ახალი ამბები

მესამე მისიის მორიგი ღონისძიების ფარგლებში, მეორე სასწავლო ტურით ბათუმის შოთა რუსთაველის სახელმწიფო უნივერსიტეტის რექტორი, პროფესორი მერაბ ხალვაში და ტურიზმის ფაკულტეტის დეკანი, ასოცირებული პროფესორი ირაკლი კორძაია ტურკუს უნივერსიტეტს (ფინეთი) ეწვივნენ. ტურის მიზანი იყო მასპინძელი უნივერსიტეტის გამოცდილების ჩვენება და გაზიარება. UTU არის არა მხოლოდ უძველესი უნივერსიტეტი ფინეთში, არამედ პირველი უმაღლესი საგანმანათლებლო დაწესებულება, რომელმაც განსაზღვრა თავისი მე-3 მისიის ფუნქცია და სტრატეგია. მას აქვს მნიშვნელოვანი გამოცდილება „ერაზმუს+“-ის პროექტების კონტექსტში მსგავსი აქტივობების ორგანიზებასა და მასპინძლობაში.

ბათუმის შოთა რუსთაველის სახელმწიფო უნივერსიტეტში აშშ - საქართველოს ურთიერთობისა და სტრატეგიული პარტნიორობის 30 წლისადმი მიძღვნილი საზეიმო მიღება გაიმართა. აშშ-ის საგანგებო და სრულუფლებიანმა ელჩმა საქართველოში - კელი დეგნანმა ორ ქვეყანას შორის არსებული ურთიერთობა და თანამშრომლობის 30-წლიანი ისტორია შეაჯამა. ღონისძიებას ბსუ-რექტორი მერაბ ხალვაში, რექტორის მოადგილე თამარ სირაძე, სამთავრობო და არასამთავრობო ორგანიზაციების წარმომადგენლები, პროფესორ-მასწავლებლები და სტუდენტები ესწრებოდნენ.

6-10 ივნისს, პორტუგალიის ქალაქ პორტოში, პორტოს პოლიტექნიკურ უნივერსიტეტში, გაიმართა სასწავლო ვიზიტი „erasmus+”-ის საგრანტო პროექტის „საქართველოსა და უკრაინის უსდ-ების როლის გაძლიერება ინდუსტრიულ ტრანსფორმაციაში ინდუსტრიული პარადიგმა 4.0-ის მეშვეობით - HEIn4“ ფარგლებში. ვიზიტი ითვალისწინებდა პარადიგმა 4.0 კონცეფციის განვითარებისთვის ევროპული უნივერსიტეტების გამოცდილების გაზიარებას. შეხვედრაზე წარმოდგენილი იყო პორტოს პოლიტექნიკური უნივერსიტეტის (ISEP - IPP, Portugal), მინიოს უნივერსიტეტისა (University of Minho,Portugal) და სინგაპურის ნანიანგის უნივერსიტეტის (Nanyang Technological University - Singapore) ბელგიის და გერმანიის უნივერსიტეტების წარმატებული პრაქტიკა საგანმანათლებლო პროგრამებში ინდუსტრია 4.0 კონცეფციის ინტეგრირების, მრეწველობის განვითარებაში უნივერსიტეტების როლისა და პარტნიორი უნივერსიტეტების წარმატებული პროექტების შესახებ.

6-7 ივნისს ფინეთში, ევროკავშირის კვლევისა და ინოვაციის პროგრამის „ჰორიზონტი 2020“-ის პროექტის „ციფრული ინოვაციების დანერგვა სკოლებში რეგიონული ინოვაციური ჰაბებისა და მენტორინგის მოდელის საშუალებით“ („iHubs4Schools - Accelerating Digital Innovation in Schools through Regional Innovation Hubs and a Whole-School Mentoring Model“, ფარგლებში ჰელსინკის უნივერსიტეტში ჩატარდა კონსორციუმის წევრების შეხვედრა. კონსორციუმში ბათუმის შოთა რუსთაველის სახელმწიფო უნივერსიტეტიდან მონაწილეობდნენ რექტორის მოადგილე, პროფესორი თამარ სირაძე, ასოცირებული პროფესორი თათია ნაკაშიძე და მკვლევარი ნინო ნაკაშიძე.

ბათუმის შოთა რუსთაველის სახელმწიფო უნივერსიტეტში ბსუ-ს ბავშვის უფლებათა ცოდნის ცენტრის სამუშაო შეხვედრა გაიმართა, რომელიც მიზნად ისახავდა 2021-2022 სასწავლო წლის განმავლობაში განხორციელებული პროექტების წარდგენას. ღონისძიების ფარგლებში შედგა ბავშვის უფლებათა ცოდნის ცენტრის ტრენინგ-მოდულების, ცენტრისთვის შეძენილი სახელმძღვანელოს, ცენტრის საქმიანობის ამსახველი და თარგმნილი სტატიების, ბუკლეტის და ფოტონახატების გამოფენის ამსახველი მასალების, ვებგვერდის, ლოგოს და Brand Book-ის პრეზენტაცია.