27 ივნისს - 1 ივლისს „ერაზმუს+“-ის ადმინისტრაციული პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტში რუჟომბეროკის კათოლიკური უნივერსიტეტის (სლოვაკეთი) საერთაშორისო ურთიერთობების სამსახურის წარმომადგენელი მარტინ პინკოში იმყოფებოდა. მარტინ პინკოში ერთი კვირის განმავლობაში ბსუ-ს სტრატეგიული განვითარებისა და საგარეო ურთიერთობათა დეპარტამენტის მუშაობის სპეციფიკას ეცნობოდა. ვიზიტის ფარგლებში დაიგეგმა სხვადასხვა მიმართულებით ახალი პროგრამების შემუშავებისა და თანამშრომლობის კიდევ უფრო გაღრმავების შესაძლებლობების გზები.

ბსუ-ს სტრატეგიული განვითარებისა და საგარეო ურთიერთობათა დეპარტამენტის მთავარი სპეციალისტები ხათუნა ხაბაძე და ლელა თავართქილაძე „ერაზმუს+“-ის ადმინისტრაციული პერსონალის გაცვლითი პროგრამის ფარგლებში 6-10 ივნისს იმყოფებოდნენ ვროცლავის ჯანმრთელობისა და სპორტის მეცნიერებათა უნივერსიტეტში „პოლონეთი“. ვიზიტის მიზანი არსებული თანამშრომლობის ფარგლებში დაგროვილი გამოცდილების გაცვლა და სამომავლო პროგრამების შემუშავებისა და ურთიერთთანამშრომლობის კიდევ უფრო გაღრმავების შესაძლებლობების გზების დასახვა იყო.

„ერაზმუს+“-ის ადმინისტრაციული პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტში ლუბლინის მეწარმეობისა და ადმინისტრირების საუნივერსიტეტო კოლეჯის დელეგაცია ეწვია. უნივერსიტეტის კანცლერი აგნეშკა ლუკასიევიჩი და რექტორის მოადგილე ივონა ზაკშევსკა ბსუ-ს რექტორის მოადგილეს, პროფესორ თამარ სირაძეს, ადმინისტრაციის ხელმძღვანელ იაკინთე ჩხარტიშვილსა და სტრატეგიული განვითარებისა და საგარეო ურთიერთობათა დეპარტამენტის ხელმძღვანელ გიორგი თავამაიშვილს შეხვდნენ. შეხვედრაზე სამომავლო თანამშრომლობის მიმართულებები განისაზღვრა და დაიგეგმა ერთობლივი საგანმანათლებლო პროექტების განხორციელება.

13-17 ივნისს „ერაზმუს+“-ის აკადემიური პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტში ვროცლავის უნივერსიტეტის ასისტენტ პროფესორი, ევროპის მცოდნეობის დეპარტამენტის დირექტორის მოადგილე იაკუბ ბორნიო იმყოფებოდა. ასისტენტ პროფესორმა იაკუბ ბორნიომ ბსუ-ს საერთაშორისო ურთიერთობების სტუდენტებისთვის წაიკითხა ლექციათა ციკლი შემდეგ თემაზე: „ევროპის უსაფრთხოების აღმოსავლური განზომილება“. ვიზიტის ფარგლებში სტუმარი გაეცნო აჭარის ღირსშესანიშნაობებს.

ბათუმის შოთა რუსთაველის სახელმწიფო უნივერსიტეტის, იურიდიული დ სოციალურ მეცნიერებათა ფაკულტეტის ასოცირებულმა პროფესორმა ლაშა ბაჟუნაიშვილი „ერაზმუს+“-ის აკადემიური გაცვლითი პროგრამის ფარგლებში, აკადემიური ვიზიტით შჩეცინის უნივერსიტეტს ეწვია. ასოცირებულმა პროფესორმა ლაშა ბაჟუნაიშვილმა სოციალურ მეცნიერებათა ფაკულტეტის სტუდენტებისათვის 8-საათიანი ლექციის მოკლე კურსი თემაზე: Challenges and Changes of the Black Sea Geopolitics.

ბსუ-ს სტრატეგიული განვითარებისა და საგარეო ურთიერთობათა დეპარტამენტის უფროსის მოადგილემ, ბსუ-ს „ერაზმუს+“-ის კოოდინატორმა ნანა ყურშუბაძემ „ერაზმუს+“-ის გაცვლითი პროგრამის ფარგლებში, მონაწილეობა მიიღო მურსიის (ესპანეთი)უნივერსიტეტის მიერ ორგანიზებულ კვირეულში „ინტერნაციონალიზაციის მართვა და ხელშეწყობა“. მურსიის უნივერსიტეტში ჩატარებული კვირეული (30 მაისი - 3 ივნისი) მოიცავდა სამუშაო შეხვედრებს „ერაზმუს+“-ის საერთაშორისო გაცვლითი პროგრამებისა და ინსტიტუციური განვითარების პროექტების მიმართულებით.

2-4 ივნისს, ქალაქ ბაქოში, აშშ-ს საელჩოს საქართველოში და აშშ-ს საელჩოს აზერბაიჯანში მხარდაჭერით პროექტის „უნივერსიტეტების პარტნიორობის მშენებლობის პროგრამა უნივერსიტეტის წარმომადგენლებისთვის საქართველოდან და აზერბაიჯანიდან“ ფარგლებში შედგა გაცნობითი ხასიათის შეხვედრები აზერბაიჯანის უნივერსიტეტების წარმომადგენლებთან. ქართულ დელეგაციაში ბსუ-ს წარმოადგენდა სტრატეგიული განვითარებისა და საგარეო ურთიერთობათა დეპარტამენტის სპეციალისტი ბესიკ ნარაკიძე. პროექტი მიზნად ისახავს რეგიონში ინტერნაციონალიზაციის პროცესის ხელშეწყობას. შეხვედრები საქმიან და მეგობრულ ვითარებაში გაიმართა.

ბათუმის შოთა რუსთაველის სახელმწიფო უნივერსიტეტის სტრატეგიული განვითარებისა და საგარეო ურთიერთობათა დეპარტამენტის მთავარმა სპეციალისტმა ნუნუ ჯაფარიძემ „ერაზმუს+“-ის გაცვლითი პროგრამის ფარგლებში, მონაწილეობა მიიღო კოიმბრას (პორტუგალია) პოლიტექნიკურ უნივერსიტეტის მიერ ორგანიზებულ კვირ¬ეულში „ერაზმუს+“-ის გლობალური კვირეული 2022. კოიმბრას უნივერსიტეტში ჩატარებული კვირეული (30 მაისი - 3 ივნისი) მოიცავდა სამუშაო შეხვედრებს „ერაზმუს+“-ის საერთა¬შ¬ორისო გაცვლითი პროგრამებისა და ინსტიტუციური განვითარების პროექ¬ტ¬ების მიმართულებით. დაგეგმილი ღონისძიებების ფარგლებში ნუნუ ჯაფარიძე შეხვდა როგორც კოიმბრას უნივერ¬სიტ¬ე-ტ¬ის საერთაშორისო ურთიერთობის სამსახურის თანამშრომლებს, სხვა უცხოელ კოლეგებს და გააცნო ბსუ-ს საგან¬მანათლებლო პროგრამები, სამეცნიერო პროექტები და საუნივერსიტეტო ცხოვრება.