ბსუ-ს ტურიზმის ფაკულტეტის ბაკალავრიატის სტუდენტებმა ქეთევან მგელაძემ და ჟანა ჩხიკვაძემ ფორუმში „ახალგაზრდული ფორუმი-მდგრადი განვითარებისა და ევროინტეგრაციისათვის“ მიიღეს მონაწილეობა. ფორუმის მიზანი იყო ახალგაზრდების ინფორმირებულობის, ჩართულობისა და გადაწყვეტილების მიღების პროცესში მონაწილეობის გაზრდა, ინოვაციური ხედვების წარმოჩენა და ასახვა ქვეყნის მიერ განსახორციელებელი ამოცანების შესრულების პროცესში, მათ შორის, გაეროს მდგრადი განვითარების მიზნებსა და საქართველოს ევროპული ინტეგრაციის საკითხებთან დაკავშირებით. ფორუმში მონაწილეობდნენ სხვადასხვა უნივერსიტეტის სტუდენტები.

საქართველოს საერთაშორისო ინვესტორთა ასოციაციის ოფისში, აჭარის ტურიზმის სექტორის წარმომადგენლებთან ტურიზმისა და სასტუმრო აღჭურვილობის რიგით მე-14 საერთაშორისო გამოფენა EBIT 2023-სთან დაკავშირებით საინფორმაციო შეხვედრა გაიმართა. ბათუმის შოთა რუსთაველს სახელმწიფო უნივერსიტეტის ტურიზმის ფაკულტეტსა და გამოფენის ორგანიზატორ „Expo Batumi International Tourism And Event Company“-სთან გაფორმებული მემორანდუმის ფარგლებში, ტურიზმის ფაკულტეტის 60-მდე სტუდენტი გამოფენის საორგანიზაციო პროცესში ჩაერთვება და ერთ თვიან პრაქტიკას გაივლიან.

ბსუ-ს ტურიზმის ფაკულტეტი „ტურიზმის“ საბაკალავრო საგანმანათლებლო პროგრამების სტუდენტებისთვის აცხადებს კონკურსს ვახუშტი ბატონიშვილის და ექვთიმე თაყაიშვილის სახელობითი სტიპენდიების მოსაპოვებლად.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის დეკანმა, ასოცირებულმა პროფესორმა ირაკლი კორძაიამ და მასპინძლობის მენეჯმენტის დეპარტამენტის ასისტენტ პროფესორმა ნინო დევაძემ 21-22 მარტს მონაწილეობა მიიღეს ვადიმ გეტმანის სახელობის კიევის ნაციონალურ ეკონომიკური უნივერსიტეტის მიერ ორგანიზებულ ტურიზმის საერთაშორისო ფორუმში „ტურიზმი უკრაინაში: გამოწვევები და აღდგენა“. ფორუმის ორგანიზატორები ასევე იყვნენ ბათუმის შოთა რუსთაველის სახელმწიფო უნივერსიტეტი, ხერსონის სახელმწიფო აგრარული და ეკონომიკური უნივერსიტეტი, უკრაინის ტურიზმის

ტურიზმის ფაკულტეტის ტურიზმის საბაკალავრო საგანმანათლებლო პროგრამის მეოთხე სასწავლო წლის სტუდენტმა თამარ მახარაძემ „ელთ ბილდინგის სახელობის სტიპენდია“ მოიპოვა. სტიპენდიის კონკურსი შპს „ელთ ბილდინგისა“ და ბსუ-ს შორის გაფორმებული მემორანდუმის საფუძველზე გამოცხადდა, რომელიც ითვალისწინებდა ტურიზმის, კომპიუტერული მეცნიერებების და არქიტექტურის საბაკალავრო საგანმანათლებლო პროგრამების უმაღლესი აკადემიური მოსწრების მქონე და წარმატებული სტუდენტების შერჩევასა და სტიპენდიის დანიშნვას 2022-2023 სასწავლო წლის გაზაფხულის სემესტრში.