ბათუმის შოთა რუსთაველის სახელმწიფო უნივერსიტეტი 2022-2023, 2023-2024 სასწავლო წლების გაცვლითი პროგრამების/პროექტების კონკურსებში მონაწილეობის მსურველთათვის 11 ნოემბერს ატარებს ტესტირებას უცხოურ (ინგლისური/ფრანგული/ გერმანული) ენებში. ტესტირებაში მონაწილეობის მსურველებმა უნდა წარმოადგინონ განცხადება რექტორის სახელზე პორტალის მეშვეობით (მიუთითეთ უცხო ენა და დონე - ბაკალავრიატის სტუდენტებისათვის-B1/B2, მაგისტრატურის/დოქტორანტურის სტუდენტებისათვის - B2 დონე, მოქმედი ელფოსტა, ტელეფონის ნომერი) და პირადობის დამადასტურებელი დოკუმენტის ასლი.

ბათუმის შოთა რუსთაველის სახელმწიფო უნივერსიტეტი ბსუ-ს სტუდენტებისთვის აცხადებს ევროკომისიის მიერ დაფინანსებულ „ერაზმუს+“-ის გაცვლითი პროგრამის კონკურსს ევროპის უნივერსიტეტებში მობილობის განხორციელების მიზნით. უნივერსიტეტების ჩამონათვალი იხილეთ დანართში 1.

3-7 ოქტომბერს „ერაზმუს+“-ის ადმინისტრაციული პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტს ევორას უნივერსიტეტის (პორტუგალია) სოციალურ მეცნიერებათა სკოლის ასამბლეის პრეზიდენტი ხოსე მანუელ სარაგოსა ეწვია. ხოსე მანუელ სარაგოსა ერთი კვირის განმავლობაში ბსუ-ს სტრატეგიული განვითარებისა და საგარეო ურთიერთობათა დეპარტამენტის მუშაობის სპეციფიკას ეცნობოდა. ვიზიტის ფარგლებში დაიგეგმა სხვადასხვა მიმართულებით ახალი პროგრამების შემუშავებისა და თანამშრომლობის გაღრმავების შესაძლებლობების გზები.

30 მაისიდან 3 ივნისის ჩათვლით ყაზგუს უნივერსიტეტის (ყაზახეთი) ინიციატივით იმართება მეორე ონლაინ საზაფხულო სკოლა თემაზე „COMPARATIVE REGIONALISM: THE FUTURE OR REGIONALISM AFTER COVID-19“. საზაფხულო სკოლაში მონაწილეობა შეუძლიათ რეგიონული ინტეგრაციის აქტუალური საკითხებით დაინტერესებულ პროფესორ-მასწავლებლებს, მკვლევრებსა და სტუდენტებს. საზაფხულო სკოლის კურსი მოიცავს 5 კრედიტს.

17-21 ოქტომბერს „ერაზმუს+“-ის აკადემიური პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტში მურსიის უნივერსიტეტის პროფესორი, როზა მარსელა რამოს ჰიდალგო იმყოფებოდა. პროფესორმა როზა მარსელა რამოს ჰიდალგომ ბსუ-ს იურიდიულ და სოციალური მეცნიერებათა ფაკულტეტის საერთაშორისო ურთიერთობების და საჯარო მმართველობის დეპარტამენტის სტუდენტებისთვის საჯარო ლექცია წაიკითხა საერთაშორისო პოლიტიკის თემაზე. მომხსენებელმა ახალგაზრდებს გააცნო საერთაშორისო პოლიტიკის აქტუალური საკითხები და თანამედროვე გამოწვევები. ვიზიტის ფარგლებში როზა მარსელა რამოს ჰიდალგო ბსუ-ს სტრატეგიული განვითარებისა და საგარეო ურთიერთობათა დეპარტამენტის წარმომადგენლებს შეხვდა და სამსახურის მუშაობის სპეციფიკას გაეცნო.

ბათუმის შოთა რუსთაველის სახელმწიფო უნივერსიტეტის სტუდენტებისთვის „ერაზმუს+“-ის გაცვლითი პროგრამის პრეზენტაცია გაიმართა. ბსუ-ს სტრატეგიული განვითარებისა და საგარეო ურთიერთობათა დეპარტამენტის უფროსის მოადგილემ, „ერაზმუს+“-ის გაცვლითი პროგრამების კოორდინატორმა ნანა ყურშუბაძემ სხვადასხვა ფაკულტეტის სტუდენტებს საერთაშორისო გაცვლითი პროგრამის განხორციელების წესები და კონკურსის ჩატარების პირობები გააცნო. პრეზენტაციის დასრულების შემდეგ „ერაზმუს+“-ის გაცვლითი პროგრამების კოორდინატორმა სტუდენტების შეკითხვებს უპასუხა.

ბათუმის შოთა რუსთაველის სახელმწიფო უნივერსიტეტი გთავაზობთ ევროკომისიის მიერ დაფინანსებულ „ერაზმუს+"-ის გაცვლით პროგრამას 2023 – 2024 სასწავლო წლის გაზაფხულის სემესტრისთვის ვიძემის გამოყენებითი მეცნიერებების უნივერსიტეტში https://va.lv/lv , ლატვია

ბათუმის შოთა რუსთაველის სახელმწიფო უნივერსიტეტი გთავაზობთ მონაწილეობის მიღებას ევროკომისიის მიერ დაფინანსებულ „ერაზმუს+“-ის გაცვლით პროგრამაში 2022-2023 სასწავლო წლის გაზაფხულის სემესტრისთვის მურსიის კათოლიკურ უნივერსიტეტში, ესპანეთი. გაცვლით პროგრამაში მონაწილეობა შეუძლიათ ბსუ-ს უმაღლესი განათლების, პირველი საფეხურის შემდეგი საგანმანათლებლო პროგრამების სტუდენტებს: