ევროკავშირის განათლების, აუდიოვიზუალისა და კულტურის აღმასრულებელ სააგენტოსა და გორდონის განათლების აკადემიურ კოლეჯს შორის გაფორმებული ხელშეკრულების ფარგლებში „ERASMUS+“-ის პროექტი „კურიკულუმის რეფორმა სამოქალაქო განათლებისა და დემოკრატიული პრინციპების განვითარების ხელშეწყობისათვის ისრაელსა და საქართველოში“ (“Cu¬rri¬cu¬lum Reform for Promoting Civic Education and Democratic Principles in Israel and in Georgia“ – CURE) ხორციელდება. ისრაელში, ქალაქ ჰაიფაში კონსორციუმის მეორე სამუშაო შეხვედრა გაიმართა, რომელშიც მონაწილეობდნენ ნანა მაკარაძე, ნინო მიქელაძე, ალიოშა ბაკურიძე და განათლების ადმინისტრირების სამაგისტრო საგანმანათლებლო პროგრამის სტუდენტები - შორენა ფაღავა, ია კუბლაშვილი. ოთხდღიანი შეხვედრის მიზანი იყო პროექტში ჩართული მხარეების მიერ შემუშავებული სილაბუსების შეჯერება, სტუდენტების მიერ მომზადებული პროექტების განხილვა და სამომავლო გეგმების დასახვა.

პროექტის კოორდინატორია გორდონის აკადემიური კოლეჯი (ისრაელი), ხოლო ბათუმის შოთა რუსთაველის სახელმწიფო უნივერსიტეტი - პარტნიორი.

ბათუმის შოთა რუსთაველის სახელმწიფო უნივერსიტეტის ხარისხის უზრუნველყოფის სამსახურის უფროსმა ანზორ ბერიძემ, განათლების ფაკულტეტის დეკანმა მადონა მიქელაძემ, განათლების ფაკულტეტის ასისტენტ პროფესორმა ნანი მამულაძემ მონაწილეობა მიიღეს ვორქშოფში თემაზე „პროფესიული განათლების სამაგისტრო საგანმანათლებლო პროგრამების განვითარება“. მაგდებურგის უნივერსიტეტის პროფესორმა ფრანკ ბიუნინგმა პროფესიული განათლების სამაგისტრო პროგრამა წარმოადგინა და საქართველოს უმაღლეს საგანმანათლებლო დაწესებულებების (თსუ, სტუ და ბსუ) წარმომადგენლებს გაუწია რეკომენდაციები პროგრამის მომზადებასა და ქართულ საგანმანათლებლო სივრცეში მის დანერგვასთან დაკავშირებით.

ბათუმის შოთა რუსთაველის სახელმწიფო უნივერსიტეტი 2016 წლის „ERASMUS+“-ისფარგლებში გამარჯვებულ პროექტში „უკეთესი კომუნიკაციის ხელშეწყობა“ (“Assisting Better Communication” - ABC) მონაწილეობს. პროექტში ჩართულმა პერსონალმა: ნანა მაკარაძემ, მარინე გურგენიძემ და ნინო მიქელაძემ მონაწილეობა მიიღეს პორტუგალიაში, ქალაქ პორტოში გამართულ კონსორციუმის პირველ, ერთკვირიან სამუშაო. ღონისძიების ფარგლებში, ვიზიტის მონაწილეები გაეცნენ პროექტის ძირითადი მიზნებს, ამოცანებს და სამომავლო გეგმებს.

განათლების ადმინისტრირების სამაგისტრო საგანმანათლებლო პროგრამის სტუდენტებს ბათუმის რესურსცენტრის მთავარმას პეციალისტმა შადიმან შერვაშიძემ მასტერკლასი ჩაუტარა. ღონისძიება სასწავლო კურსის „ფინანსები განათლებაში“ ფარგლებში ჩატარდა. სტუმარმა ახალგაზრდებს საგანმანათლებლო დაწესებულებათა სახელმწიფო შესყიდვების განხორციელების წესი გააცნო. მასტერკლასის დასასრულს შადიმან შერვაშიძემ სტუდენტების შეკითხვებს პასუხი გასცა.

მსოფლიოში წამყვანი გამომცემლობის „ მაკმილანის’’ და კომპანიის „ინგლისური წიგნი საქართველოში“ ორგანიზებით, ბათუმის შოთა რუსთაველის სახელმწიფო უნივერსიტეტში ინგლისური ენის მასწავლებლებისთვის ტრენინგი გაიმართა. ტრენინგს „ მაკმილანის ‘’ ცნობილი სახელმძღვანელოების ავტორი და ტრენერი სტივ ტეილორ ნოულზი უძღვებოდა.