ბიოლოგიის დეპარტამენტში ჩატარდა ქეთევან დოლიძისა და მარინა ნაგერვაძის ციტოლოგიისა ზოგადი ჰისტოლოგიის სახელმძღვანელოების წარდგენა. სახელმძღვანელოები შედგენილია ბიოლოგიის საუნივერსიტეტო საბაკალავრო საგანმანათლებლო პროგრამის შესაბამისად და ძირითადად განკუთვნილია უნივერსიტეტის ბიოლოგიური და ჯანდაცვის მიმართულების სპეციალობათა სტუდენტებისათვის. წარმოდგენილი სახელმძღვანელოები შედგენილია მრავალწლიან პედაგოგიურ გამოცდილების საფუძველზე.
ციტოლოგიის სახელმძღვანელოში განხილულია ცოცხალ ორგანიზმთა ნატიფი აგებულება, უჯრედის ფიზიკურ-ქიმიური ორგანიზაციის საფუძვლები, უჯრედში მიმდინარე სასიცოცხლო პროცესების, უჯრედის განახლებისა და დიფერენციაციის კანონზომიერებები, მემკვიდრული მასალის სტრუქტურული ორგანიზაციისა და მემკვიდრული ინფორმაციის რეალიზაციის საფუძვლები, უჯრედში მიმდინარე პათოლოგიური ცვლილებების, უჯრედის დაბერებისა და სიკვდილის, ასევე, რეგენერაციის კანონზომიერებები. სახელმძღვანელოში წარმოდგენილია კითხვები და სავარჯიშოები, ასევე, გამოყენებულ უცხო ტერმინთა განმარტებითი ლექსიკონი, საზომი ერთეულები. ყველა თავის ბოლოს გვხდება ასევე რეზიუმე, რაც თავის მოკლე შეჯამებაა.
ჰისტოლოგიის წინამდებარე სახელმძღვანელო მეორე გამოცემაა. ავტორი მადლიერებას გამოხატავს იმათ მიმართ, ვინც არსებითი რეკომენდაციები მისცეს. გათვალისწინებული იქნა რიგი მათგანი, ასევე, ავტორის შეხედულებისამებრ, დამატებული იქნა ჰისტოლოგიის კვლევის მეთოდები, კითხვები და სავარჯიშოები.
| უკან |
