ბათუმის სახელმწიფო უნივერსიტეტის სტუდენტური თეატრების საერთაშორისო ფესტივალი "დებიუტი" სასტუმრო „შერატონში“ საზეიმოდ დაიხურა. კომპეტენტური ჟიურის გადაწყვეტილებით, გრანპრის მფლობელი ლატვიის ქალაქ ელგავას სტუდენტური თეატრი გახდა. ქალის საუკეთესო როლის შესრულებისთვის ჯილდო ივანე ჯავახიშვილის სახელობის თბილისის სახელმწიფო უნივერსიტეტის დასის მსახიობ ქეთევან ოქუაშვილს გადაეცა, ხოლო მამაკაცის საუკეთესო როლის შესრულებისთვის ამავე დასის მსახიობი გიგი ქადაგიშვილი დაჯილდოვდა. საუკეთესო თეატრალური ანსამბლის პრიზი ვილნიუსი უნივერსიტეტის სტუდენტურ დასს ერგო. სტუდენტური თეატრების საერთაშორისო ფესტივალის აღმოჩენად ბათუმის შოთა რუსთაველის სახელმწიფო უნივერსიტეტის დასის მსახიობი ელენე იმნაიშვილი დასახელდა.

ბათუმის შოთა რუსთველის სახელმწიფო უნივერსიტეტში საზეიმოდ გაიხსნა სტუდენტური თეატრების საერთაშორისო ფესტივალი „დებიუტი“. ხუთი დღის განმავლობაში საუნივერსიტეტო სცენა დაეთმობა ბათუმის შოთა რუსთაველის სახელმწიფო უნივერსიტეტის, ივანე ჯავახიშვილის სახელობის თბილისის სახელმწიფო უნივერსიტეტის, ლატვიის ქალაქ ელგავას აგრარული უნივერსიტეტის, ლიტვის ქალაქ ვილნიუსის სახელმწიფო უნივერსიტეტისა და ქუთაისის აკაკი წერეთლის სახელმწიფო უნივერსიტეტის სტუდენტურ თეატრებს. სტუდენტური თეატრების საერთაშორისო ფესტივალის მიზანია ხელი შეუწყოს თეატრალური ღირებულებების დამკვიდრებას, კულტურულ-შემეცნებითი პროექტების განხორციელებასა და სტუდენტთა შორის ურთიერთობების გაღრმავებას.

კონკურსის „ეფექტიანი ცვლილებების სესიები“ წარდგინება გაიმართა ბათუმის შოთა რუსთაველის სახელმწიფო უნივერსიტეტში. პროგრამა ნარჩენების მართვის ტექნოლოგიები რეგიონებში აცხადებს და მისი მიზანია სტუდენტების ჩართვა გარემოსდაცვითი აქტივობებში, ინიციატივების წამოწყებისა და ინოვაციური მიდგომების განვითარების ხელშეწყობა ახალგაზრდებში. კონკურსში მონაწილეობა შეუძლია აქტიურ და გარემოს დაცვის თემატიკით დაინტერესებულ სტუდენტებს აჭარიდან. WMRT II პროგრამა ხელს უწყობს საქართველოს მთავრობას ქვეყნის ნარჩენების მართვის სექტორის მოდერნიზებაში და მხარს უჭერს მდგრად განვითარებასა და ინკლუზიურ ეკონომიკურ ზრდას. პროექტი ასევე უზრუნველყოფს ნარჩენების ისეთ მართვას, რომელიც მინიმუმამდე დაიყვანს ადამიანის ჯანმრთელობისა და ბუნებრივ რესურსებზე მიყენებულ ზიანს.

პროგრამა ნარჩენების მართვის ტექნოლოგიები რეგიონებში აცხადებს კონკურსს „ეფექტიანი ცვლილებების სესიები“, რომელიც ჩატარდება ნოემბერში CENN-ის ბულაჩაურის მწვანე ცენტრსა და ბათუმის შოთა რუსთაველის სახელმწიფო უნივერსიტეტის ეკოჰაბში. კონკურსის მიზანია სტუდენტების ჩართვა გარემოსდაცვითი აქტივობებში, ინიციატივების წამოწყებისა და ინოვაციური მიდგომების განვითარების ხელშეწყობა ახალგაზრდებში. კონკურსში მონაწილეობა შეუძლია აქტიურ და გარემოს დაცვის თემატიკით დაინტერესებულ სტუდენტებს აჭარიდან.

ბათუმის შოთა რუსთაველის სახელმწიფო უნივერსიტეტის სტუდენტებისათვის ბათუმის მუნიციპალიტეტის ქვეპროგრამის „კულტურის სფეროში თავისუფალი ინიციატივების მხარდაჭერის“ ფარგლებში საჯარო ლექციების ციკლი დაიწყო თემაზე: „ჭკვიანი ქალაქი“. პროექტის მიზანია, დააინტერესოს ახალგაზრდები, რათა თანამედროვე ტექნოლოგიებისა და ხელოვნების საშუალებით დადებითი გავლენა მოახდინონ ქალაქის ყოველდღიურ ცხოვრებაზე და „გამოაცოცხლონ“ ურბანული სივრცე - ე.წ. „ბეტონის ჯუნგლები“. თეიმურაზ დიასამიძე სტუდენტებს გააცნობს მსოფლიოს „ჭკვიანი ქალაქის“ წარმატებულ მაგალითებს, მსოფლიო ტენდენციებს და ბათუმის განვითარების პერსპექტივებს.