ბათუმის შოთა რუსთაველის სახელმწიფო უნივერსიტეტი აცხადებს ევროკომისიის მიერ დაფინანსებულ ერაზმუს+ გაცვლითი პროგრამის კონკურსს 2021 - 2022 სასწავლო წლის შემოდგომისა და გაზაფხულის სემესტრებისათვის. კონკურსში მონაწილეობის მიღება შეუძლიათ იმ სტუდენტებს, რომლებმაც წარმატებით გაიარეს საუნივერსიტეტო ტესტირება ინგლისურ ენაში 2021 წლის 25 თებერვალს (იხილეთ დანართი შედეგები) ან წარმოადგინეს უცხო ენის სერტიფიკატი.

მიკოლას რომერის უნივერსიტეტი სთავაზობს ბათუმის შოთა რუსთაველის სახელმწიფო უნივერსიტეტის სტუდენტებს ლიეტუვას სახელმწიფო სტიპენდიის კონკურსში მონაწილეობის მიღებას. სტიპენდიის მოსაპოვებლად საბუთების წარმდგენის ბოლო ვადაა: 2021 წლის 5 აპრილი. პროგრამის შესახებ დამატებითი კითხვების არსებობის შემთხვევაში შეგიძლიათ მიმართოთ მიმღებ უნივერსიტეტს.

ირლანდიის მთავრობა გთავაზობთ საერთაშორისო განათლების სასტიპენდიო პროგრამას, რომელიც ხელმისაწვდომია არაევროკავშირის ქვეყნების, მათ შორის, ქართველი სტუდენტებისთვის. მასში მონაწილეობა შეუძლია ბაკალავრიატის დამამთავრებელი კურსის სტუდენტს, მაგისტრატურის და კვლევის/დოქტორანტურის სტუდენტებს. ერთწლიანი აკადემიური პროგრამა ითვალისწინებს სწავლის საფასურის სრულად დაფინანსებას და სტიპენდიას 10 ათასი ევროს ოდენობით.

ვიშეგრადის ფონდი გთავაზობთ სასტიპენდიო პროგრამას, რომლის ფარგლებშიც გათვალისწინებულია სტიპენდიები საქართველოს მოქალაქეებისათვის ვიშეგრადის ქვეყნების უმაღლეს საგანმანათლებლო დაწესებულებებში სასწავლებლად. განაცხადების წარდგენის ბოლო ვადაა მიმდინარე წლის 15 მარტი.

„ერაზმუს+“-ის გაცვლითი პროგრამის კონკურსის ტესტირებისთვის რეგისტრირებულ სტუდენტთა საყურადღებოდ, ტესტირება ინგლისურ ენაში გაიმართება 25 თებერვალს, ბათუმის შოთა რუსთაველის სახელმწიფო უნივერსიტეტის მთავარ კორპუსში, ნინოშვილის ქ. #35 (ბულვარის მხრიდან) მთავარი შესასვლელი. ინფორმაცია ტესტირების დროისა და აუდიტორიის შესახებ იხილეთ მიმაგრებულ დანართში.

საფრანგეთის მთავრობის სამაგისტრო სასტიპენდიო პროგრამა 2021-2022 სასწავლო წლისთვის მსურველებს სთავაზობს საფრანგეთში მაგისტრატურის საფეხურზე სწავლის გასაგრძელებლად სრული დაფინანსების მოპოვების შესაძლებლობას (ფრანგულ ან ინგლისურენოვან პროგრამებზე). პროგრამა აფინანსებს სხვადასხვა მიმართულების სასწავლო პროგრამებს.