დღეს, ბათუმის შოთა რუსთაველის სახელმწიფო უნივერსიტეტში „თავისუფალ ჟურნალისტთა სახლმა“ პროექტის „ანტიდასავლური დეზინფორმაციის წინააღმდეგ აჭარაში“ ფარგლებში საინფორმაციო შეხვედრა გამართა. შეხვედრაზე ბსუ-ს სტუდენტებს საშუალება ჰქონდათ ინფორმაცია მიეღოთ ანტიდასავლური დეზინფორმაციის თემაზე გამოცხადებული ესეებისა და პოსტერების კონკურსის შესახებ. მსმენელებს პრეზენტაცია ჩაუტარდათ დისკუსიათა ციკლის „საუბრები ევროპაზე“ შესახებ, რომელსაც “თავისუფალ ჟურნალისტთა სახლი” ACCESS-ის მხარდაჭერით ახორციელებს.

საქართველოს საუნივერსიტეტო ჩემპიონატი ქვიშის ფრენბურთში ბათუმის შოთა რუსთაველის სახელმწიფო უნივერსიტეტის გამარჯვებით დასრულდა. საქართველოს აკრედიტებულ უმაღლეს საგანმანათლებლო დაწესებულებებს შორის გამართული ტურნირის ფინალურ შეხვედრაში ბსუ-ს გუნდმა ნანა წოწონავასა და ელისაბედ ფალავანდიშვილის შემადგენლობით, საქართველო ტექნიკური უნივერსიტეტის გუნდი დაამარცხა ანგარიშით 2:0. უნივერსიტეტის ნაკრებმა ჩემპიონატის ყველა შეხვედრაში წარმატებით იასპარეზა და დაამარცხა ილიას სახელმწიფო უნივერსიტეტი (2:0), თბილსის ივანე ჯავახიშვილის სახელობის თბილის სახელმწიფო უნივერსიტეტი (2:0), საქართველოს უნივერსიტეტი (2:0), საქართველოს ეროვნული უნივერსიტეტი (2:0), ევროპის უნივერსიტეტი (2:0), საქართველოს ტექნიკური უნივერსიტეტი (2:0). ბათუმის შოთა რუსთაველის სახელმწიფო უნივერსიტეტი ულოცავს გუნდს გამარჯვებას და წარმატებებს უსურვებს.

ბათუმის შოთა რუსთაველის სახელმწიფო უნივერსიტეტის სტუდენტთა საუნივერსიტეტო სამეცნიერო კონფერენცია გაიხსნა. სესია 5 ივნისს დასრულდება და მასში ბათუმის შოთა რუსთაველის სახელმწიფო უნივერსიტეტის, ივანე ჯავახიშვილის სახელობის თბილისის სახელმწიფო უნივერსიტეტის, აკაკი წერეთლის სახელმწიფო უნივერსიტეტის ბაკალავრიატის, მაგისტრატურისა და დოქტორანტურის საგანმანათლებლო პროგრამების 221 სტუდენტი მონაწილეობს. კონფერენციის მუშაობა 33 სექციაში წარიმართება. საუკეთესო ნაშრომებს კომპეტენტური ჟიური გამოავლენს, რომლებიც სტუდენტთა სამეცნიერო ნაშრომთა კრებულში დაიბეჭდება.

„დებატების ახალგაზრდული კლუბების ქსელი საქართველოში“- პროექტის პრეზენტაცია გაიმართა ბათუმის შოთა რუსთაველის სახელმწიფო უნივერსიტეტში. შეხვედრის ფარგლებში, საქართველოს დებატებისა და განათლების ინსტიტუტის წარმომადგენლებმა სტუდენტებსა და დაინტერესებულ პირებს ინფორმაცია მიაწოდეს პროექტის მიზნებისა და პირობების შესახებ. პროექტი საქართველოს პრეზიდენტის სარეზერვო ფონდის მხარდაჭერით ხორციელდება და მისი მიზანია რეგიონულ უნივერსიტეტებში კლუბების შექმნა, სტუდენტების ცოდნის ამაღლება საქართველოს კონსტიტუციის შესახებ, მათი ჩართვა დებატების პროცესში და სამოქალაქო საზოგადოების განვითარების ხელშეწყობა.