შოთა რუსთაველის დარბაზში აკადემიკოს გივი სანაძის 80 წლისთავსადმი მიძღვნილი საერთაშორისო სამეცნიერო სიმპოზიუმი ,,იზოპრენი გუშინ, დღეს, ხვალ“ ჩატარდა. ცნობილ ქართველ მეცნიერსა და უცხოელ სტუმრებს ბათუმელმა კოლეგებმა უმასპინძლეს და დარგში არსებულ მიღწევებზე იმსჯელეს.
საერთაშორისო ახალგაზრდული ორგანიზაცია AIESEC-ი, რომელიც 1948 წლიდან მსოფლიოს 110 ქვეყანას აერთიანებს და ყოველ წლიურად 32 ათასზე მეტ 1800 უნივერსიტეტის სტუდენტს აძლევს საშუალებას მიიღოს მონაწილეობა 4500-ზე მეტ გაცვლით პროგრამასა და 350 კონფერენციაში, შოთა რუსთაველის სახელმწიფო უნივერსიტეტის სტუდენტებს თანამშრომლობას სთავაზობს. ორგანიზაციის პრეზიდენტმა დავით ქობალიამ ბათუმელ სტუდენტებს ორგანიზაციის პროგრამები გააცნო და სამომავლო გეგმებზე ესაუბრა.
ბიზნესში წარმატებული კადრების მომზადების მიზნით რსუ ბიზნესის სკოლამ საზოგადოებას ახალი სასწავლო პროგრამები წარუდგინა. ბიზნეს-განათლების ძირითადი ამოცანაა მაღალკვალიფიციური მენეჯერების მომზადება, რომელთაც შეეძლებათ ბიზნეს-გარემოში დამოუკიდებელი მუშაობა, კონკრეტული ბიზნეს-სიტუაციების ანალიზი და გადაწყვეტილების მიღება.
ჰოლანდიელ სტუდენტთა საერთაშორისო ასოციაცია რსუ სტუდენტებს შეხვდა და 2-16 ოქტომბერს საქართველოს ქალაქებში - თბილისში, გორსა და ბათუმში განხორციელებული აკადემიური მოგზაურობის შთაბეჭდილებებზე ესაუბრა.
საქართველოში მათემატიკის მეცნიერული კვლევის ფუძემდებლის, პროფესორ ანდრია რაზმაძის 120 წლისადმი მიძღვნილ მეხუთე ყრილობას შოთა რუსთაველის სახელმწიფო უნივერსიტეტი მასპინძლობს. 150 ქართველი და უცხოელი მათემატიკოსი 11 სექციაში სამი დღის განმავლობაში იმუშავებს და ბოლო ოთხი წლის მანძილზე წარმოებული სამეცნიერო კვლევა-ძიების შედეგებს შეაჯამებს.
