შოთა რუსთაველის დარბაზში ბათუმის შოთა რუსთაველის სახელმწიფო უნივერსიტეტის სტუდენტთა საუნივერსიტეტო სამეცნიერო კონფერენციის მონაწილე განათლების ფაკულტეტის სტუდენტები მუშაობდნენ. ახალგაზრდებმა მოხსენებები წარმოადგინეს განათლების სფეროში არსებულ პრობლემებსა და საჭიროებებზე. კონფერენციის საუკეთესო მონაწილეებს კომპეტენტური ჟიური გამოავლენს. გამარჯვებული სტუდენტები სერტიფიკატებით და სამახსოვრო საჩუქრებით დაჯილდოვდებიან.

ბათუმის შოთა რუსთაველის სახელმწიფო უნივერსიტეტს ერაზმუს+ აკადემიური პერსონალის გაცვლითი პროგრამის ფარგლებში ბულგარეთის ქ. რუსეს ანგელ კანჩევის უნივერსიტეტის პედაგოგთა წარმომადგენლობა ეწვია. ასოცირებულმა პროფესორმა დესისლავა ათანასოვამ და ასოცირებულმა პროფესორმა პლამენკა ქრსიტოვამ განათლების ფაკულტეტის დაწყებითი განათლებისა და განათლების ადმინისტრირების საგანმანათლებლო პროგრამების სტუდენტებისთვის ლექციები ჩაატარეს. 2016 წელს თანამშრომლობის მემორანდუმი გაფორმდა ბათუმის შოთა რუსთაველის სახელმწიფო უნივერსიტეტსა და რუსეს ანგელ კანჩევის უნივერსიტეტს შორის.

V სამეცნიერო კონფერენცია „სწავლებისა და აღზრდის აქტუალური პრობლემები“ გაიხსნა ბათუმის შოთა რუსთაველის სახელმწიფო უნივერსიტეტში. სესია შოთა რუსთაველის 850 წლის იუბილეს ეძღვნებოდა და მასში ბსუ-ს სტუდენტებთან ერთად, აჭარის საჯარო და კერძო სკოლების 300-მდე მოსწავლე მონაწილეობდა. მომხსენებლებმა ნაშრომები წარმოადგინეს პედაგოგიკის, განათლების, საბუნებისმეტყველო მეცნიერებების მიმართულებით და ისეთ აქტუალურ საკითხებს განიხილეს, როგორიცაა: ფსიქოლოგიური ძალადობა, მასწავლებლის როლი საგანმანათლებლო პროცესში, რეპეტიტორების ინსტიტუტი და მასთან დაკავშირებული პრობლემები, XXI საუკუნის ეკოლოგიური პრობლემები და ადამიანის მომავალი.

განათლების ადმინისტრირების სამაგისტრო საგანმანათლებლო პროგრამის პირველი კურსის სტუდენტებს უნივერსიტეტის განათლების ხარისხის უზრუნველყოფის სამსა¬ხუ¬რის უფროსი ანზორ ბერიძე შეხვდა. შეხვედრა „პრაქტიკა 2“-ის სასწავლო კურსის ფარგლებში გან¬ხორ¬ციელ¬და და მისი მიზანი იყო უნივერსიტეტში განათლების ხარისხის უზრუნველ¬ყო¬ფას¬თან დაკავში¬რე¬ბ¬ით არსებულ მიღწევებსა და გამოწვევებზე მსჯელობა. სტუმარმა სტუდენტებთან იმ მნიშვ¬ნელოვან მიღწევებზე ისაუბრა, რომელიც ბოლო წლების განმავლობაში უნივერსიტეტში განხორ¬ციელდა. ხარისხის სამსახურის უფროსმა ანზორ ბერიძემ ასევე ისაუბრა სწავლება-სწავლის ხარისხის ამაღლების მნიშვნელობაზე.

განათლების ადმინისტრირების სამაგისტრო საგანმანათლებლო პროგრამის პირველი კურსის სტუდენტებს უნივერსიტეტის ადმინისტრაციის ხელმძღვანელი ჯემალ ანანიძე „პრაქტიკა 2“-ის სასწავლო კურსის ფარგლებში შეხვდა. ღონისძიება მიზნად ისახავდა უნივერსიტეტის ადმინისტრაციის ხელმძღვანელის საქმიანობის ძირითადი მიმართულებების გაცნობას. სტუმარმა სტუდენტებს კეთილმოწყობისა და რეორგანიზაციის მიზნით უნივერსიტეტში განხორციელებული და მიმდინარე პროექტები გააცნო. ადმინისტრაციის ხელმძღვანელმა ჯემალ ანანიძემ ასევე ისაუბრა დაწესებულებაში პერსონალის შერჩევისა და დასაქმების პოლიტიკის საკითხებზე.