ბსუ-ს ჰუმანიტარულ მეცნიერებათა ფაკულტეტის ისტორიის, არქეოლოგიისა და ეთნოლოგიის დეპარტამენტის ორგანიზებით, დავით აღმაშენებლის დღისადმი მიძღვნილი ღონისძიება გაიმართა. პროფესორმა ჯემალ კარალიძემ საჯარო ლექცია წაიკითხა დავით აღმაშენებლის ცხოვრების, მოღვაწეობის და მისი როლის შესახებ საქართველოს მრავალსაუკუნოვანი ისტორიის განვითარების პროცესში და მისი შეფასების შესახებ ქართულ ისტორიოგრაფიაში. ღონისძიება გახსნა უნივერსიტეტის რექტორმა, დამსწრეებს მისასალმებელი სიტყვით მიმართა და დავით აღმაშენებლის ისტორიულ როლსა და მის მნიშვნელობას გაუსვა ხაზი.