ახალი ამბები

შოთა რუსთაველის სახელმწიფო უნივერსიტეტის დაარსებიდან 75 წლისთავს მიეძღვნა რესპუბლიკური სამეცნიერო კონფერენცია თემაზე: ,,ბიბლიოთეკა მომავალი თაობის განათლების კერა“. ბათუმელმა, თბილისელმა და ქუთაისელმა მკვლევრებმა სასწავლო პროცესში ბიბლიოთეკისა და საინფორმაციო ტექნოლოგიების გამოყენების მნიშვნელობაზე ისაუბრეს. კონფერენციაზე მოხსენებებთან ერთად წარმოდგენილი იყო გივი ნახუცრიშვილის საუნივერსიტეტო ცხოვრების ამსხაველი ფოტოები და დოკუმენტური ფილმი ,,მერისი“.

მაგისტრანტთა პირველი რესპუბლიკური კონფერენცია რსუ-ს განათლების ფაკულტეტის პედაგოგიკურ მეცნიერებათა დეპარტამენტის ორგანიზებით ჩატარდა და უნივერსიტეტის 75 წლისთავს მიეძღვნა. აღზრდის აქტუალურ საკითხებზე, სწავლების ახალ მეთოდებსა და ტექნოლოგიებზე მაგისტრანტები ორი დღის განმავლობაში მუშაობდნენ.

პროექტის „შესაძლებლობების გაძლიერება ბოლონიის პროცესის ამოცანების განსახორციელებლად“ (CEIBAL) ფარგლებში, ტვინინგის ადგილობრივმა მრჩეველმა კაი ეტზოლდმა რსუ-ში ინგლისურ და გერმანულ ენებზე საჯარო ლექციები წაიკითხა თემაზე: „ბოლონიის პროცესი ევროპასა და საქართველოში“. მრჩეველმა დიალოგის რეჟიმში პროფესორ-მასწავლებლებთან და სტუდენტებთან ერთად უმაღლესი განათლების მნიშვნელოვანი ასპექტები და მიმდინარე რეფორმები განიხილა

I საერთაშორისო სიმპოზიუმი ლექსიკოგრაფიაში შოთა რუსთაველის სახელმწიფო უნივერსიტეტში გაიხსნა და სამ დღეს გაგრძელდება. სიმპოზიუმი უნივერსიტეტის ჰუმანიტარულ მეცნიერებათა ფაკულტეტის, არნოლდ ჩიქობავას სახელობის ენათმეცნიერების ინსტიტუტისა და ივანე ჯავახიშვილის სახელობის თბილისის სახელმწიფო უნივერსიტეტის ლექსიკოგრაფიული ცენტრის ორგანიზებით ტარდება. ცნობილი მეცნიერები, ლექსიკოგრაფები და ქართველოლოგები: დონალდ რეიფილდი (დიდი ბრიტანეთი), რეუვენ ენოხი (ისრაელი) დარგის პრობლემებზე, განვითარების გზებსა და პერსპექტივებზე იმსჯელებენ

შოთა რუსთაველის სახელმწიფო უნივერსიტეტსა და მიუნხენის ლუდვიგ-მაქსიმილიანეს უნივერსიტეტს შორის ურთიერთშეთანხმების მემორანდუმი გაფორმდა. მხარეები შეთანხმების მიხედვით ხელს შეუწყობენ ურთიერთობის განმტკიცებას და თანამშრომლობის განხორცილებას განათლებისა და მეცნიერების სფეროში