გამოცხადდა 2023 წლის შოთა რუსთაველის საქართველოს ეროვნული სამეცნიერო ფონდისა და საქართველოს ფრანგული ინსტიტუტის ერთობლივი კვლევითი სტაჟირების პროგრამის საგრანტო კონკურსი. კონკურსში მონაწილეს შეუძლია მხოლოდ ერთი საკონკურსო განაცხადის დარეგისტრირება. განცხადების მიღების ბოლო ვადა: 07 აპრილი, 2023 წელი.

ევროპა მასტერი (EUROPA MASTER), რომელსაც ასევე უწოდებენ "ვაიმარის კვლევებს", არის სამი ქვეყნის პარტნიორობით შექმნილი უნიკალური სამაგისტრო პროგრამა ევროპული კვლევების სფეროში, რომელიც გთავაზობთ სამი პარტნიორი უნივერსიტეტის სამი სამაგისტრო დიპლომის მინიჭების შესაძლებლობას, შემდეგ უნივერსიტეტებში: ოპოლეს უნივერსიტეტი (პოლონეთი), იოჰანეს გუტენბერგის უნივერსიტეტი მაინცში (გერმანია) და ბურგუნდიის უნივერსიტეტი დიჟონში (საფრანგეთი).

ბათუმის შოთა რუსთაველის სახელმწიფო უნივერსიტეტი ბსუ- ს აკადემიური პერსონალისთვის აცხადებს „ერაზმუს+“-ის გაცვლითი პროგრამის კონკურსს 2022-2023 სასწავლო წლის გაზაფხულის სემესტრისთვის შჩეცინის (პოლონეთი) უნივერსიტეტში. (https://en.usz.edu.pl/).

პოლონურ-ევროპული სამართლის სკოლა (PESL) არის ინტენსიური საერთაშორისო სასწავლო პროგრამა (IIC), რომელიც ორგანიზებულია ბიალისტოკის უნივერსიტეტის (პოლონეთი) მიერ და წარმოადგენს პოლონეთის აკადემიური გაცვლის ეროვნული სააგენტოს SPINAKER-ის პროექტის ნაწილს. სკოლა განკუთვნილია საერთაშორისო სტუდენტებისთვის ევროკავშირის ასოცირებული ქვეყნების და მესამე ქვეყნების სტუდენტებისათვის, რომლებიც სწავლობენ სამართლის, ეკონომიკის, ბუღალტერიის და ფინანსების ან მასთან დაკავშირებულ სასწავლო დარგების მიმართულებებით.

23-25 აგვისტოს კარამანოღლუ მეჰმედბეის უნივერსიტეტის ორგანიზებით ტარდება სამეცნიერო და აკადემიური კვლევითი კონგრესი. კონგრესის მიზანია კვლევების გაზიარება ჯანმრთელობის, სოციალური, მეცნიერებისა და სახვითი ხელოვნების სფეროებში. კონგრესი ჰიბრიდული ფორმატში ჩატარდება. მონაწილეები, რომლებიც წარადგენენ ნაშრომებს კონგრესზე, შეძლებენ მონაწილეობა მიიღონ საერთაშორისო წიგნის სექციაში ან მათი ნაშრომები გამოქვეყნდება უნივერსიტეტის სამეცნიერო და აკადემიური კვლევების (SCAR) ჟურნალში.

ბათუმის შოთა რუსთაველის სახელმწიფო უნივერსიტეტი ბსუ-ს სტუდენტებსა და აკადემიურ/ადმინისტრაციულ პერსონალს სთავაზობს რეჯეფ ტაიფ ერდოღანის უნივერსიტეტის (https://erdogan.edu.tr/website/Contents.aspx?PageID=1092&LangID=3), (თურქეთის რესპუბლიკა) მიერ გამოცხადებულ „ერაზმუს+“-ის გაცვლითი პროგრამის კონკურსში მონაწილეობის მიღებას 2023-2024 სასწავლო წლის შემოდგომის სემესტრისთვის. კონკურსი ტარდება საქართველოს მასშტაბით.

17-21 აპრილს ვროცლავის უმაღლესი საბანკო სკოლის (პოლონეთი) ორგანიზებით, „საერთაშორისო ბიზნეს კვირეული 2023“ ტარდება. კვირეულის განმავლობაში მონაწილეს ექნება შესაძლებლობა, გუნდთან ერთად იმუშაოს პროექტებზე, მონაწილეობა მიიღოს სასწავლო ვიზიტებში და გამოიყენოს თერმო სკანერი STRD.

სილეზიის ტექნოლოგიური უნივერსიტეტი (პოლონეთი) „ერაზმუს+“-ის გაცვლითი პროგრამის ფარგლებში იწვევს დაინტერესებულ პირებს საერთაშორისო კვირეულში მონაწილეობის მისაღებად. კონკურსი ტარდება საქართველოს მასშტაბით. საერთაშორისო კვირეულის მიზანია არსებული თანამშრომლობის განახლება და ახალი პარტნიორების მოძიება. კვირეული გაიმართება 2023 წლის 12-16 ივნისს.