21-28 ივლისს, ბსუ-ს სამეცნიერო კვლევების სამსახურის უფროსი, ზუსტ მეცნიერებათა და განათლების ფაკულტეტის მოწვეული უფროსი მასწავლებელი თამარ მაჭუტაძე ERASMUS + აკადემიური მობილობის ფარგლებში ბუქარესტის უნივერსიტეტში იმყოფებოდა. ვიზიტის ფარგლებში შეხვედრა გაიმართა ფილოლოგიის ფაკულტეტის ადმინისტრაციასთან, დაიგეგმა მომავალი თანამშრომლობის გეგმები. ვიზიტის ფარგლებში ჩატარდა სალექციო კურსები, ხოლო შემაჯამებელი შეხვედრა ფაკულტეტის დეკანის მოადგილის - კატალინ კონსტანტინის ორგანიზებით გაიმართა ბუქარესტის მუნიციპალურ მუზეუმში, სადაც თამარ მაჭუტაძემ გააკეთა მოხსენება საქართველოს კულტურული მემკვიდრეობის შესახებ.

17-21 ივლისს „ერაზმუს+“-ის ადმინისტრაციული პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტს ვროცლავის ჯანმრთელობისა და სპორტის მეცნიერებათა უნივერსიტეტის საერთაშორისო ოფისის წარმომადგენელი მონიკა კლეშჩი სტუმრობდა. ერთი კვირის განმავლობაში მონიკა კლეშჩი ეცნობოდა სტრატეგიული განვითარებისა და საგარეო ურთიერთობათა დეპარტამენტის მუშაობის სპეციფიკას, ასევე, ის შეხვდა ზუსტ მეცნიერებათა და განათლების ფაკულტეტის დეკანს, პროფესორ ლელა თურმანიძეს მომავალი საერთო საქმიანობის დასაგეგმად.

რეჯეფ ტაიფ ერდოღანის უნივერსიტეტი (თურქეთის რესპუბლიკა) სთავაზობს ბსუ-ს თურქოლოგიის საბაკალავრო საგანმანათლებლო პროგრამის სტუდენტებს (ბსუ-ს სტუდენტებისთვის გამოყოფილი 10 ადგილი) მონაწილეობის მიღებას თურქული ენის საზაფხულო სკოლაში. საზაფხულო სკოლა გაიმართება 2023 წლის აგვისტოში. კონკურსში მონაწილეობის მიღება შეუძლიათ ბსუ-ს თურქოლოგიის საბაკალავრო საგანმანათლებლო პროგრამის II,III,IV სასწავლო წლის სტუდენტებს.

ბსუ-ს 3-7 ივლისს, „ერაზმუს+“-ის ადმინისტრაციული პერსონალის გაცვლითი პროგრამის ფარგლებში ბიალისტოკის უნივერსიტეტის რექტორის მოადგილე, პროფესორი იაროსლავ მატვიეიუკი, რექტორის აპარატის უფროსი, პროფესორი აგნიეშკა ბუიაკოვსკა და ბუნების ცენტრის დირექტორი, დოქტორი ანა მატვიეიუკი ეწვივნენ. ვიზიტის ფარგლებში, დელეგაციის წევრები შეხვდნენ რექტორის მოადგილეს, პროფესორ თამარ სირაძესა და ბსუ-ს სტრატეგიული განვითარებისა და საგარეო ურთიერთობათა დეპარტამენტის წარმომადგენლებს, ეკონომიკისა და ბიზნესის ფაკულტეტის დეკანს, პროფესორ ნათელა წიკლაშვილს, საბუნებისმეტყველო მეცნიერებათა და ჯანდაცვის ფაკულტეტის დეკანს, პროფესორ რუსუდან ხუხუნაიშვილს და იურიდიული და სოციალურ მეცნიერებათა ფაკულტეტის დეკანს, პროფესორ ლევან ჯაყელსა და ფაკულტეტის პროფესორ- მასწავლებლებს. შეხვედრაზე მხარეებმა ერთობლივი საგანმანათლებლო პროექტების, საერთაშორისო პროგრამების განხორციელებასა და სამომავლო თანამშრომლობის გეგმებზე ისაუბრეს.

