„ERASMUS+“-ის პროექტის „სწავლების ოპტიმიზაცია და აკადემიური ინკლუზია დისტანციური სწავლებისა და სწავლის გამოყენებით" (Love Distance) ფარგლებში ბსუ-ს სტუდენტებს ჩაუტარდათ ტრენინგი თემაზე „ციფრული ტექნოლოგიების გამოყენება სასწავლო პროცესში“. ტრენინგის ძირითად მიზანს სტუდენტთა IT კომპეტენციების ამაღლება, სასწავლო პროცესში მრავალფეროვანი ციფრული რესურსების შექმნა-გამოყენების ხელშეწყობა და სხვადასხვა ელექტრონული პლატფორმის/აპლიკაციის გაცნობა იყო. ტრენინგი მონაწილეთა ინტერესების გათვალისწინებით დაიგეგმა და მასში ბსუ-ს ზუსტ მეცნიერებათა და განათლების და იურიდიული და სოციალურ მეცნიერებათა ფაკულტეტების სტუდენტები მონაწილეობდნენ.

ბსუ-ს პროფესიული პროგრამების მართვისა და უწყვეტი განათლების ცენტრში საჯარო სკოლების მასწავლებლებს ჩაუტარდათ ტრენინგი თემაზე „გაკვეთილის სხვადასხვა ეტაპის დაგეგმვა ციფრული ტექნოლოგიების გამოყენებით“. ტრენინგი ევროკავშირის პროექტის Horizon 2020 - „ციფრული ინოვაციების დანერგვა სკოლებში რეგიონული ინოვაციური ჰაბებისა და მენტორინგის მოდელის საშუალებით“ (Hubs4Schools) ინიციატივით, ERASMUS+ პროექტის „სწავლების ოპტიმიზაცია და აკადემიური ინკლუზია დისტანციური სწავლებისა და სწავლის გამოყენებით" (Love Distance) ფარგლებში ჩატარებულ ტრენერთა ტრენინგზე Barcelona-2020 მიღებული გამოცდილების გაზიარების მიზნით ჩატარდა.

ბსუ-ში სამუშაო ვიზიტით „USAID-ის საბაზისო განათლების პროგრამის“ წარმომადგენლები იმყოფებოდნენ. შეხვედრა პროგრამის მიმდინარეობის შესახებ ინფორმაციის გაცვლას და სამომავლო გეგმების დასახვას ეხებოდა. შეხვედრაში ბსუ-დან „USAID-ის საბაზისო განათლების პროგრამის“ განმახორციელებელი ტრენერები მონაწილეობდნენ, რომლებმაც პროგრამის განხორციელების მესამე ეტაპის მიღწევებსა და გამოწვევებზე ისაუბრეს. ასევე, გამოკვეთეს სკოლებისა და ლიდერი მასწავლებლების კონკრეტული საჭიროებები, რაც შეიძლება გათვალისწინებული იქნას პროგრამის მეოთხე ეტაპის დაგეგმვის დროს. შუალედური შეხვედრა მონაწილე ორივე მხარისთვის მნიშვნელოვანი იყო, რადგან ერთი მხრივ პროგრამის წარმომადგენლები გაეცნენ პროგრამის მიმდინარეობის ყველა დეტალს, ხოლო მეორე მხრივ მათ მოისმინეს ტრენერების მოსაზრებები და დამოკიდებულებები პროგრამის თითოეული კომპონენტის მიმართ.

გაეროს ასოციაციისა და ფონდ „ღია საზოგადოება საქართველოს“ ინიციატივით მარკეტინგისა და მარკეტინგული კომუნიკაციების აქტუალურ საკითხებზე ტრენინგი ჩატარდა, რომელსაც ბსუ-ს პროფესიული პროგრამების მართვისა და უწყვეტი განათლების ცენტრის წარმომადგენლები ესწრებოდნენ. ტრენინგს ორგანიზაცია „ჯეპრას”პარტნიორი, ქართულ-ამერიკული უნივერსიტეტისა და ილიაუნის ლექტორი კახა მაღრაძე უძღვებოდა.

ბათუმის შოთ რუსთაველის სახელმწიფო უნივერსიტეტში პროფესიული სტუდენტებისათვის „ცოდნისა და უნარების განვითარების ქსელებისა და პლატფორმების“ (LINKS) პროექტის ფარგლებში, ჩატარდა ტრენინგი თემაზე: „ეფექტური CV და გასაუბრების უნარ ჩვევები“. სწავლებას უძღვებოდა ტრენერი მურო თაკალანძე. პროექტი ხორციელდება ევროკავშირის დაფინანსებით „საქართველოს გაეროს ასოციაციისა“ (UNAG) და „საქართველოს ღია საზოგადოების ფონდის“ (OSGF) მიერ.