5 ოქტომბერს, 16:00 საათზე, ბათუმის შოთა რუსთაველის სახელმწიფო უნივერსიტეტის სააქტო დარბაზში, სტუდენტებისთვის გაიმართება „ერაზმუს+“-ის გაცვლითი პროგრამის პრეზენტაცია. ბსუ-ს სტრატეგიული განვითარებისა და საგარეო ურთიერთობათა დეპარტამენტის მოადგილე, „ერაზმუს+“-ის გაცვლითი პროგრამების კოორდინატორი ნანა ყურშუბაძე სტუდენტებს საერთაშორისო გაცვლით პროგრამაში მონაწილეობის პირობებს გააცნობს.

DAAD-ი საზაფხულო სკოლის პროგრამის „Go East Summer Schools 2023“ ფარგლებში, აცხადებს სტიპენდიებს გერმანული ენის სპეციალობის სტუდენტებისთვის საზაფხულო სკოლებში მონაწილეობის მისაღებად. პროგრამაში მონაწილეობის მსურველებს შეუძლიათ განაცხადი წარადგინონ DAAD-ში 2022 წლის 8 ნოემბრის ჩათვლით. დეტალური ინფორმაციისათვის და განაცხადისთვის შეგიძლიათ ეწვიოთ მისამართებს.

გამოცხადდა მიღება სლოვაკეთის რესპუბლიკის ეროვნული სტიპენდიების პროგრამაზე. კონკურსში მონაწილეობა შეუძლიათ სამივე საფეხურის საგანმანათლებლო პროგრამის სტუდენტებს, პროფესორ-მასწავლებლებსა და მკვლევრებს. ონლაინ განაცხადების წარდგენის ბოლო ვადაა 2022 წლის 31 ოქტომბრის 16:00 საათი, ცენტრალური ევროპის დროით. დეტალური ინფორმაციას გაეცანით ვებგვერდზე: www.scholarships.sk ან იხილეთ დანართი.

Weiser-ის ცენტრი ევროპისა და ევრაზიისთვის მიჩიგანის უნივერსიტეტი სთავაზობს დაინტერესებულ პირებს Weiser-ის პროფესიული განვითარების სტიპენდიებს ხელოვნების მიმართულებით. პროგრამა მოიცავს მოკლევადიან კვლევით ვიზიტებს 4-დან 6 კვირამდე მიჩიგანის უნივერსიტეტში, ენ არბორში და სტიპენდია მოიცავს ორმხრივ ავიაბილეთს, საცხოვრებელს, ჯანმრთელობის დაზღვევას. კანდიდატი უნდა ფლობდეს ინგლისური ენას. კვალიფიკაცია მოწმდება.

25-29 ივლისს „ერაზმუს+“-ის ადმინისტრაციული პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტს მურსიის უნივერსიტეტის (ესპანეთი) საერთაშორისო ურთიერთობების სამსახურის წარმომადგენელი ხუან ანტონიო ბუენდია სანჩესი ეწვია. ხუან ანტონიო ბუენდია სანჩესი ერთი კვირის განმავლობაში ბსუ-ს სტრატეგიული განვითარებისა და საგარეო ურთიერთობათა დეპარტამენტის მუშაობის სპეციფიკას ეცნობოდა. ვიზიტის ფარგლებში დაიგეგმა სხვადასხვა მიმართულებით ახალი პროგრამების შემუშავებისა და თანამშრომლობის გაღრმავების შესაძლებლობების გზები.

17-23 ივლისს „ერაზმუს+“-ის ადმინისტრაციული პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტში სუჩეავას უნივერსიტეტის (რუმინეთი) ასოცირებული პროფესორები ბოგიან კარმენი და ბოგიან ფლორინი იმყოფებოდნენ. სუჩეავას უნივერსიტეტის წარმომადგენლები ერთი კვირის განმავლობაში გაეცნენ ბსუ-ს საგანმანათლებლო პროგრამებს, პროექტებს, გაცვლით პროგრამებს, სტრატეგიული განვითარებისა და საგარეო ურთიერთობათა დეპარტამენტის მუშაობის პრინციპებსა და სპეციფიკას.

ჩეხეთის რესპუბლიკის სამთავრობო სასტიპენდიო პროგრამის ფარგლებში საქართველოს მოქალაქე სტუდენტებისათვის გამოცხადდა კონკურსი 2023-2024 აკადემიური წლისთვის. სტიპენდიის მოპოვება შესაძლებელია სამაგისტრო და სადოქტორო საფეხურზე. სტიპენდიები ითვალისწინებს სასწავლო პროგრამებს სხვადასხვა სფეროში. კონკურსანტთა რეგისტრაცია სრულდება 30 აგვისტოს.

ბათუმის შოთა რუსთაველის სახელმწიფო უნივერსიტეტის სტრატეგიული განვითარებისა და საგარეო ურთიერთობათა დეპარტამენტის მთავარმა სპეციალისტმა ნუნუ ჯაფარიძემ „ერაზმუს+“-ის გაცვლითი პროგრამის ფარგლებში, მონაწილეობა მიიღო ავეიროს (პორტუგალია) უნივერსიტეტის მიერ ორგანიზებულ საერთაშორისო კვირეულში. ავეიროს უნივერსიტეტში ჩატარებული კვირეული (4-8 ივლისი) მოიცავდა სამუშაო შეხვედრებს „ერაზმუს+“-ის საერთაშორისო გაცვლითი პროგრამების მიმართულებით. დაგეგმილი ღონისძიებების ფარგლებში ნუნუ ჯაფარიძე შეხვდა როგორც ავეიროს უნივერსიტეტის საერთაშორისო ურთიერთობის სამსახურის თანამშრომლებს, ასევე სხვა უცხოელ კოლეგებს და გააცნო ბსუ-ს საგანმანათლებლო პროგრამები, სამეცნიერო პროექტები და საუნივერსიტეტო ცხოვრება.