ბავშვთა დაცვის საერთაშორისო დღესთან დაკავშირებით, ბათუმის შოთა რუსთაველის სახელმწიფო უნივერსიტეტმა N 6 საჯარო სკოლის მესამე კლასის მოსწავლეებს უმასპინძლა.მოსწავლეებმა უნივერსიტეტის ეზო, ბიბლიოთეკა, კაბინეტ-ლაბორატორიები დაათვალიერეს, სახალისო ცდებში მიიღეს მონაწილეობა და სიმბოლური საჩუქრები მიიღეს.
ბსუ-ში გაეროს წარმომადგენელმა საქართველოში საბინე მახლიმ და ბათუმის შოთა რუსთველის სახელმწიფო უნივერსიტეტის რექტორმა მერაბ ხალვაშმა ბსუ-ში SDG - ახალგაზრდული სივრცე გახსნეს. ახალგზადრული სივრცის მიზანია მდგრადი განვითარების მიზნების მხარდაჭერა და ახალგაზრდებისათვის ისეთი აქტივობების შეთავაზება, რომელიც მათ ახალ უნარებს გამოუმუშავებს თანამედროვე სამყაროს გამოწვევების საპასუხოდ. ღონისძიების ფარგლებში გაიმართა ჰიბრიდული კურსის პრეზენტაცია, რომელიც მოიცავს გაეროს მდგრადი განვითარების მიზნების იმპლემენტაციის საკითხებსა და ტრენინგებს. ახალგაზრდული სივრცე განათლებისა და საერთაშორისო განვითარების აკადემიისა და გაეროს წარმომადგენლობის თანამშრომლობით გაიხსნა.
ბათუმის შოთა რუსთაველის სახელმწიფო უნივერსიტეტში სტუდენტთა კარიერული განვითარების, კულტურისა და სპორტის დეპარტამენტის ორგანიზებით, ტრენერმა და სპიკერმა ალექსანდე ჯეჯელავამ საჯარო ლექცია წაიკითხა თემაზე: „წარმატება და პროფესიული სტრატეგია XXI საუკუნეში". ცნობილი ტრენერი სტუდენტებს ესაუბრა წარმატებაზე და წარმატების მიღწევის გზებზე, პროფესიის არჩევის თანამედროვე მიდგომებზე, წარმატებისთვის აუცილებელი უნარ-ჩვევების გამომუშავებაზე.
აჭარის მთავრობის თავმჯდომარემ თორნიკე რიჟვაძემ ბსუ-ს რექტორთან მერაბ ხალვაშთან, ბათუმის მერთან არჩილ ჩიქოვანთან და ბსუ-ს ადმინისტრაციის ხელმძღვანელთან მერაბ დიასამიძესთან ერთად, ბათუმის შოთა რუსთაველის სახელმწიფო უნივერსიტეტის რეაბილიტირებული ეზო დაათვალიერა და ეზოში მყოფ სტუდენტებს გაესაუბრა. აჭარის მთავრობის თავმჯდომარე ასევე გაეცნო ახალ ინფრასტრუქტურულ პროექტებს.
ფულბრაიტის გაცლითი პროგრამის წარმომადგენელმა ფილიპ პურიფოიმ ბათუმის შოთა რუსთველის სახელმწიფო უნივერსიტეტში საჯარო ლექცია წაიკითხა თემაზე: „ადრეული ამერიკა: ამერიკის შეერთებული შტატების კონსტიტუციის ისტორიული კონტექსტი“. მომხსენებლი სტუდენტებს ესაუბრა ამერიკულ რევოლუციაზე, კონსტიტუციის შექმნასა და ადამიანის უფლებებზე. ლექციის დასრულების შემდეგ, შეხვედრა კითხვა-პასუხის რეჟიში წარიმართა და ფილიპ პურიფოიმ სტუდენტების აქტუალურ შეკითხვებს უპასუხა. ფილიპ პურიფოი სტაჟირებას გადის ბსუ-ს საერთაშორისო განათლების ცენტრში. საჯარო ლექცია ბსუ-ს სტრატეგიული განვითარებისა და საგარეო ურთიერთობათა დეპარტამენტის ორგანიზებით გაიმართა.
