2019 წლის 9-10 მაისს, ლატვიის ქალაქ იელგავაში, ლატვიის სიცოცხლის შემსწავლელ მეცნიერებათა და ტექნოლოგიების უნივერსიტეტი, ეკონომიკისა და სოციალური განვითარების ფაკულტეტი მასპინძლობს XX საერთაშორის სამეცნიერო კონფერენციას - Economic Science for Rural Development 2019. კონფერენციის სამუშაო ენებია: ინგლისური, ლატვიური და რუსული. დამატებითი ინფორმაციისთვის იხილეთ დანართი.

ბირთვული ცდების ყოვლისმომცველი აკრძალვის ორგანიზაცია (CTBTO), 2019 წლის 24-28 ივნისს მასპინძლობს კონფერენციას მეცნიერებისა და ტექნოლოგიების შესახებ. ღონისძიებაზე რეგისტრაციის ვადა სრულდება 2019 წლის 31 იანვარს. დამატებითი ინფორმაციისათვის გაეცანით მიმაგრებულ დოკუმენტს და ეწვიეთ ბმულს.

ივანე ჯავახიშვილის სახელობის თბილისის სახელმწიფო უნივერსიტეტის ქართველოლოგიური სკოლის ცენტრი შოთა რუსთაველის საქართველოს ეროვნული სამეცნიერო ფონდისა და ქართველოლოგიის მხარდამჭერთა საერთაშორისო ასოციაციის ფინანსური მხარდაჭერით აცხადებს კონკურსს „ზამთრის საერთაშორისო ქართველოლოგიური სკოლა – 2019-ის“ მონაწილეთა შესარჩევად. სკოლის მიზანია ქართველოლოგიით დაინტერესებული ახალგაზრდა ქართველი და უცხოელი კადრის მოზიდვა, მათი ცოდნის გაღრმავება, უახლესი ქართველოლოგიური სამეცნიერო კვლევების პოპულარიზაცია, სამეცნიერო საქმიანობის წარმართვის სტრატეგიათა გაცნობა, პროფესიულ უნარ-ჩვევათა განვითარება და ამაღლება.

2019 წლის 20-22 მაისს, თბილისში საქართველოს ეროვნული ბოტანიკური ბაღის ინიციატივითა და ორგანიზებით იმართება პირველი საერთაშორისო სამეცნიერო კონფერენცია “საქართველოს ბიომრავალფეროვნების კვლევისა და კონსერვაციის მიღწევები და პერსპექტივები”. კონფერენციის მიზანია საქართველოს ბიომრავალფეროვნების შესწავლისა და კონსერვაციის შედეგების გაანალიზება, სამომავლო ხედვებისა და იდეების წარმოჩენა, ასევე ბოტანიკური ბაღების საქმიანობის, ბაღებში მცენარეთა კოლექციების შექმნასთან დაკავშირებული საჭიროებებისა და ამოცანების გააზრება, ბოტანიკურ ბაღებსა და ბოტანიკურ ორგანიზაციებს შორის გამოცდილების გაზიარება.

შოთა რუსთაველის საქართველოს ეროვნული სამეცნიერო ფონდი ავრცელებს ინფორმაციას ევროპული კვლევების საბჭოს (ERC) მიერ დაფინანსებული კონკურსების - Consolidator Grant და Proof of Concept. ERC – Consolidator Grant 2019 - საგრანტო სქემაა მკვლევარებისთვის, რომლეთაც აქვთ 7-12 წლიანი კვლევითი გამოცდილება (დოქტორის აკადემიური ხარისხის მოპოვებიდან) რათა განახორციელონ მაღალი სამეცნიერო ხარისხის კვლევითი პროექტი, რომელიც უნდა განხორციელდეს საჯარო ან კერძო კვლევით ორგანიზაციაში.