19-23 ივნისს ბსუ-ს სტრატეგიული განვითარებისა და საერთაშორისო ურთიერთობების დეპარტამენტის უფროსმა, პროფესორმა მარინე გიორგაძემ, უფროსის მოადგილემ ნანა ყურშუბაძემ და მთავარმა სპეციალისტმა ლელა თავართქილაძემ მონაწილეობა მიიღეს კოიმბრის პოლიტექნიკური ინსტიტუტის მიერ ორგანიზებულ ტრენინგში. ინტერნაციონალიზაციისა და მობილობის საკითხებისადმი მიძღვნილ ტრენინგში მონაწილეობდნენ საქართველოს (ბსუ, გაუ, თესაუ), კანადის, ყაზახეთის, მოლდოვისა და იორდანიის უნივერსიტეტების საერთაშორისო ურთიერთობათა დეპარტამენტების წარმომადგენლები. ტრენინგს უძღვებოდნენ უნივერსიტეტის ვიცე-პრეზიდენტი და საგარეო ურთიერთობათა კოორდინატორი, პროფ. მარია ჟოაო კარდოსო და საერთაშორისო ურთიერთობათა ოფისის თანამშრომელი კატარინა მარკესი.

11-21 ივლისს „ერაზმუს+“-ის ადმინისტრაციული პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტში ბუქარესტის უნივერსიტეტის წარმომადგენლები პროფესორი, სტეფან კატალინ კონსტანტინი, პროფესორი კრისიტინა მონიკა რუსიეცკი და პროფესორი კრისტინა მადალინა ბოგდანი იმყოფებოდნენ.ვიზიტის ფარგლებში წარმომადგენლები შეხვდნენ რექტორის მოადგილეს, პროფესორ თამარ სირაძეს, სამეცნიერო კვლევების სამსახურის უფროსს, თამარ მაჭუტაძეს, სტრატეგიული განვითარებისა და საგარეო ურთიერთობათა დეპარტამენტის უფროსის მოადგილეს, ბსუ-ს ერაზმუს+ კოორდინატორს ნანა ყურშუბაძეს. შეხვედრაზე განიხილეს სამომავლო თანამშრომლობის გეგმები.

ბათუმის შოთა რუსთაველის სახელმწიფო უნივერსიტეტის სტრატეგიული განვითარებისა და საგარეო ურთიერთობათა დეპარტამენტის მთავარმა სპეციალისტმა ნუნუ ჯაფარიძემ, „ერაზმუს+“-ის გაცვლითი პროგრამის ფარგლებში, მონაწილეობა მიიღო მიკოლას რომერის უნივერსიტეტის (ლიეტუვა) მიერ ორგანიზებულ საერთაშორისო კვირეულში. 19-23 ივნისს, მიკოლას რომერის უნივერსიტეტში ჩატარებული კვირეული მოიცავდა სამუშაო შეხვედრებს „ერაზმუს+“-ის საერთაშორისო გაცვლითი პროგრამების განხორციელების მიმართულებით.

15-19 მაისს ბსუ-ს საბუნებისმეტყველო მეცნიერებათა და ჯანდაცვის ფაკულტეტის ბიოლოგიის დეპარტამენტის ასოცირებული პროფესორი ლეილა ახვლედიანი „ერაზმუს+“-ის პროექტის ფარგლებში იმყოფებოდა ვიზიტი ხმელთაშუაზღვის უნივერსიტეტში, ნუტრიციოლოგიის დეპარტამენტში (საბერძნეთი). ასოცირებულმა პროფესორმა ლეილა ახვლედიანმა ჩაატარა ერთკვირიანი სალექციო კურსი იმუნოლოგიის მიმართულებით. ლექციებს ესწრებოდნენ როგორც საბაკალავრო, ასევე სამაგისტრო პროგრამის სტუდენტები.