ახალი ამბები

ბსუ-ს ზუსტ მეცნიერებათა და განათლების ფაკულტეტის წარმომადგენლებმა სკოლამდელი განათლების გამოწვევების თემაზე, აჭარის ა.რ. განათლების, კულტურისა და სპორტის სამინისტროს, რეგიონის საბავშვო ბაღების პედაგოგებთან, მენეჯერებთან და ბაღების გაერთიანების წარმომადგენლებთან შეხვედრა გამართეს. შეხვედრა მიზნად ისახვდა უნივერსიტეტის მიერ იუნისეფისა და აჭარის განათლების, კულტურისა და სპორტის სამინისტროს დაფინანსებით სკოლამდელი განათლების ხარისხის განვითარების მიზნით განხორციელებული პროექტების შედეგების გაცნობას და სკოლამდელი განათლების საბაკალავრო საგანმანათლებლო პროგრამის პრეზენტაციას.

ბათუმის შოთა რუსთველის სახელმწიფო უნივერსიტეტს სამუშაო ვიზიტით ფრანკოფონიის საუნივერსიტეტო სააგენტოს ხელმძღვანელი საქართველოში თამარ ღარიბაშვილი ეწვია. ბსუ-ს ჰუმანიტარულ მეცნიერებათა ფაკულტეტის დეკანთან, პროფესორ მარინა გიორგაძესთან, სამეცნიერო კვლევების სამსახურის წარმომადგენლებთან, პროფესორ-მასწავლებლებთან, სტუდენტებთან, დოქტორანტებთან გამართულ შეხვედრებზე თამარ ღარიბაშვილმა ფრანგული ფილოლოგიის მიმართულებით თანამშრომლობის გაღრმავების მნიშვნელობაზე ისაუბრა და ფრანგული AUF-ის და CEF პროექტები წარმოადგინა. სტუმარმა ასევე ისაუბრა ფრანგული ენის გამოყენების ხელშეწყობაზე სწავლებასა და კვლევებში, სტუდენტების მობილობისა და გაცვლითი პროგრამების განხორციელებაზე.

მეცნიერების საერთაშორისო დღესთან დაკავშირებით, ბსუ-ს რექტორი, პროფესორი მერაბ ხალვაში მოადგილესთან, ანზორ ბერიძესთან ერთად, შოთა რუსთაველის ეროვნული სამეცნიერო ფონდის კონკურსში გამარჯვებულ დოქტორანტებს შეხვდა. ახალგაზრდა მეცნიერებს: ნონა სურმანიძეს, ჯეირან ფუტკარაძეს, ნონა აბაშიძეს, მარინა მჟავანაძეს სიგელები გადასცა და წარმატებები უსურვა. დოქტორანტებმა შეხვედრაზე პროექტები წარადგინეს და სამეცნიერო თემის მნიშვნელობასა და სამომავლო გეგმებზე ისაუბრეს.

ბათუმის შოთა რუსთაველის სახელმწიფო უნივერსიტეტის სტუდენტებთან ახალგაზრდობის რეგიონული ცენტრის წარმომადგენლებმა საინფორმაციო შეხვედრა გამართეს. შეხვედრაზე ისაუბრეს ორგანიზაციის მიერ განხორციელებულ და დაგეგმილ პროექტებზე. ახალგაზრდებს ცენტრის საქმიანობის პრინციპი გააცნეს და პლატფორმაზე დარეგისტრირების წესები აუხსნეს.

ბათუმის შოთა რუსთაველის სახელმწიფო უნივერსიტეტში პროფესიულ საგანმანათლებლო პროგრამებზე სასწავლო პროცესი დაიწყო. სტუდენტებს სწავლის დაწყება ბსუ-ს რექტორმა, პროფესორმა მერაბ ხალვაშმა, ადმინისტრაციის ხელმძღვანელმა მერაბ დიასამიძემ, პროფესიული პროგრამების ცენტრის დირექტორმა მადონა მიქელაძემ მიულოცეს და ის სიახლეები და შესაძლებლობები გააცნეს, რომელთაც უნივერსიტეტი მათ სთავაზობს. საზეიმო გახსნაზე ასევე სიტყვით გამოვიდნენ ბიბლიოთეკის დირექტორი ტარიელ ებრალიძე, დამსაქმებლები და კურსდამთავრებულები.