15-19 მაისს ბსუ-ს საბუნებისმეტყველო მეცნიერებათა და ჯანდაცვის ფაკულტეტის ბიოლოგიის დეპარტამენტის ასოცირებული პროფესორი ლეილა ახვლედიანი „ერაზმუს+“-ის პროექტის ფარგლებში იმყოფებოდა ვიზიტი ხმელთაშუაზღვის უნივერსიტეტში, ნუტრიციოლოგიის დეპარტამენტში (საბერძნეთი). ასოცირებულმა პროფესორმა ლეილა ახვლედიანმა ჩაატარა ერთკვირიანი სალექციო კურსი იმუნოლოგიის მიმართულებით. ლექციებს ესწრებოდნენ როგორც საბაკალავრო, ასევე სამაგისტრო პროგრამის სტუდენტები.

ბათუმის შოთა რუსთველის სახელმწიფო უნივერსიტეტის, დასაქმების ხელშეწყობის სახელმწიფო სააგენტოსა და აჭარის დასაქმების სააგენტოს ორგანიზატორობით, სასტუმრო „შერატონში“ დასაქმების ფორუმი გაიმართა. ფორუმში მონაწილეობდა აჭარაში ოპერირებადი 75 კომპანია 2000-ზე მეტი ვაკანსიით. სტუდენტებსა და კურსდამთავრებულებს შესაძლებლობა ჰქონდათ, არსებული კვალიფიკაციის და სასურველი დასაქმების ხანგრძლივობის შესაბამისად შეერჩიათ სამუშაო ადგილები ადმინისტრაციული, მომსახურების, სავაჭრო, დისტრიბუციის, სასტუმრო, სარესტორნო, სამრეწველო, სატრანსპორტო, ლოჯისტიკური, სამშენებლო, საფინანსო, სადაზღვევო, ჯანდაცვის და განათლების სფეროებიდან.

ცხადდება კონკურსი ბსუ-ს საბუნებისმეტყველო მეცნიერებათა და ჯანდაცვის ფაკულტეტის სამივე საფეხურის სტუდენტებისთვის ევროკომისიის მიერ დაფინანსებული „ერაზმუს+“-ის ICM პროგრამის სტიპენდიის მოსაპოვებლად ზაარლანდის უნივერსიტეტში (https://www.uni-saarland.de/start.html, გერმანია). კონკურსის მიმართულებია: ფარმაცია, ქიმია, ბიოლოგია.

ბათუმის შოთა რუსთაველის სახელმწიფო უნივერსიტეტს რიზეს რეჯეფ ტაიფ ერდოღანის უნივერსიტეტის საერთაშორისო ურთიერთობების ხელმძღვანელი და თანამშრომლები ეწვივნენ. ვიზიტის ფარგლებში, დელეგაციის წევრები ბსუ-ს სტრატეგიული განვითარებისა და საგარეო ურთიერთობათა დეპარტამენტის წარმომადგენლებს შეხვდნენ. შეხვედრაზე ერთობლივი საგანმანათლებლო პროექტების, საერთაშორისო პროგრამების განხორციელებასა და სამომავლო თანამშრომლობის გეგმებზე ისაუბრეს.

25-29 სექტემბერს საბერძნეთის ხმელთაშუა ზღვის უნივერსიტეტი (HMU) (https://hmu.gr/en/home/) და კვებისა და დიეტის დეპარტამენტი მასპინძლობს 1-ელ ტექნოლოგიურ ფორუმს ევროპის საუნივერსიტეტო ალიანსისთვის-ATHENA ქალაქ სიტიაში, საბერძნეთში. ტექნოლოგიური ფორუმი ჩატარდება კვებისა და დიეტის I საერთაშორისო კვირეულისა და ატმოსფერული ინტელექტისა და ჩაშენებული სისტემების საერთაშორისო სიმპოზიუმის პარალელურად (AmiEs-2023).

22-26 მაისს ბათუმის შოთა რუსთაველის სახელმწიფო უნივერსიტეტის სტრატეგიული განვითარებისა და საგარეო ურთიერთობათა დეპარტამენტის უფროსმა, პროფესორმა მარინე გიორგაძემ მონაწილეობა მიიღო გერმანიაში, საარბრიუკენის საარლანდის უნივერსიტეტში გამართულ „ერაზმუს+“-ის საერთაშორისო კვირეულში. ღონისძიების მიზანი იყო უნივერსიტეტების ინტერნაციონალიზაციის საკითხებზე საუკეთესო გამოცდილების გაზიარება, აკადემიური და სხვა სახის თანმშრომლობის გაღრმავება, სამომავლო თანამშრომლობის შესაძლებლობების განხილვა. საერთაშორისო კვირეულში მონაწილეობდა სხვადასხვა ქვეყნის (ალბანეთი, უკრაინა, მოლდოვა, სომხეთი, ბოსნია-ჰერცოგოვინა, მონტენეგრო, საქართველო) 30-მდე წარმომადგენელი.

1-5 მაისს „ერაზმუს+“-ის აკადემიური პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტში ბიალისტოკის უნივერსიტეტის ასისტენტ პროფესორი, ჰალინა სიეროჩკა იმყოფებოდა. პროფესორმა ჰალინა სიეროჩკამ ბსუ-ს იურიდიულ და სოციალური მეცნიერებათა ფაკულტეტის ევროპისმცოდნეობის, საერთაშორისო ურთიერთობებისა და სამართალმცოდნეობის საბაკალავრო საგანმანათლებლო პროგრამის სტუდებტებისათვის ჩაატარა საჯარო ლექციები შემდეგ თემებზე:

29 მაისს - 2 ივნისს „ერაზმუს+“-ის აკადემიური პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტში პოლონეთის ბიალისტოკის უნივერსიტეტის სამართლის ფაკულტეტის პროფესორი ანა ფისშჩი და სამართლის ფაკულტეტის დოქტორი მაგდალენა კნაპი იმყოფებოდნენ.