ბსუ-ს ეკონომიკისა და ბიზნესის ფაკულტეტის პროფესორებმა 18-19 აპრილს მონაწილეობა მიიღეს ლიეტუვაში (ქ. ვილნიუსი, კაუნასი), მიკოლას რომერის უნივერსიტეტის საზოგადოებრივი უსაფრთხოების აკადემიის მიერ ორგანიზებულ ყოველწლიურ საერთაშორისო სამეცნიერო ფორუმის მუშაობაში. პროფესორმა ბადრი გეჩბაიამ (თანაავტორი ასისტენტ პროფესორი ქ.გოლეთიანი) მოხსენება წარადგინა თემაზე: ,,ადამიანური რესურსების როლი კომპანიის მდგრადი განვითარების მიზნების მისაღწევად“, ასისტენტ პროფესორმა გიორგი ქათამაძემ (თანაავტორი ასოცირებული პროფესორი ნატო ჯაბნიძე)  მოხსენება წარადგინა თემაზე: მცირე და საშუალო ბიზნესის ბაზრის დივერსიფიკაციის თანამედროვე გამოწვევები, ტურიზმის ფაკულტეტის ასისტენტ პროფესორმა ნარგიზ ფალავანდიშვილმა (თანაავტორები ასოცებული პროფესორები ირინე თავაძე, ირინე ვაშაყმაძე, ნატალია რობიტაშვილი): ,,ტურიზმის გავლენა ფინანსური ბაზრების ფორმირებაზე საქართველოში“.

პროფესორ ბადრი გეჩბაიას, ასისტენტ-პროფესორების გიორგი ქათამაძის და ნარგიზ ფალავანდიშვილის ფორუმში მონაწილეობა დაფინანსებული იყო ბსუ-ს ბიუჯეტიდან „უცხოეთში გასამართ სამეცნიერო ღონისძიებებში მონაწილეობისათვის“ პროექტის ფარგლებში.

მასპინძელი, პარტნიორი და საერთაშორისო სამეცნიერო კონფერენციაში მონაწილე უნივერსიტეტების წარმომადგენლებმა მზაობა გამოხატეს ერთობლივი პროექტებისა და სამეცნიერო კვლევების ორგანიზების მიმართულებით.