საერთაშორისო წარმომადგენლობითი ორგანიზაციის „InterConf“-ის ორგანიზებით, 2022 წლის 26-28 იანვარს გაიმართება VI საერთაშორისო სამეცნიერო და პრაქტიკული ონლაინ კონფერენცია თემაზე: „ინტერდისციპლინარული კვლევა“. კონფერენციის მონაწილეთა ნაშრომები გამოქვეყნდება კონფერენციის მასალების კრებულში და მინიჭებული ექნება ISBN 978-3-512-31217-5 Busse Verlag GmbH (ჰამბურგი, გერმანია) გამომცემლის მიერ. საბუთები მიიღება 16 იანვრამდე. დეტალური ინფორმაცია კონფერენციის შესახებ იხილეთ დანართში.

2022 წლის 22-26 აგვისტოს ევროპული განათლების კვლევის ასოციაცია (EERA) პირველად ერევნის სახელმწიფო უნივერსიტეტში მართავს ყოველწლიურ საგანმანათლებლო კვლევების ევროპულ კონფერენციას (ECER). კონფერენციის თემა გახლავთ „განათლება ცვალებად სამყაროში: გლობალური რეალობის გავლენა საგანმანათლებლო კვლევის პერსპექტივებსა და გამოცდილებაზე“. კონფერენციის მონაწილეთა დოკუმენტაციის წარდგენა 10 დეკემბერს დაიწყო და 2022 წლის 31 იანვარს დასრულდება.

პოლონეთის მეცნიერებათა აკადემიის პოლიტიკური კვლევების ინსტიტუტის რიჩარდ პაიპსის ლაბორატორია გიწვევთ კონფერენციაზე „სამხედროების როლი და მნიშვნელობა და არარუსული წარმოშობის დევნილები რუსეთის მიერ კავკასიის დაპყრობაში“, რომელიც ჩატარდება 2022 წლის 26-27 მაისს. გთხოვთ, გამოაგზავნოთ კონფერენციის მასალები 2022 წლის 1 თებერვლამდე შემდეგ მისამართზე: lab.pipes@isppan.waw.pl

2022 წლის 10-11 თებერვალს, საქართველოს ეროვნულ უნივერსიტეტში, SEU-ში, „ევროპული ინტეგრაციის კვლევითი ცენტრის“ ორგანიზებით გაიმართება საერთაშორისო სამეცნიერო კონფერენცია: „ევროპის მწვანე შეთანხმება და მისი პოლიტიკური, სამართლებრივი და ეკონომიკური ზეგავლენა საქართველოზე“. „ევროპის მწვანე შეთანხმება“ (European Green Deal) არის არამხოლოდ კლიმატმეგობრული გარემოს შექმნის მცდელობაა, არამედ ეკოაზროვნების სრულიად ახალი ევროპული წესრიგი, რომელსაც უდიდესი ზეგავლენა ექნება ევროკავშირის სამეზობლო ურთიერთობებზე, მათ შორის საქართველოზეც. აღნიშნული პროცესების ფონზე მიმდინარეობს საქართველოს საკანონმდებლო რეფორმა, რაც ევროკავშირთან ასოცირების ხელშეკრულების ფარგლებში ე.წ. „შეხედულებათა ცვლილების“ და პოლიტიკურ-საკანონმდებლო დაახლოებას ითვალისწინებს.

ეროვნული თავდაცვის აკადემია იწვევს მსურველებს სამეცნიერო - პრაქტიკულ კონფერენციაზე „ფსიქოლოგიის და განათლების მეცნიერებათა აქტუალური საკითხები“. კონფერენცია გაიმართება მიმდინარე წლის 29 დეკემბერს, ონლაინ ფორმატში. კონფერენციაში მონაწილეობის მიღება შეუძლიათ დაინტერესებულ აკადემიურ პერსონალს, დოქტორანტებს, ახალგაზრდა მეცნიერებს და დარგის სპეციალისტებს. სამეცნიერო - პრაქტიკული კონფერენცია მიზნად ისახავს ფსიქოლოგიისა და განათლების მეცნიერებათა სფეროში თანამედროვე საკითხების განხილვას, მეცნიერებს შორის სამეცნიერო კავშირების სტიმულირებას, განხოციელებული კვლევების შედეგების შეკრებასა და გაზიარებას, ინტერდისციპლინური კვლევების ხელშეწყობას.