ახალი ამბები

იურიდიული ფაკულტეტის 30 წლის იუბილისადმი მიძღვნილი საჯარო სამართლის საერთაშორისო საზოგადოების (ICON•S საქართველოს) პირველი ყოველწლიური სამეცნიერო კონფერენცია „თანამედროვე საჯარო სამართლის გამოწვევები" იმართება ბათუმის შოთა რუსთველის სახელმწიფო უნივერსიტეტში. კონფერენცია გახსნეს და მონაწილეებს მიესალმნენ ბსუ-ს იურიდიული და სოციალურ მეცნიერებათა ფაკულტეტის დეკანი, პროფესორი ლევან ჯაყელი, ICON•S საქართველოს თანათავმჯდომარე, ევროკავშირის საკონსტიტუციო სამართლის ჟან მონეს კათედრის ხელმძღვანელი, ბსუ-ს პროფესორი მალხაზ ნაკაშიძე, USAID სამართლის უზენაესობის პროგრამის ხელმძღვანელი გიორგი ჩხეიძე, თსუ-ს პროფესორი გიორგი კვერენჩხილაძე და ბსუ-ს სამართლის და საჯარო მმართველობის დეპარტამენტის ხელმძღვანელი ასოცირებული პროფესორი ომარ ფარტენაძე.

ბათუმის შოთა რუსთველის სახელმწიფო უნივერსიტეტში იურიდიული ფაკულტეტის 30 წლის იუბილე საზეიმოდ აღინიშნა. იურიდიული და სოციალურ მეცნიერებათა ფაკულტეტის დეკანმა ლევან ჯაყელმა ღონისძიებაზე ფაკულტეტის მიღწევებსა და ისტორიაზე ისაუბრა. ბსუ-ს რექტორმა, პროფესორმა მერაბ ხალვაშმა ფაკულტეტს იუბილე მიულოცა და იურიდიული მიმართულების განვითარებაში შეტანილი განსაკუთრებული წვლილისათვის უნივერსიტეტის საპატიო ჯილდო - შოთა რუსთველის სახელობის მედალი გადასცა. ფაკულტეტს საიუბილეო თარიღი მიულოცეს, წარმატებები უსურვეს და სამახსოვრო საჩუქრები გადასცეს აჭარის ა.რ. უმაღლესი საბჭოს თავმჯდომარემ დავით გაბაიძემ, აჭარის ა.რ. განათლების, კულტურისა და სპორტის მინისტრმა მაია ხაჯიშვილმა, კურსდამთავრებულებმა, სხვადასხვა უმაღლესი საგანმანათლებლო დაწესებულებების, ბიზნეს სექტორისა და საზოგადოების წარმომადგენლებმა, პროფესორ-მასწავლებლებმა და სტუდენტებმა.

ბათუმის შოთა რუსთაველის სახელმწიფო უნივერსიტეტი სამდღიან საერთაშორისო კონფერენციას „ევროინტეგრაცია და სურსათის ლაბორატორიული კვლევის გამოწვევები“ მასპინძლობს. სამი დღის განმავლობაში გაიმართება სამეცნიერო, თეორიული და პრაქტიკული კვლევების განხილვა და თემატური დისკუსიები. კონფერენციის ძირითადი მიმართულებებია: ბიოუსაფრთხოება - გარემოსა და სურსათის უსაფრთხოება, ლაბორატორიული საქმიანობა - სურსათის ლაბორატორიული კვლევები, სამართალმცოდნეობა - სურსათის უვნებლობის სამართლებრივი საფუძვლები, ბიზნესი - სურსათის კვლევის ლაბორატორიული ბაზარი.

ბსუ-ს პროფესიული პროგრამების მართვისა და უწყვეტი განათლების ცენტრისა და ელექტრონული ჟურნალის „პროფესიული განათლება“ ორგანიზებით, პირველად საქართველოში კონფერენცია „ლიდერობა პროფესიულ განათლებაში“ ტარდება. კონფერენცია გახსნეს და მონაწილეებს მიესალმნენ ბსუ-ს რექტორის მოადგილემ ანზორ ბერიძემ, ბსუ-ს პროფესიული პროგრამების მართვისა და უწყვეტი განათლების ცენტრის ხემძღვანელმა მადონა მიქელაძემ, განათლების ხარისხის განვითარების ეროვნული ცენტრის დირექტორის მოადგილემ კახაბერ ერაძემ, საქართველოს განათლებისა და მეცნიერების სამინისტროს პროფესიული დეპარატამენტის ხელმძღვანელმა თამარ კვინიკაძემ, პროფესიული უნარების სააგენტოს გენერალური დირექტორმა თამარ ქიტიაშვილმა და ელექტრონული ჟურნალის „პროფესიული განათლება“ დამფუძნებელმა ნინო ელბაქიძემ.

ბათუმის შოთა რუსთაველის სახელმწიფო უნივერსიტეტის „სტუდენტთა სამეცნიერო კონფერენცია - 2023-ის“ მონაწილეთა დაჯილდოება გაიმართა. უნივერსიტეტის რექტორმა მერაბ ხალვაშმა, ადმინისტრაციის ხელმძღვანელმა მერაბ დიასამიძემ, რექტორის მოადგილეებმა თამარ სირაძემ და ანზორ ბერიძემ, ხარისხის უზრუნველყოფის სამსახურის უფროსმა ვლადიმერ ღლონტმა და ფაკულტეტების დეკანებმა კონფერენციის მონაწილეებს გამარჯვება მიულოცეს და სერტიფიკატები გადასცეს. სტუდენტური კონფერენციის 30 სექციის 90 მონაწილე საპრიზო ადგილის მფლობელი გახდა. ახალგაზრდა მკვლევართა ნაშრომები უნივერსიტეტის პროფესორ-მასწავლებლებმა შეაფასეს. კონფერენციის ფარგლებში გამოიცემა კრებული, რომელშიც თითოეული სექციის სამი საუკეთესო სამეცნიერო მოხსენება დაიბეჭდება, ასევე ფულადი ჯილდო გადაეცემა საპრიზო ადგილზე გასულ ყველა სტუდენტს.