1-5 ივლისს, „ერაზმუს+“-ის გაცვლითი პროგრამის ფარგლებში ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის დეკანის მოადგილე სალომე კარალიძე იმყოფებოდა ზალცბურგის პარის ლოდრონის უნივერსიტეტში (ავსტრია). ვიზიტის ფარგლებში სალომე კარალიძემ მონაწილეობა მიიღო ტრენინგში, რომელიც ჩატარდა საერთაშორისო ურთიერთობებისა და ევროპის ინტეგრაციის სწავლების მიმართულებით. ვიზიტისას ასევე განხილული იქნა ურთიერთანამშრომლობის პერსპექტივები და ახალი ერთობლივი პროექტები.

2-7 ივნისს, „ერაზმუს+“-ის აკადემიური პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტში ვიზიტით იმყოფებოდა ვროცლავის სახელმწიფო უნივერსიტეტის სლავური ლიტერატურისა და კულტურის კათედრის წევრი, დოქტორი იოანა კულა. მან სალექციო მეცადინეობები ჩაატარა ბსუ-ს სლავური ფილოლოგიის საბაკალავრო სტუდენტებისთვის რუსული ლიტერატურის თანამედროვე პრობლემების საკითხებზე.

5 ივლისს ბსუ-ს არაოფიციალური ვიზიტით ესტუმრა საქართველოში შვეიცარიის ელჩი ჰაიდი გრაუ. ელჩს შეხვდნენ უნივერსიტეტის რექტორის მოადგილე, პროფესორი თამარ სირაძე და სტრატეგიული განვითარებისა და საერთაშორისო ურთიერთობების დეპარტამენტის ხელმძღვანელი, პროფესორი მარინე გიორგაძე. ქალბატონი ჰაიდი გრაუ გაეცნო უნივერსიტეტის ისტორიას, ფაკულტეტებსა და საგანმანათლებლო პროგრამებს. შვეიცარიის ელჩი დაინტერესდა უნივერსიტეტის საერთაშორისო ურთიერთობებით, გაცვლითი პროგრამებით, საერთაშორისო პროექტებითა, დაიგეგმა ბსუ-სა და შვეიცარიის უნივერსიტეტებს შორის თანამშრომლობის დამყარება. შეხვედრის დასასრულს დიპლომატიური კორპუსის წარმომადგენელმა უნივერსიტეტს საჩუქრად გადასცა ფრანგული და გერმანულენოვანი მხატვრული ლიტერატურა

1-5 ივლისს ბსუ-ს სტრატეგიული განვითარებისა და საერთაშორისო ურთიერთობების დეპარტამენტს ანკარის ატილიმ უნივერსიტეტის საერთაშორისო ურთიერთობების დირექტორატის წარმომადგენელი ემრე დენიზ სევინირი ეწვია. სტუმარი გაეცნო უნივერსიტეტის ინტერნაციონალიზაციის სტრატეგიას, დეპარტამენტის საქმიანობას, სტუდენტთა და პერსონალის მობილობის პროცესის მენეჯმენტს, კონკურსების ორგანიზებას, შეფასების პრინციპებს, უნივერსიტეტის მატერიალურ-ტექნიკურ ბაზას, ფაკულტეტებს, სასწავლო კაბინეტებს, ლაბორატორიებს. ვიზიტის ფარგლებში გამართულ შეხვედრაზე დაისახა სამომავლოდ თანამშრომლობის გაფართოების პერსპექტივები.

25 ივნისს „ერასმუს+“-ის გაცვლითი პროგრამის ფარგლებში მიკოლას რომერის უნივერსიტეტის (ლიეტუვა) პროფესორმა ჟანეტა სიმანავიჩიენემ ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის სტუდენტებს წაუკითხა ლექცია თემაზე - „ეკონომიკური უსაფრთხოების გაძლიერება მდგრადი ენერგიის განვითარებით“. მომხსენებელმა ახალგაზრდებს გააცნო დარგის თანამედროვე გამოწვევები და მიღწევები.

17-22 ივნისს, „ერასმუს+“-ის გაცვლითი პროგრამის ფარგლებში, ბათუმის შოთა რუსთველის სახელმწიფო უნივერსიტეტს სტუმრობდა 19 მაისის უნივერსიტეტის (თურქეთი) პროფესორი მუსა კავასი. პროფესორმა მუსა კავასიმ საბუნებისმეტყველო მეცნიერებათა და ჯანდაცვის ფაკულტეტის „მედიცინის“ ინგლისურენოვანი პროგრამის პირველი კურსის სტუდენტებს წაუკითხა ლექცია თემაზე - „კულტურა პომიდორში გენომის რედაქტირების მექანიზმები“. ლექციის დასრულებისას, მომხსენებელმა სტუდენტების აქტუალურ შეკითხვებს უპასუხა.

გერმანიის ბუნდესთაგი ბერლინის უნივერსიტეტთან ერთად საერთაშორისო საპარლამენტო სტიპენდიის პროგრამის „საერთაშორისო საპარლამენტო სტიპენდია (IPS)“ ფარგლებში 25 წლამდე ასაკის საქართველოს მოქალაქეებს, რომლებიც პოლიტიკური საკითხებით არიან დაინტერესებული აძლევს უნიკალურ შანსს, უშუალოდ გაეცნონ პოლიტიკური გადაწყვეტილებების მიღების პროცესებს. პროგრამის მიზანია სტიპენდიატებისათვის თვალსაჩინო გახადოს პოლიტიკური ცხოვრება და დემოკრატიული გადაწყვეტილებების მიღების პროცესი. პროგრამა გრძელდება 2025 წლის პირველი მარტიდან 31 ივლისამდე.

ბელგიელმა სტაჟიორებმა, ფრანსუა დელემ და სოფი კონსტანტინმა, აჭარის განათლების, კულტურისა და სპორტის სამინისტროს პროგრამის „ევროოდისეას“ ფარგლებში, სტაჟირება გაიარეს ბათუმის შოთა რუსთაველის სახელმწიფო უნივერსიტეტში. სტაჟიორებმა ფრანგული ენის პრაქტიკული მეცადინეობები ჩაატარეს რომანული ფილოლოგიისა და საერთაშორისო ურთიერთობების სტუდენტებთან ბსუ-ს პროფესორ-მასწავლებლებთან ერთად. სტაჟირება სამი თვე გრძელდებოდა. ფრანკოფონი სტაჟიორების ჩართულობა ფრანგული ენის პრაქტიკულ მეცადინეობებში მნიშვნელოვან როლს ასრულებს სტუდენტების მოტივაციის ამაღლებაში, საკომუნიკაციო და ინტერკულტურული უნარების განვითარებაში.