შოთა რუსთაველის სახელმწიფო უნივერიტეტის სასოფლო-სამეურნეო ფაკულტეტის სტუდენტებმა ურეხის მზრუნველობამოკლებულ ბავშვთა სახლის აღსაზრდელებსა და წმინდა ეკატერინეს სახელობის სათნოების სახლის ბინადართ საჩუქრად მათ მიერ დამზადებული 100 კილოგრამი თაფლი გადასცეს. უნივერსიტეტის სტუდენტები საქველმოქმედო აქციების განხორციელებას მომავალშიც გეგმავენ.
ახალი სასწავლო წლის დაწყება მიულოცა ათას ოცდახუთ პირველკურსელს უნივერსიტეტის რექტორმა, პროფესორმა ალიოშა ბაკურიძემ. სტუდენტებთან შეხვედრაზე რექტორმა უნივერსიტეტში მიმდინარე იმ სიახლეებზეც ისაუბრა, რომლებიც უპირველეს ყოვლისა სტუდენტების ინტერესების გათვალისწინებით განხორციელდა.
რსუ შოთა რუსთაველის დარბაზში ამერიკული გამომცემლობის - “Dalkey Archive Press” წარმომადგენლები უნივერსიტეტის პროფესორ-მასწავლებლებს შეხვდნენ და სამეცნიერო-მეთოდურ კონფერენციაზე თარგმანმცოდნეობის, როგორც ინტერდისციპლინარული დარგის კვლევების პერსპექტივებზე ისაუბრეს. კონფერენცია მიზნად ისახავდა ქართული ლიტერატურული ტრადიციების შესახებ ინფორმაციის გავრცელებას და მომავალში ერთობლივი მთარგმნელობითი პროექტების განხორციელებას.
2009 წლის 16 აგვისტოს, გამოვიდა საუნივერსიტეტთაშორისო სამეცნიერო - ანალიტიკური ჟურნალის - ,,ბიზნესი და მენეჯმენტი“ პირველი ნომერი.
