14 ნოემბერი - მსოფლიო დიაბეტის დღე საბუნებისმეტყველო მეცნიერებათა და ჯანდაცვის ფაკულტეტის საზოგადოებრივი ჯანდაცვისა და მტკიცებითი მედიცინის დეპარტამენტის ინიციატივით რამდენიმე ღონისძიებით აღინიშნება. მედიცინის საგანმანათლებლო პროგრამის მე–4 კურსის სტუდენტები ჩაატარებენ საჯარო გამოკითხვას თემაზე: „რა ვიცით შაქრიანი დიაბეტის შესახებ?“
ასევე, ბსუ–ს სასწავლო ცენტრის ბაზაზე, 10:00 საათიდან 12:00 საათამდე ყველა მსურველს ჩაუტარდება გლუკოზის (შაქრის) დონის განსაზღვრა სისხლში.
აქციის სლოგანი – ერთად დავამარცხოთ დიაბეტი!

ბათუმის შოთა რუსთაველის სახელმწიფო უნივერსიტეტი აცხადებს მიღებას ალტერნატიული დიპლომისშემდგომი განათლების (პროფესიული მზადების) სარეზიდენტო პროგრამაზე: „ორთოპედიული სტომატოლოგია“. კონკურსანტთა საბუთების მიღება იწარმოებს ბსუ-ს კანცელარიაში 2017 წლის 8 ნოემბრიდან 14 ნოემბრის ჩათვლით, 10:00 საათიდან 17:00 საათამდე.

1 ნოემბერს გამოცხადდა კონკურსი ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის დეკანის თანამდებობის დასაკავებლად. დეკანის თანამდებობის დაკავების მსურველთა განცხადება მიიღება 2017 წლის 1 დეკემბრიდან 8 დეკემბრის ჩათვლით, 10:00 საათიდან 17:00 საათამდე (შაბათ-კვირის გარდა), ბსუ-ს საარჩევნო კომისიაში (მისამართი: ქ. ბათუმი, ნინოშვილის/რუსთაველის 35/32, ოთახი №13).

ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის საბჭოს 2017 წლის 31 ოქტომბრის სხდომის გადაწყვეტილებით, ამავე ფაკულტეტის დეკანის მოვალეობის შემსრულებლად არჩეული იქნა პროფესორი მარინა ქორიძე.

კლინიკა ენმედიცი და ბათუმის რეფერალური ჰოსპიტალი ბათუმის შოთა რუსთაველის სახელმწიფო უნივერსიტეტის თანამშრომლებს სთავაზობს უფასო სამედიცინო მომსახურებას. მსურველთა რეგისტრაცია იწარმოებს 27 სექტემბრიდან 9 ოქტომბრის ჩათვლით (ბსუ-ს მეორე კორპუსი, #101 ოთახი).