ბათუმის შოთა რუსთაველის სახელმწიფო უნივერსიტეტის განათლების ადმინისტრირების სამაგისტრო პროგრამის მაგისტრანტებმა შოთა რუსთაველის ეროვნული სამეცნიერო ფონდის მიერ დაფინანსებულ „ტოლერანტობისა და ინტერკულტურული განათლების“ სეზონურ სკოლაში მიიღეს მონაწილეობა. თბილისში, აღმოსავლეთ ევროპის უნივერსიტეტში გამართულ რვადღიანი სწავლებაში კონკურსის წესით შერჩეული 45 ახალგაზრდა მონაწილეობდა და მიზნად ისახავდა განათლების სფეროთი ახალგაზრდების მეცნიერებით დაინტერესებას, კვალიფიკაციის ამაღლებასა და კვლევის მეთოდების გაცნობას. სკოლა ასევე ითვალისწინებდა ტრანსფერული უნარ-ჩვევების განვითარებას, ინტერდისციპლინური თანამშრომლობის წახალისებას, საერთაშორისო თანამშრომლობისა და საერთაშორისო სამეცნიერო სივრცეში ინტეგრირების ხელშეწყობას.

ბათუმის შოთა რუსთაველის სახელობის სახელმწიფო უნივერსიტეტში დოქტორანტ ნიაზ ზოსიძის წიგნის "აჭარა ფარი საქართველოისა" წარდგინება გაიმართა. უმაღლესი საგანმანათლებლო დაწესებულების პროფესორ-მასწავლებლებმა, სტუდენტებმა და სხვადასხვა სკოლის მოსწავლეებმა წიგნის მნიშვნელობასა და აქტუალობაზე ისაუბრეს. ნაშრომი პროფესორ მამია ფაღავასა და ასოცირებულ პროფესორ ზაზა შაშიკაძის რედაქტორობით გამოიცა და მასში აჭარის ისტორიაა აღწერილი. პრეზენტაცია ორგანიზაციის „შეზღუდული შესაძლებლობების მქონე პირთა უფლებებისათვის“, ახალგარდული მერიის ორგანიზებითა და განათლების ფაკულტეტის მხარდაჭერით ჩატარდა.

განათლების ფაკულტეტის დეკანი, ასოცირებული პროფესორი მადონა მიქელაძე, ფაკულტეტის ხარისხის უზრუნველყოფის სამსახურის უფროსი, ასოცირებული პროფესორი ნანა მაკარაძე და კურატორები ფაკულტეტის სტუდენტებს შეხვდნენ. ახალგაზრდები შეხვედრაზე სასწავლო პროცესთან, შუალედურ და დასკვნით გამოცდებთან, სწავლის საფასურის გადახდასთან დაკავშირებულ და სხვა მათთვის საინტერესო საკითხებს გაეცნენ. შეხვედრა კითხვა-პასუხის რეჟიმში წარიმართა და ღონისძიების ორგანიზატორებმა სტუდენტების შეკითხვებს უპასუხეს.

ბათუმის შოთა რუსთაველის სახელმწიფო უნივერსიტეტის განათლების ფაკულტეტის ასისტენტ პროფესორმა დარეჯან გელაძემ, დოქტორანტებმა დალი ფუტკარაძემ და ლილი ქორიძემ მონაწილეობა მიიღეს გორის სახელმწიფო სასწავლო უნივერსიტეტში გამართულ VIII საერთაშორისო სამეცნიერო კონფერენციაში „განათლება XXI საუკუნეში“. ორი დღის განმავლობაში სესიაზე სხვადასხვა უმაღლესი საგანმანათლებლო დაწესებულების პროფესორ-მასწავლებლებმა და დოქტორანტებმა ნაშრომები წარმოადგინეს დარგის აქტუალურ საკითხებზე. ასისტენტ პროფესორმა დარეჯან გელაძემ განათლების სექციაში მოხსენება წაიკითხა თემაზე: „სწავლა სწავლების პერსონალური სივრცე“, დოქტორანტმა დალი ფუტკარაძე - „შეზღუდული შესაძლებლობის მქონე ბავშვთა ინტეგრაცია და სოციალური ადაპრტაცია სკოლამდელ დაწესებულებაში“ და დოქტორანტმა ლილი ქორიძემ - „მოსწავლეთა სასკოლო საქმიანობაში ჩართულობის თანამედროვე პრობლემები“.

ბათუმის შოთა რუსთაველის სახელმწიფო უნივერსიტეტის განათლების ადმინისტრირების სამაგისტრო საგანმანათლებლო პროგრამის II კურსის მაგისტრანტმა ქრისტინა ფირცხალაიშვილმა გულო აღა კაიკაციშვილის სახელობის სახელობითი სტიპენდია მოიპოვა. ფაკულტეტი ულოცავს სტიპენდიანტს გამარჯვებას და წარმატებებს უსურვებს!