ბათუმის შოთა რუსთაველის სახელმწიფო უნივერსიტეტის საბუნებისმეტყველო და ჯანდაცვის ფაკულტეტის სტუდენტები ქუთაისის აკაკი წერეთლის სახელმწიფო უნივერსიტეტში გამართულ ,,სტუდენტ-მედიკოსთა სამეცნიერო კონფერენციაში მონაწილეობდნენ. კონფერენციაზე სახელწოდებით  ,,მედეა’’ , ქართველი და უცხოელი სტუდენტების  ნაშრომების წარდგინება თეორიული მედიცინის, სტომატოლოგიისა და ფარმაციის სესიებში მიმდინარეობდა. კონფერენცია პირველად 2016 წელს, ბათუმის შოთა რუსთაველის სახელმწიფო უნივერსიტეტში გაიმართა, წელს კი მონაწილეთა რიცხვს ივანე ჯავახიშვილის სახელმწიფო უნივერსიტეტი, კავკასიის საერთაშორისო უნივერსიტეტი და პეტრე შოთაძის სამედიცინო აკადემია შეუერთდა.