1-30 მაისს ბათუმის შოთა რუსთაველის სახელმწიფო უნივერსიტეტის პროფესიული პროგრამების მართვისა და უწყვეტი განათლების ცენტრში აჭარის პროფესიული საგანმანათლოებლო პროგრამების განმახორციელებელი დაწესებულებების ჩართულობით მოკლევადიანი პროგრამის „პროფესიული მომზადება-გადამზადების პროგრამების ინსტრუქტორების უნარების განვითარება“ პილოტირება განხორციელდა. პროგრამის სამიზნე ჯგუფს წარმოადგენენ: პრაქტიკის ობიექტის წარმომადგენელი პერსონალი, კერძოდ: მოკლევადიანი მომზადება/გადამზადების პროგრამების ინსტრუქტორები ან/და საწარმოო პრაქტიკის განმახორციელებლი პერსონალი ან/და პრაქტიკული კომპონენტის განმახორციელებლი პერსონალი.

პროფესიული უნარების სააგენტოს ინიციატივით და გერმანიის საერთაშორისო თანამშრომლობის საზოგადოების (GIZ) პროგრამის „კერძო სექტორის განვითარება და პროფესიული განათლება სამხრეთ კავკასიაში“ მხარდაჭერით, ჩატარდა ტრენინგი „პროფესიული განათლების პრაქტიკოსი მკვლევარი“. ტრენინგს პროფესიული საგანმანათლებლო დაწესებულებების წარმომადგენლები ესწრებოდნენ. ტრენინგის მიზანი - პროფესიულ განათლებაში კვლევის მიმართულებით პროფესიული საგანმანათლებლო დაწესებულებების პერსონალის შესაძლებლობების გაძლიერებაა. სწავლებას უძღვებოდა მაინცის იოჰანეს გუტენბერგის უნივერსიტეტის პროფესორი დოქტორი მარკუს ბიონერი. ტრენინგის ფარგლებში, მსმენელები გაეცნენ პროფესიულ განათლებაში კვლევის მნიშვნელობასა და პროფესიული განათლების მიმართულებით ჩატარებული კვლევის საბაზისო წესებს.

საქართველოს განათლების ხარისხის განვითარების ეროვნული ცენტრის პროფესიული მომზადების/პროფესიული გადამზადების პროგრამების განხორციელების უფლების მიმნიჭებელმა საბჭომ ბათუმის შოთა რუსთაველის სახელმწიფო უნივერსიტეტს პროფესიული გადამზადების პროგრამის „ლაბორატორიული ჯანმრთელობა და უსაფრთხოება" განხორციელების უფლება მიანიჭა. პროგრამის განხორციელების მიზანია ლაბორატორიული მომსახურების დარგის ახალგაზრდა პროფესიონალთა კომპეტენციების გაძლიერებისა და დასაქმების ხელშეწყობა ლაბორატორიული ჯანმრთელობისა და უსაფრთხოების სფეროში უწყვეტი პროფესიული განათლების განვითარების გზით. პროფესიული გადამზადების პროგრამა „ლაბორატორიული ჯანმრთელობა და უსაფრთხოება“ განხორციელდება ბსუ-ს საბუნებისმეტყველო მეცნიერებათა და ჯანდაცვის ფაკულტეტის ბაზაზე.

ბსუ-ს პროფესიული პროგრამების მართვისა და უწყვეტი განათლების ცენტრმა აჭარის მუნიციპალიტეტებისა და ქალაქ ბათუმის საბავშვო ბაღების გაერთიანებების წარმომადგენლებს უმასპინძლა. შეხვედრაზე ცენტრსა და საბავშვო ბაღების გაერთიანებებს შორის დაიგეგმა თანამშრომლობა რამდენიმე მიმართულებით. 2023 წლიდან, ბსუ-ში იგეგმება პროფესიული საგანმანათლებლო პროგრამის „აღმზრდელი“ და პროფესიული მომზადებისა და გადამზადების პროგრამების განხორციელება. ბსუ-მ საბავშვო ბაღების გაერთიანებებს ასევე შესთავაზა მოკლევადიანი საგანმანათლებლო პროგრამა - „აღმზრდელ-პედაგოგთა პროფესიული განვითარება“.

ბსუ-ში „USAID-ის საბაზისო განათლების პროგრამის“ ფარგლებში, „იდეატორთა კლუბების“ ჩამოყალიბების მიზნით ბიზნესის სფეროს წარმომადგენლებთან შეხვედრა გაიმართა. შეხვედრაში „USAID-ის საბაზისო განათლების პროგრამის“ წარმომადგენლებთან ერთად, ბსუ-ს პარტნიორმა ბიზნეს-ლიდერებმა - კლინიკა „ჰელსის“, ბაზისბანკის, სამშენებლო კომპანიების: „ჰორიზონ ჯგუფის“, „ანაგის“, ბათუმის რეფერალური ჰოსპიტალის, აჭარის საექთნო ასოციაციის და ქართულ-ამერიკული საერთაშორისო სკოლების „პროგრესის“ ქსელის წარმომადგენლებმა მიიღეს მონაწილეობა.