Interreg NEXT შავი ზღვის აუზის პროგრამის ფარგლებში, ბათუმის შოთა რუსთაველის სახელმწიფო უნივერსიტეტმა შავი ზღვის დაბინძურებისა და მისი გავლენის შესახებ მნიშვნელოვანი საერთაშორისო პროექტი CARE SEA - „თანამშრომლობა და ცნობიერების ამაღლება დაბინძურებისაგან თავისუფალი და ეკოლოგიურად სუფთა შავი ზღვა“ დაიწყო. პროექტი მიზნად ისახავს გარემოს დაბინძურების პრობლემის შესწავლას, შავი ზღვის დაბინძურების შემცირებასა და ეკოლოგიური მდგრადობის ხელშეწყობას, რაც განხორციელდება 5 ქვეყნის უმაღლესი საგანმანათლებლო და კვლევითი დაწესებულებების პარტნიორობით.

ბსუ-ში საერთაშორისო სამეცნიერო კონფერენცია გაიხსნა თემაზე: „ბიომრავალფეროვნების ცალკეული კომპონენტის შესწავლა, დაცვა, შენარჩუნება, გონივრული გამოყენება“, რომელიც ეძღვნება ბსუ-ს ფიტოპათოლოგიისა და ბიომრავალფეროვნების ინსტიტუტის 65 წლის იუბილეს. კონფერენციაში მონაწილეობენ მკვლევრები და მეცნიერები საქართველოს, პოლონეთის, თურქეთის, ნიდერლანდების, კანადის, შვეიცარიის და იტალიის წამყვანი სამეცნიერო და სასწავლო დაწესებულებებიდან. ორდღიანი კონფერენცია აჭარის ა.რ. განათლების, კულტურისა და სპორტის სამინისტროს მხარდაჭერით ტარდება.

მიმდინარე წლის 4-5 სექტემბერს ფიტოპათოლოგიის და ბიომრავალ-ფეროვნების ინსტიტუტში იმყოფებოდა თელავივის უნივერსიტეტის, საბუნებისმეტყველო ფაკულტეტის პროფესორი, მათემატიკის დოქტორი ევსეი კოზმანი. სტუმარმა 4 სექტემბერს წარმოადგინა პრეზენტაცია ბიოინფორმატიკაში- მათემატიკურ და სტატისტიკურ მეთოდებსა და კომპიუტერული პროგრამების შესახებ, რომლებიც გამოიყენება ბიოლოგიურ და ეკოლოგიურ სისტემებში მიმდინარე ცვლილებების გასაზომად და გასაანალიზებლად.

2024 წელს შავი ზღვის აუზის გრანტების პროგრამის (Interreg Next Black Sea) ფარგლებში, რომელიც ევროკავშირის ფინანსური მხარდაჭრით ხორციელდება, გამოვლინდა გამარჯვებული პროექტი CARE SEA- „თანამშრომლობა და ინფორმირებულობა დაბინძურებისგან თავისუფალი და ეკოლოგიურად მდგრადი შავი ზღვისთვის“ (Cooperation and Awareness for Pollution-free and Environmentally Sustainable Black Sea) - CARE SEA.

ბსუ-ს ფიტოპათოლოგიისა და ბიომრავალფეროვნების ინსტიტუტის კოლხეთის ტორფნარებისა და წყლის ეკოსისტემების კონსერვაციის განყოფილების უფროსმა - იზოლდა მაჭუტაძემ ჩაატარდა სემინარი თემაზე: ,ტორფნარების როლი კლიმატის ცვლილების რეგულაციაში". სემინარს ინსტიტუტის თანამშრომლების გარდა ესწრებოდა ბსუ-ს საბუნებისმეტყველო და ჯანდაცვის ფაკულტეტის ბიოლოგიის დეპარტამენტის მაგისტრანტი, ქობულეთი მუნიციპა¬ლიტეტის მერიის და ქობულეთის დაცული ტერიტორიების თანამშრომლები.