ტემპუსის საგრანტო პროექტის Tempus INOTLES( Innovating Teaching and Learning of European Studies) ფარგლებში ბრიუსელში ევროპისმცოდნეობის ვრიჯეს უნივერსიტეტში პროექტში მონაწილე უნივერსიტეტებისთვის სწავლის ახალი ელექტრონული მეთოდების დანერგვის მიზნით ტრენინგი ტრენერებისათვის გაიმართა. ტრენინგში მონაწილეობას ღებულობდნენ პროექტის კოორდინატორი, საგარეო ურთიერთობათა სამსახურის უფროსი ნანა ყურშუბაძე, პროექტის მკვლევარი სოციალურ მეცნიერებათა, ბიზნესისა და სამართალმცოდნეობის ფაკულტეტის ასოცირებული პროფესორი ირაკლი გორგილაძე, ამავე ფაკულტეტის ასოცირებული პროფესორი ირაკლი მანველიძე, ასისტენტ პროფესორი ნატალია ლაზბა, მოწვეული მასწავლებელი ლაშა ბაჟუნაიშვილი და საინფორმაციო ტექნოლოგიებისა და კომუნიკაციის სამსახურის სპეციალისტი ბესიკ ბერიძე.

6 ივნისს ბათუმის შოთა რუსთაველის სახელმწიფო უნივერსიტეტის ეზოში საგარეო ურთიერთობათა სამსახურის ინიციატივით ჩატარდა „საერთაშორისო დღე“ სტუდენტებისა და პროფესორ-მასწავლებლებისათვის. დაინტერესებულ პირებს სამსახურის თანამშრომლები მთელი დღის განმავლობაში აწვდიდნენ ინფორმაციას გაცვლითი პროგრამების, სამთავრობო გრანტების, საერთაშორისო პროექტების შესახებ, ასევე მიეწოდათ ინფორმაცია პროგრამათა გამოცხადებისა და დედლაინების შესახებ. აღნიშნული ღონისძიება ჩატარდება წელიწადში 2-ჯერ უშუალოდ საერთაშორისო პროგრამების გამოცხადების წინ და ტრადიციულად ივნისის პირველ კვირაში, რათა სტუდენტებს აუმაღლდეთ მოტივაცია და შეძლონ წინასწარ დაგეგმონ მომავალი სასწავლო წელი.

ართვინის ჭოროხის უნივერსიტეტი გთავაზობთ საზაფხულო სკოლაში მონაწილეობას, რომელიც კლიმატის ცვლილებების საფუძვლებთან დაკავშირებული ბუნების მცოდნეობის პროექტის ფარგლებში გაიმართება. საზაფხულო სკოლა ჩატარდება 2 ეტაპად: 3-12 აგვისტო, 13-22 აგვისტო. მონაწილეობის ხარჯები გაღებული იქნება პროექტის მხრიდან.

2014 წლის 3-5 ივნისს სტამბულის არელის უნივერსიტეტში ტარდება საერთაშორისო ვორქშოპი - ენზიმები ბიოკატალიზისათვის. ვორქშოპი მოიცავს როგორც ზეპირ ,ასევე სასტენდო მოხსენებს. ადრეული რეგისტრაციის ბოლო ვადაა 11 მაისი 2014 წელი. გვიანდელი რეგისტრაციის ბოლო ვადაა 25 მაისი 2014 წელი. აბსტრაქტის გაგაზავნის ბოლო ვადაა 19 მაისი.

ტემპუსის საგრანტო პროექტის ”Promoting Internationalization of HEIs in Eastern Neighbourhood Countries through Cultural and Structural Adaptations (PICASA)“ ეგიდით ქალაქ გრაცში ავსტრიის მსოფლიო უნივერსიტეტების სერვისში (WUS Austria) სამდღიანი ტრენინგი გაიმართა თემაზე: „უმაღლესი საგანმანათლებლო დაწესებულებების ინტერნაციონალიზაციის ხელშეწყობა და საგარეო ურთიერთობა სამსახურის როლი უმაღლეს დაწესებულებებში“. ტრენინგს ესწრებოდა პროექტის კოორდინატორი სოციალურ მეცნიერებათა, ბიზნესისა და სამართალმცოდნეობის ფაკულტეტის ასისტენტ პროფესორი ლილით მელოიან-ფუტკარაძე და საგარეო ურთიერთობათა დეპარტამენტის მთავარი სპეციალისტი თამარ მაჭუტაძე

28 მაისს სოციალურ მეცნიერებათა, ბიზნესისა და სამართალმცოდნეობის ფაკულტეტის საერთაშორისო ურთიერთობებისა და ევროპისმცოდნეობის მიმართულების სტუდენტებისათვის ჩატარდა გასაუბრება ინგლისურ ენაში ათათურქის უნივერსიტეტის საზაფხულო სკოლაში "Bridging Cultures" (29.06-12.07) მონაწილეობის მიზნით.

24 მაისს ჩატარდა შესარჩევი ტესტირება ინგლისურ ენაში სოციალურ მეცნიერებათა, ბიზნესისა და სამართალმცოდნეობის ფაკულტეტის სტუდენტებისათვის ტეხასის უნივერსიტეტის ერევნის ფილიალის აგრობიზნესის სასწავლო და კვლევითი საერთაშორისო ცენტრში (ICARE) სწავლისათვის.

თურქეთის რიზეს დოკუზ ეილულის უნივერსიტეტი გთავაზობთ ენის შემსწავლელ კურსებს 2014 წლის 1-29 აგვისტო.