ახალი ამბები

ბათუმის შოთა რუსთაველის სახელმწიფო უნივერსიტეტმა ზუგდიდში აბიტურიენტებისთვის გამართულ ღონისძიებაში მიიღო მონაწილეობა. ბსუ-ს სტუდენტებმა და სტუდენტთა კარიერული განვითარების, კულტურისა და სპორტის დეპარტამენტის წარმომადგენლებმა სამეგრელოს რეგიონის ახალგაზრდებს ბსუ-ს საბაკალავრო პროგრამები, სერვისები, გაცვლითი პროგრამები და სტუდენტური ცხოვრება გააცნეს. ღონისძიება ზუგდიდის მუნიციპალიტეტის მერიისა და ახალგაზრდული სათათბიროს ინიციატივით გაიმართა და მასში აბაშის, ზუგდიდის, მარტვილის, მესტიის, სენაკის, ფოთის და ჩხოროწყუს სკოლის მოსწავლეები მონაწილეობდნენ.

ბათუმის შოთა რუსთაველის სახელწიფო უნივერსიტეტს ბორდოს მონტენის უნივერსიტეტის ვიცე-პრეზიდენტი საერთაშორისო ურთიერთობების მიმართულებით ანტუან ერტლე, სამაგისტრო პროგრამის ხელმძღვანელი "აღმოსავლეთ ევროპის ქვეყნების სწავლება"-ოლგა ჟილ-ბელოვა, საფრანგეთის საელჩოს საუნივერისტეტო და სამეცნიერო ატაშე-ნასტასია დომპსი ეწვივნენ. დელეგაციის წევრები ბსუ-ს რექტორის მოადგილეს თამარ სირაძეს და პროფესორ- მასწავლებლებს შეხვდნენ.შეხვედრაზე ორ უნივერსიტეტს შორის ჰუმანიტარული და ტურიზმის მიმართულებით თანამშრომლობის პერსპექტივები განიხილეს, დაიგეგმა „Erasmus+“-ის პროგრამის ფარგლებში საერთაშორისო კრედიტ მობილობის ამოქმედება და ერთობლივი სამეცნიერო პროექტების განხორციელება.

აჭარის ა.რ. განათლების, კულტურისა და სპორტის სამინისტროს „უმაღლესი განათლების ხელშეწყობის პროგრამის“ საგრანტო კონკურსში გაიმარჯვეს ბათუმის შოთა რუსთველის სახელმწიფო უნივერსიტეტის პროფესორ-მასწავლებლებმა. საგრანტო კონკურსის ფარგლებში განხორციელდება ხუთი პროექტი, რაც ითვალისწინებს სამეცნიერო კონფერენციებისა და სეზონური სკოლების ჩატარებას.

ბათუმის შოთა რუსთაველის სახელმწიფო უნივერსიტეტში ბიომრავალფეროვნების საერთაშორისო დღის ფარგლებში შეხვედრა გაიმართა. სტუდენტებთან და პროფესორ-მასწავლებლებთან გამართულ შეხვედრაზე ისაუბრეს, ფლორა-ფაუნის ენდემებისა და ბიომრავალფეროვნებაში მათი როლის შესახებ. იმსჯელეს ამ მიმართულებით საზოგადოებაში ცოდნის ამაღლებისა და მნიშვნელობის გაზიარებაზე. აღინიშნა, რომ ზღვის ბინადრებისთვის ამ ეტაპზე ყველაზე დიდი გამოწვევა ზღვის აკვატორიის ნარჩენებით დაბინძურებაა.

ბათუმის შოთა რუსთაველის სახელმწიფო უნივერსიტეტში განხორციელება დაიწყო ბულგარეთის რესპუბლიკის საგარეო საქმეთა სამინისტროს მიერ დაფინანსებულმა პროექტმა „ბულგარული გამოცდილების გაზიარება ბათუმის შოთა რუსთაველის სახელმწიფო უნივერსიტეტში“, რომლის ფარგლებშიც დაგეგმილია სხვადასხვა სასწავლო და სამუშაო აქტივობის განხორციელება ახალი სამაგისტრო პროგრამის „ციფრული მედია და ინოვაციები“ გასაძლიერებლად.