შოთა რუსთაველის სახელმწიფო უნივერსიტეტში შოთა რუსთაველის ეროვნული სამეცნიერო ფონდის მიერ დაფინანსებული სამეცნიერო პროექტების წარდგინება გაიმართა. პროექტების ხელმძღვანელებმა სამეცნიერო ფონდის მონიტორინგის სამსახურის წარმომადგენლებს წარმოებული კვლევა-ძიების შედეგები გააცნეს. უმაღლესი სასწავლებლის პროფესორ-მასწავლებლები და მკვლევრები მეცნიერების სხვადასხვა მიმართულებაში 5 სამეცნიერო პროექტზე მუშაობენ.
სოციალურ მეცნიერებათა, ბიზნესისა და სამართალმცოდნეობის ფაკულტეტის იურიდიული დეპარტამენტის, იურიდიული კლინიკისა და ნატო-ს საინფორმაციო ცენტრის ორგანიზებით პროექტის ,,უნივერსიტეტის სადისკუსიო კლუბის“ ფარგლებში შეხვედრა გაიმართა თემაზე: "კრიმინალური მენტალიტეტი". ახალგაზრდებმა პროფესორ-მასწავლებლებთან და ექსპერტებთან ერთად კრიმინალური მენტალიტეტის პრობლემაზე ფილმები: ,,დავსაჯოთ თუ შევიწყალოთ“ და ,,საპყრობილეები“ განიხილეს. სტუდენტებში იურიდიული ცნობიერების ამაღლების მიზნით მომავალში ნაფიც მსაჯულთა იმიტირებული სასამართლო პროცესების მოწყობაც იგეგმება.
შოთა რუსთაველის სახელმწიფო უნივერსიტეტში სტუდენტური თვითმმართველობის რიგით მეოთხე არჩევნები ჩატარდა. სტუდენტთა უმაღლესი წარმომადგენლობითი ორგანო 68 წევრით დაკომპლექტდა. საარჩევნო პროცედურას არასამთავრობო ორგანიზაციების ,,ახალი თაობის“, ,,ბორჯღალოსა“ და სტუდენტური თვითმმართველობის წევრობის კანდიდატების წარმომადგენლები აკვირდებოდნენ. არჩევნებში სულ 1477 სტუდენტმა მიიღო მონაწილეობა.
75 წლის ასაკში ტრაგიკულად დაიღუპა ცნობილი მეცნიერი, ქართული ეთნოლოგიის თვალსაჩინო მკვლევარი, საქართველოს მეცნიერებათა ეროვნული აკდემიის წევრ-კორესპონდენტი, ნიკო ბერძენიშვილის სახელობის ინსტიტუტის სამეცნიერო საბჭოს თავმჯდომარე, შოთა რუსთაველის სახელმწიფო უნივერსიტეტის წარმომადგენლობითი საბჭოს სპიკერი, შოთა რუსთაველის სახელმწიფო უნივერსიტეტის სრული პროფესორი ვახტანგ შამილაძე.
,,ერთად დავამარცხოთ შიდსი“ - ამ დევიზით შოთა რუსთაველის სახელმწიფო უნივერსიტეტის სტუდენტებმა და საინიციატივო ჯგუფის TNG-ის წარმომადგენლებმა შიდსთან ბრძოლის საერთაშორისო დღესთან დაკავშირებით რამდენიმე ღონისძიება გამართეს. ახალგაზრდებმა ქალაქის ქუჩებში სპეციალური ფლაერები დაარიგეს. აქციის მონაწილეებმა კონფერენციაზე ,,მე მიყვარს სიცოცხლე“ აივ-ინფექციის გავრცელებისა და თავიდან აცილების საშუალებებზე ისაუბრენ. შიდსთან ბრძოლის საერთაშორისო დღისადმი მიძღვნილი ღონისძიებები სტუდენტური როკ-კონცერტით დასრულდა.
