ახალი ამბები

საქართველოს განათლებისა და მეცნიერების სამინიტროს მხარდაჭერით ათასწლეულის გამოწვევის ფონდი - საქართველოს წარმომადგენლებმა და "ათასწლეულის გამოწვევის კორპორაციის" (MCC) ამერიკელმა კონსულტანტებმა საინფორმაციო შეხვედრა გამართეს. ამერიკის შეერთებული შტატების “ათასწლეულის გამოწვევის კორპორაციასთან” (Millenium Challenge Corpiration MCC) თანამშრომლობის მეორე კომპაქტის (გრანტის) ფარგლებში, საქართველოს განათლების სისტემის განვითარების ხელშეწყობისთვის იგეგმება 140 მილიონი აშშ დოლარის გამოყოფა. პროგრამის ერთ-ერთ კომპონენტს წარმოადგენს პროფესიული განათლების სექტორის ხელშეწყობა, რომლისთვისაც 15 მილიონი აშშ დოლარია განსაზღვრული. განათლებისა და მეცნიერების სამინისტროს პროფესიული განათლების განვითარების დეპარტამენტის წარმომადგენელმა, ანა მჭედლიშვილმა, უმაღლესი განათლების პროექტის დირექტორმა, ნოდარ სურგულაძემ, აშშ-ის MCC კონსულტანტებმა მარსელ რიკუმ და ენტონი ტირელმა უნივერისიტეტის პროფესორ-მასწავლებლებს კონკურსში მონაწილეობის პირობები გააცნეს

ბათუმის შოთა რუსთაველის სახელმწიფო უნივერსიტეტში წარმატებული და სოციალურად დაუცველი სტუდენტების მხარდაჭერის ფონდი დაფუძნდა. ფონდის მიზანია ბათუმის შოთა რუსთაველის სახელმწიფო უნივერსიტეტის წარმატებული და სოციალურად დაუცველი სტუდენტების სწავლის საფასურის დაფინანსება, სტიპენდიებით უზრუნველყოფა და დასაქმების ხელშეწყობა. პროფესორ-მასწავლებლები და სტუდენტები აქტიურად მონაწილეობენ წარმატებული და სოციალურად დაუცველი სტუდენტების საქველმოქმედო ღონისძიებებში. უმაღლესი საგანმანათლებლო დაწესებულების საინიციატივო ჯგუფმა აღნიშნულ თანადგომას ორაგანიზებული სახე მისცა და ,,წარმატებული და სოციალურად დაუცველი სტუდენტების მხარდაჭერის ფონდი“ დააფუძნა, რომელშიც გაწევრიანება ნებისმიერ პირსა და ორგანიზაციას შეუძლია

სკოლისა და ბათუმის შოთა რუსთაველის სახლელმწიფო უნივერსიტეტის თანამშრომლობის კლუბის ,,სკოლა-უნივერსიტეტი“ ფარგლებში I სამეცნიერო კონფერენცია - ,,სწავლებისა და აღზრდის აქტუალური პრობლემები“ გაიხსნა. კონფერენციაში სტუდენტებთან ერთად ბათუმის საჯარო და კერძო სკოლის მოსწავლეები მონაწილეობენ. 200-მდე მომხსენებელმა თემები პედაგოგიკის, ჯანდაცვის, ისტორიის, საბუნებისმეტყველო მეცნიერებების, ქართული ენისა და ლიტერატურისა და სოციალური მიმართულების სექციებში წარმოადგინეს. ახალგაზრდებმა ისეთი მნიშვნელოვანი საკითხები განიხილეს როგორიცაა: სკოლა და ოჯახი ბავშვის აღზრდაში, მასწავლებლის პიროვნული და საზოგადოებრივი როლი და მნიშვნელობა, კომპიუტერული ტექნოლოგიების გამოყენება სასწავლო პროცესში, ბათუმი - ტოლერანტული ქალაქი, კანონი, ენათმეცნიერება და ენის ნორმების გავრცელებული დარღვევები. კლუბის ,,სკოლა-უნივერსიტეტი“ მიერ ორგანიზებული კონფერენცია ზოგადსაგანმანათლებლო დაწესებულებებისა და უმაღლესი სასწავლებლის დაახლოებას, სამეცნიერო მუშაობის სწავლებას, საგანმანათლებლო პროექტების მომზადებასა და ნიჭიერი ახალგაზრდების გამოვლენას ისახავს მიზნად.

მშვიდობის კორპუსის მოხალისემ, ბერკლის (კალიფორნია) უნივერსიტეტის კურსდამთავრებულმა, კონორ ჰარტნეტმა კოპენჰაგენის უნივერსიტეტის დოქტორანტ თამთა ხალვაშთან ერთად სოციალური და ჰუმანიტარული მიმართულების სტუდენტებისთვის ლექცია წაიკითხა თემაზე: „სიმბოლო კულტურულ ანთროპოლოგიაში“. კონორ ჰარტნეტმა კულტურის ანთროპოლოგიური გაგება, სიმბოლოების ენა და მათი როლი კულტურაში პუებლოს (ინდიელთა კულტურა, აშშ) და ძველი ქართული კულტურის სიმბოლოებისა და კულტურული არტეფაქტების შედარების საფუძველზე განიხილა. ლექციის მიზანი იყო სტუდენტებისათვის გაეცნო სიმბოლოები კულტურაში, კულტურათა შორის განსხვავებანი და უნივერსალური ღირებულებები ანთროპოლოგიური პერსპექტივის თვალთახედვით. ახალგაზრდები ამერიკულ/დასავლურ ანთროპოლოგიაში გავრცელებულ კულტურის გააზრებისა და ინტერპრეტაციის თანამედროვე მიდგომებს გაეცნენ. კონორ ჰარტნეტმა ბათუმის შოთა რუსთაველის სახელმწიფო უნივერსიტეტში ლექციები წაიკითხა ეკონომიკური, აგრარული და საინჟინრო ტექნოლოგიების მიმართულებით

ბათუმის შოთა რუსთაველის სახელმწიფო უნივერსიტეტის სამეცნიერო ცენტრის ნიკო ბერძენიშვილის სახელობის ჰუმანიტარულ-სოციალური მიმართულების ფოლკლორისა და დიალექტოლოგიის განყოფილების უფროსს, ფილოლოგიის მეცნიერებათა დოქტორს, ემერიტუს-პროფესორს, ცნობილ ენათმეცნიერს, ქალბატონ შუშანა ფუტკარაძეს დაბადებიდან 70 და სამეცნიერო-პედაგოგიური მოღვაწეობიდან 45 წელი შეუსრულდა. ცნობილ ქართველ მეცნიერს იუბილე მიულოცეს, დიპლომები და სამახსოვრო საჩუქრები გადასცეს რექტორმა, პროფესორმა ალიოშა ბაკურიძემ, აჭარის ა.რ. მთავრობის თავმჯდომარემ არჩილ ხაბაძემ, აჭარის ა.რ. განათლების, კულტურისა და სპორტის მინისტრმა გიორგი თავამაიშვილმა, მეცნიერებათა ეროვნული აკადემიის წევრ-კორესპონდენტმა გურამ ლორთქიფანიძემ, კოლეგებმა, უცხოეთიდან ჩამოსულმა სტუმრებმა და საზოგადოების წარმომადგენლებმა