სილეზიის ტექნოლოგიური უნივერსიტეტი (პოლონეთი) „ერაზმუს+“-ის გაცვლითი პროგრამის ფარგლებში იწვევს დაინტერესებულ პირებს საერთაშორისო კვირეულში მონაწილეობის მისაღებად. კონკურსი ტარდება საქართველოს მასშტაბით. საერთაშორისო კვირეულის მიზანია არსებული თანამშრომლობის განახლება და ახალი პარტნიორების მოძიება. კვირეული გაიმართება 2023 წლის 12-16 ივნისს.

ბათუმის შოთა რუსთაველის სახელმწიფო უნივერსიტეტს საქართველოში თურქეთის რესპუბლიკის საელჩოს მრჩეველი განათლების საკითხებში, პროფესორი სუათ ქოლუქირიქი ეწვია. ბსუ-ს რექტორთან, პროფესორ მერაბ ხალვაშთან გამართულ შეხვედრაზე პროფესორმა სუათ ქოლუქირიქმა ერთობლივი საგანმანათლებლო და სამეცნიერო პროექტების განხორციელებასა და სამომავლო თანამშრომლობის გეგმებზე ისაუბრა. შეხვედრას ესწრებოდნენ სტრატეგიული განვითარებისა და საგარეო ურთიერთობათა დეპარტამენტის უფროსი, პროფესორი მარინა გიორგაძე, აღმოსავლეთმცოდნეობის დეპარტამენტის ხელმძღვანელი, პროფესორი ემზარ მაკარაძე და ასოცირებული პროფესორი ლია ჭყონია. ვიზიტის ფარგლებში დოქტორი სუათ ქოლუქირიქი ჰუმანიტარულ მეცნიერებათა ფაკულტეტის დეკანს, ასოცირებულ პროფესორ თეონა ბერიძეს, თურქოლოგიის მიმართულების პროფესორ-მასწავლებლებს, სტუდენტებს შეხვდა და გაცვლითი პროგრამები გააცნო.

ლიეტუვის განათლების, მეცნიერების და სპორტის სამინისტროსთან არსებული გაცვლითი პროგრამების მხარდაჭერის ფონდი აცხადებს ლეტუვის სახელმწიფო სტიპენდიების კონკურსს. ლიეტუვის უმაღლეს საგანმანათლებლო დაწესებულებებში 2023 წლის სასტიპენდიო პროგრამები ღიაა, როგორც სადოქტორო, სამაგისტრო პროგრამებზე, ასევე მოკლევადიან პროგრამებზე ბაკალავრებისათვის. მოკლევადიანი სასწავლო პროგრამების ფარგლებში (ხანგრძლივობა 1 ან 2 სემესტრი) ბაკალავრიატისა და მაგისტრატურის სტუდენტები მიიღებენ ყოველთვიურ სტიპენდიას 490 ევროს ოდენობით, ხოლო დოქტორანტები - 980 ევროს, ასევე, მიიღებენ გრანტს, რომელიც უზრუნველყოფს სწავლის გადასახადის სრულად დაფარვას.

უნგრეთის მთავრობა 2023-2024 სასწავლო წლისთვის სთავაზობს დაინტერესებულ სტუდენტებს სტიპენდიას შემდეგი სამაგისტრო პროგრამების მიმართულებთ: სასოფლო-სამეურნეო წყლის მენეჯმენტის ინჟინერია; ბიოტექნოლოგია.სტიპენდიის მისაღებად აპლიკაციის გაგზავნის ბოლო ვადაა 2023 წლის 28 თებერვალი. დეტალური ინფორმაციიათვის გთხოვთ, იხილეთ დანართი.

ინდონეზიის რესპუბლიკის KNB სტიპენდია, არის პრესტიჟული სტიპენდიის პროგრამა, რომელზე განაცხადის გაკეთება შესაძლებელია სამივე საფეხურის: ბაკალავრის, სამაგისტრო და დოქტორანტურის მიმართულებით. აპლიკაციის გაგზავნის ბოლო ვადაა 18 თებერვალი, 2023. დეტალური ინფორმაცია იხილეთ შემდეგ ელმისამართზე: https://knb.kemdikbud.go.id

ჩარლზის უნივერსიტეტი სთავაზობს ჩეხეთში სწავლით დაინტერესებულ აპლიკანტებს მოსამზადებელ კურსებს, როგორც შესაბამის საგნებში, ასევე ჩეხურ ენაში. პროგრამები მორგებულია სტუდენტებისთვის, რომლებიც დაინტერესებულნი არიან მედიცინით, ფარმაციით, ინჟინერიით, ჰუმანიტარული ან ეკონომიკური მიმართულებებით. მოსამზადებელი პროგრამები შედგება ჩეხური ან ინგლისური ენის სწავლების უნიკალური მეთოდისა და სპეციალიზებული საგნებისგან.

ბათუმის შოთა რუსთაველის სახელმწიფო უნივერსიტეტი ბსუ-ს სტუდენტებისა და პერსონალისთვის აცხადებს ევროკომისიის მიერ დაფინანსებული „ერაზმუს+“-ის გაცვლითი პროგრამის დამატებით კონკურსს კროსნოს კარპატების უნივერსიტეტისათვის (პოლონეთი) და რუსეს ანგელ კანჩევის უნივერსიტეტისთვის (ბულგარეთი) მობილობის განხორციელების მიზნით. დეტალური ინფორმაცია იხილეთ დანართში 1, სასწავლო კურსები სტუდენტებისთვის იხილეთ დანართში 2.

ზალცბურგის უნივერსიტეტის მასწავლებელთა აკადემია - PoSIG 2023 აცხადებს კონკურსს სემინარში „მდგრადობა კონფლიქტ(ებ)ის ფონზე: მიგრაცია, სქესი და მმართველობა“ მონაწილეობის მისაღებად. სემინარი ჩატარდება 2023 წლის 24-30 აპრილს ზალცბურგის უნივერსიტეტში. კონკურსში მონაწილეობის მიღება შეუძლია პოლიტიკის/საერთაშორისო ურთიერთობების/სოციოლოგიის სფეროში მომუშავე პერსონალს.