, მეცნიერებისა და ახალგაზრდობის სამინისტროს, შოთა რუსთაველის საქართველოს ეროვნული სამეცნიერო ფონდისა და განათლების ხარისხის განვითარების ეროვნული ცენტრის წარმომადგენლები.