„ერაზმუს+“-ის გაცვლითი პროგრამის PEERS საერთაშორისო კრედიტ მობილობის პროგრამის მობილობის ფარგლებში, 31ოქტომბრიდან 4 ნოემბერის ჩათვლით ბსუ-ს ჰუმანიტარულ მეცნიერებათა ფაკულტეტის ევროპეისტიკის დეპარტამენტის მოწვეული უფროსი მასწავლებელი, ფილოლოგიის დოქტორი თამარ დოლიძე იმყოფებოდა ავეიროს უნივერსიტეტში (პორტუგალია). ვიზიტის ფარგლებში თამარ დოლიძემ ჩაატარა ლექციები ენისა და კულტურათშორისო კომუნიკაციების თემებზე, ასევე ინგლისურ ენაზე ეფექტური ბიზნეს კომუნიკაციის თემებზე (სულ 8 საათი). თამარ დოლიძე ასევე დაესწრო ამავე ფაკულტეტის ბიზნეს ინგლისურის სასწავლო მოდულის ფარგლებში მაგისტრატურის სტუდენტების მიერ ჯგუფური პროექტების პრეზენტაციებს და მონაწილეობა მიიღო მათ შეფასებაში.

ბათუმის შოთა რუსთაველის სახელმწიფო უნივერსიტეტი 8 ნოემბერს ბსუ-ს პერსონალისთვის ატარებს ტესტირებას ინგლისურ ენაში (B2/C1). ტესტირებაში მონაწილეობის მსურველებმა უნდა წარმოადგინონ განცხადება რექტორის სახელზე ელექტრონული პლატფორმა eFlow-ს მეშვეობით, მოწვეულმა მასწავლებლებმა - ელ ფოსტაზე chancellery@bsu.edu.ge

ბათუმის შოთა რუსთაველის სახელმწიფო უნივერსიტეტი ბსუ- ს აკადემიური და ადმინისტრაციული პერსონალისთვის აცხადებს „ერაზმუს+“-ის გაცვლითი პროგრამის კონკურსს (სწავლების/ტრენინგის) 2022-2023 სასწავლო წლის გაზაფხულის სემესტრისთვის. მობილობის ხანგრძლივობა - 5 სამუშაო დღე. პარტნიორი უნივერსიტეტების ჩამონათვალი იხილეთ დანართში 1.

17-21 ოქტომბერს ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის პროფესორი, ჟან მონეს კათედრის ხელმძღვანელი მალხაზ ნაკაშიძე „ერაზმუს+“-ის აკადემიური გაცვლითი პროგრამის ფარგლებში, აკადემიური ვიზიტით ბიალისტოკის უნივერსიტეტს ეწვია. პროფესორმა მალხაზ ნაკაშიძემ ბილისტოკის უნივერსიტეტის იურიდიული ფაკულტეტის სტუდენტებისთვის წაიკითხა ლექციები ევროკავშირის საკონსტიტუციო სამართლის, ევროკავშირში დემოკრატიის, კანონის უზენაესობის, ასევე საქართველოს ევროპული ინტეგრაციის გამოწვევების შესახებ.

ბათუმის შოთა რუსთაველის სახელმწიფო უნივერსიტეტი 2022-2023, 2023-2024 სასწავლო წლების გაცვლითი პროგრამების/პროექტების კონკურსებში მონაწილეობის მსურველთათვის 11 ნოემბერს ატარებს ტესტირებას უცხოურ (ინგლისური/ფრანგული/ გერმანული) ენებში. ტესტირებაში მონაწილეობის მსურველებმა უნდა წარმოადგინონ განცხადება რექტორის სახელზე პორტალის მეშვეობით (მიუთითეთ უცხო ენა და დონე - ბაკალავრიატის სტუდენტებისათვის-B1/B2, მაგისტრატურის/დოქტორანტურის სტუდენტებისათვის - B2 დონე, მოქმედი ელფოსტა, ტელეფონის ნომერი) და პირადობის დამადასტურებელი დოკუმენტის ასლი.

ბათუმის შოთა რუსთაველის სახელმწიფო უნივერსიტეტი ბსუ-ს სტუდენტებისთვის აცხადებს ევროკომისიის მიერ დაფინანსებულ „ერაზმუს+“-ის გაცვლითი პროგრამის კონკურსს ევროპის უნივერსიტეტებში მობილობის განხორციელების მიზნით. უნივერსიტეტების ჩამონათვალი იხილეთ დანართში 1.

3-7 ოქტომბერს „ერაზმუს+“-ის ადმინისტრაციული პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტს ევორას უნივერსიტეტის (პორტუგალია) სოციალურ მეცნიერებათა სკოლის ასამბლეის პრეზიდენტი ხოსე მანუელ სარაგოსა ეწვია. ხოსე მანუელ სარაგოსა ერთი კვირის განმავლობაში ბსუ-ს სტრატეგიული განვითარებისა და საგარეო ურთიერთობათა დეპარტამენტის მუშაობის სპეციფიკას ეცნობოდა. ვიზიტის ფარგლებში დაიგეგმა სხვადასხვა მიმართულებით ახალი პროგრამების შემუშავებისა და თანამშრომლობის გაღრმავების შესაძლებლობების გზები.

30 მაისიდან 3 ივნისის ჩათვლით ყაზგუს უნივერსიტეტის (ყაზახეთი) ინიციატივით იმართება მეორე ონლაინ საზაფხულო სკოლა თემაზე „COMPARATIVE REGIONALISM: THE FUTURE OR REGIONALISM AFTER COVID-19“. საზაფხულო სკოლაში მონაწილეობა შეუძლიათ რეგიონული ინტეგრაციის აქტუალური საკითხებით დაინტერესებულ პროფესორ-მასწავლებლებს, მკვლევრებსა და სტუდენტებს. საზაფხულო სკოლის კურსი მოიცავს 5 კრედიტს.