სადისერტაციო თემა: კულტურული მეხსიერების საკითხები ჭოროხის აუზის ზეპირსიტყვიერებაში. დაცვა შედგება 2015 წლის 26 ივნისს 13:00 საათზე 238-ე აუდიტორიაში.

ჰუმანიტარულ მეცნიერებათა ფაკულტეტის ქართული ფილოლოგიის დეპარტამენტის ორგანიზებით აკაკი წერეთლის 175 წლის იუბილე რამდენიმე ღონისძიებით აღინიშნა. ბათუმის შოთა რუსთაველის სახელმწიფო უნივერსიტეტში პოეტის ცხოვრებისა და შემოქმედებისადმი მიძღვნილი სამეცნიერო კონფერენცია გაიმართა. ქართული ფილოლოგიის სპეციალობის სტუდენტებმა და პროფესორ-მასწავლებლებმა სესიაზე მოხსენებები წაიკითხეს ისეთ საკითხებზე, როგორიცაა: „აკაკი და აჭარა“, „აკაკი და ქართული სალიტერატურო ენა“, „აკაკის პოეზია, აკაკის პროზა“, „აკაკის პუბლიცისტიკა“, „ივანე გომართელის „ესკიზები“, „აკაკი წერეთლის ბიოგრაფია“ და „აკაკის იუმორი“. კონფერენციის დასასრულს, აკაკი წერეთლის მოთხრობის „ბაში-აჩუკის!“ გიულ მუქქერე სეზგინ ოზთურქის თურქულენოვანი თარგმანის წარდგინება შედგა.

ბათუმის შოთა რუსთაველის სახელმწიფო უნივერსიტეტის ეგიდით, აჭარის ფრანგული ენის მასწავლებელთა ასოციაციის ორგანიზებითა და სკოლა „ევრო 2000“-ის ხელშეწყობით პირველი ფრანგულენოვანი საზაფხულო სკოლა „ფრანკოფონები“ გაიხსნა. ერთი თვის განმავლობაში მოზარდები შეისწავლიან და გაიუმჯობესებენ ფრანგული ენის სასაუბრო უნარ-ჩვევებს, გაეცნობიან საფრანგეთის კულტურასა და ლიტერატურას. პროექტი ასევე ითვალისწინებს კულტურული, შემეცნებითი ღონისძიებების ჩატარებას, ანიმაციური და მხატვრული ფილმების ჩვენებას. საზაფხულო სკოლა მიზნად ისახავს ფრანგული ენის პოპულარიზაციასა და აბიტურიენტთა მოზიდვას.

ბსუ-ში წიგნის „ლაზურ-მეგრული გრამატიკა I. მორფოლოგია“ პრეზენტაცია გაიმართა. სახელმძღვანელო ავტორებმა:ჭაბუკი ქირიამ, ლალი ეზუგბაიამ, ომარ მემიშიშმა, მერაბ ჩუხუამ წარადგინეს. ნაშრომი შესრულდა შოთა რუსთაველის სამეცნიერო ეროვნული ფონდის ფუნდამენტური კვლევების გრანტით სამეცნიერო პროექტის „ლაზურისა და მეგრულის შეპირისპირებითი გრამატიკა. I. მორფოლოგია (საერთო ძირ-ფუძეთა ინდექსითურთ)“ მიხედვით 2012-2015 წლებში თსუ არნ. ჩიქობავას სახელობის ენათმეცნიერების ინსტიტუტის ბაზაზე.

ბათუმის შოთა რუსთაველის სახელმწიფო უნივერსიტეტში ინგლისური ენის საზაფხულო სკოლა გაიხსნა. ღონისძიება აშშ-ს ელჩმა საქართველოში რიჩარდ ნორლანდმა, ბსუ-ს რექტორის მოვალეობის შემსრულებელმა, ასოცირებულმა პროფესორმა მერაბ ხალვაშმა, ჰუმანიტარულ მეცნიერებათა ფაკულტეტის დეკანმა, პროფესორმა მარინა გიორგაძემ, მშვიდობის კორპუსის დირექტორის მოადგილემ კარმენ შიენმა და მშვიდობის კორპუსის ინგლისური ენის მასწავლებელმა მარია ინისმა გახსნეს. ორკვირიანი საზაფხულო სკოლა ახალგაზრდებში ინგლისურ ენაზე თავისუფლად საუბრის უნარ-ჩვევების გამომუშავებასა და ამერიკის კულტურის შესახებ ცოდნის შეძენას ითვალისწინებს. მასში პირველ ეტაპზე ბათუმის კერძო და საჯარო სკოლების IX, X, XI კლასების 130 წარმატებული მოსწავლე მიიღებს მონაწილეობას, ხოლო მეორე ეტაპზე - ბსუ-ს ინგლისური ფილოლოგიის 100-მდე სტუდენტი.