„Erasmus+“-ის ეროვნული სააგენტოს საქართველოს ოფისის ხელმძღვანელმა ლიკა ღლონტმა ბათუმის შოთა რუსთაველის სახელმწიფო უნივერსიტეტში საინფორმაციო შეხვედრა გამართა და ახალი საკონკურსო პროგრამები წარმოადგინა. ტემპუსის, ერაზმუს მუნდუსისა და ჟან მონეს პროგრამები 2015 წლიდან ახლად შექმნილი გაერთიანებული პროგრამის Erasmus+ის ეგიდით ხორციელდება. ბსუ-ს სხვადასხვა საფეხურის სტუდენტებსა და პროფესორ-მასწავლებლებს შეუძლიათ მონაწილეობა მიიღონ Degree Mobility-ს,Credit Mobility-სა და Capacity Building for Higher Education-ის გაცვლით პროგრამებში.

ვიშეგრადის სასტიპენდიო პროგრამა მაგისტრატურის, დოქტორანტურის და პოსტ-დოქტორანტურის სტუდენტთათვის.

გაცვლითი პროგრამის ერასმუს+Credit Mobility–ის საინფორმაციო შეხვედრა შედგა ბათუმის შოთა რუსთველის სახელმწიფო უნივერსიტეტში. საგარეო ურთიერთობათა და სტრატეგიული განვითარების სამსახურის უფროსმა ნანა ყურშუბაძემ სხვადასხვა სპეციალობის სტუდენტებსა და პროფესორ-მასწავლებლებს ახალი გაცვლითი პროგრამის განხორციელების წესები და კონკურსის ჩატარების პირობები გააცნო. ევროპის წამყვან უნივერსიტეტებში სწავლის შესაძლებლობა ეძლევა ყველა საფეხურის სტუდენტს, აკადემიურ პერსონალსა და მკვლევარს.

აშშ-ის საელჩო აცხადებს ფულბრაიტის პროგრამას მკვლევართათვის, ლექტორთათვისა და სასწავლო დაწესებულებათა ექსპერტთათვის!
პროგრამა 3-დან 6 თვემდე გრძელდება და მონაწილეებს აშშ-ში კვლევისა ან/და ლექციების ჩატარების საშუალებას აძლევს.

შვეიცარიის მთავრობა აცხადებს სასტიპენდიო კონკურსს 2016-2017 სასწავლო წლისთვის.

განაცხადის შეტანის ბოლო ვადაა 2015 წლის 15 დეკემბერი.

საქართველოში რუმინეთის საელჩოს ხელმძღვანელის თანაშემწე რადუ გორინჩიო ვიზიტით ბათუმის შოთა რუსთაველის სახელმწიფო უნივერსიტეტში იმყოფებოდა. დიპლომატიური კორპუსის წარმომადგენელმა რექტორის მოადგილესთან ნათია წიკლაშვილთან და საგარეო ურთიერთობათა და სტრატეგიული განვითარების სამსახურის უფროსთან ნანა ყურშუბაძესთან გამართულ შეხვედრაზე რუმინეთის წამყვან უნივერსიტეტებთან თანამშრომლობის შესაძლებლობებზე და სამომავლო გეგმებზე ისაუბრა. დაიგეგმა სხვადასხვა უმაღლეს სასწავლებელთან მემორანდუმის გაფორმება, გაცვლითი პროგრამების ამოქმედება და ერთობლივი პროექტების განხორციელება.

ავსტრიის ფედერალური კანცლერის აპარატი და გაერთიანება - „ავსტრიის კულტურული კონტაქტები“ (KulturKontakt Austria) 2016 წელს უცხოელი ხელოვანებისთვის 50 სტიპენდიის გაცემას გეგმავენ. სასტიპენდიო კონკურსში მონაწილეობის უფლება აქვთ მხოლოდ უმაღლესი განათლების მქონე ხელოვანებს, რომელთა ასაკიც არ აღემატება 40 წელს. კონკურსის ერთ-ერთ წინაპირობას გერმანული ან ინგლისური ენის ცოდნა წარმოადგენს. ავსტრიული სტიპენდიები მოიცავს ხელოვნების 9 მიმართულებას: ვიზუალური ხელოვნება, ფოტოხელოვნება, ვიდეო და მედია ხელოვნება, ინტერდისციპლინარული ხელოვნება, კომპოზიცია, ლიტერატურა, ლიტერატურა ბავშვებისა და ახალგაზრდებისათვის, ლიტერატურული თარგმანი, სახელოვნებო და კულტურული განათლება.