14-16 მარტს „ერაზმუს+“-ის რურდის პროგრამის მონაწილეები ბსუ-დან დაესწრნენ ვიტაუტას მაგნუსის უნივერსიტეტში (კაუნასი, ლიეტუვა) გამართულ სამუშაო შეხვედრებს. პროექტის კოორდინატორი ბსუ-ში, ასოცირებული პროფესორი ხათუნა ბერიძე, ჰუმანიტარულ მეცნიერებათა ფაკულტეტის დეკანი, პროფესორი მარინა გიორგაძე და პროექტის მკვლევარი ლევან ტარიელაძე გაეცნენ პროექტის განხორციელებასა და მართვასთან დაკავშირებულ საკითხებს. შეხვედრებზე განხილული იყო რექტორთა კონფერენციის განხორციელებული და სამომავლო აქტივობები, უნივერსიტეტი-მუნიციპალიტეტის თანამშრომლობის, კულტურული მემკვიდრეობის, სპორტის, საერთაშორისო თანამშრომლობის, ტურიზმის, საწარმოთა პრაქტიკის ცენტრის „MINDED VDU“, მრავალ ფუნქციური მეცნიერებისა და კვლევების ცენტრის, აკადემიური აღიარების, კურსდამთავრებულთა პროგრამის, ინოვაციური კვლევების ინსტიტუტის აქტუალური საკითხები.

საქართველოს საბჭოთა ოკუპაციის დღისადმი მიძღვნილი ღონისძიება ბათუმის შოთა რუსთაველის სახელმწიფო უნივერსიტეტში სახელმწიფო დროშის დაშვებით დაიწყო. პროფესორ-მასწავლებლებმა და სტუდენტებმა დისკუსია გამართეს თემაზე: „1921 წლის საქართველოს ოკუპაციის ფაქტი ისტორიულ კონტექსტში" და წუთიერი დუმილით პატივი მიაგეს უკრაინაში მიმდინარე საომარი მოქმედებების დროს დაღუპულთა ხსოვნას. დისკუსიაზე მოხსენებები წარმოადგინეს ჰუმანიტარულ მეცნიერებათა ფაკულტეტის პროფესორებმა ოთარ გოგოლიშვილმა და ჯემალ კარალიძემ. ღონისძიების მონაწილეებმა იმსჯელეს საქართველოში, 1921 წლის თებერვალ-მარტში განვითარებულ მოვლენებზე და კიდევ ერთხელ გაიხსენეს საქართველოს დამოუკიდებლობისათვის დაღუპული გმირები.

საქართველოს საბჭოთა ოკუპაციის დღისადმი მიძღვნილი ღონისძიება ბათუმის შოთა რუსთაველის სახელმწიფო უნივერსიტეტში სახელმწიფო დროშის დაშვებით დაიწყო. პროფესორ-მასწავლებლებმა და სტუდენტებმა დისკუსია გამართეს თემაზე: „1921 წლის საქართველოს ოკუპაციის ფაქტი ისტორიულ კონტექსტში" და წუთიერი დუმილით პატივი მიაგეს უკრაინაში მიმდინარე საომარი მოქმედებების დროს დაღუპულთა ხსოვნას. დისკუსიაზე მოხსენებები წარმოადგინეს ჰუმანიტარულ მეცნიერებათა ფაკულტეტის პროფესორებმა ოთარ გოგოლიშვილმა და ჯემალ კარალიძემ. ღონისძიების მონაწილეებმა იმსჯელეს საქართველოში, 1921 წლის თებერვალ-მარტში განვითარებულ მოვლენებზე და კიდევ ერთხელ გაიხსენეს საქართველოს დამოუკიდებლობისათვის დაღუპული გმირები.

ბათუმის შოთა რუსთაველის სახელმწიფო უნივერსიტეტს გაცნობითი ხასიათის ვიზიტით ეწვია საქართველოში იაპონიის საელჩოს პირველი მდივანი ტაკაო იმანიში. ბატონი ტაკაო იმანიში შეხვდა ჰუმანიტარულ მეცნიერებათა ფაკულტეტის დეკანს, პროფესორ მარინა გიორგაძეს, აღმოსავლეთმცოდნეობის დეპარტამენტის ხელმძღვანელს, პროფესორ ემზარ მაკარაძეს. შეხვედრას ესწრებოდა ასევე ბსუ-ს დოქტორანტი, იაპონისტი ლაშა ბოლქვაძე, რომელიც უკვე 2 წელია იაპონურ ენას ასწავლის ჰუმანიტარულ მეცნიერებათა ფაკულტეტზე, არჩევითი კურსის სტატუსით. შეხვედრაზე ისაუბრეს იაპონური ენისა და კუტურის სწავლების გაძლიერებაზე ბსუ-ში, დასახეს სამომავლო თანამშრომლობის გეგმები. ღონისძიებაში მონაწილეობა მიიღეს ასევე სტუდენტებმა და მოსწავლეებმა, რომლებიც ეუფლებიან იაპონურ ენას.

ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის აღმოსავლეთმცოდნეობის დეპარტამენტის საერთაშორისო სამეცნიერო ჟურნალმა „აღმოსავლეთმცოდნეობის მაცნე“ (ISSN 2587-490X) საერთაშორისო სამეცნიერო ინდექსირების (ISI)/International Scientific Indexing ბაზაში მოიპოვა ინდექსაცია და მიენიჭა იმპაქტ ფაქტორი - 0.758 (2021-2022). საერთაშორისო სამეცნიერო ჟურნალი აღმოსავლეთმცოდნეობის მაცნე დაარსდა 2018 წელს ბსუ-ს ჰუმანიტარულ მეცნიერებათა ფაკულტეტის აღმოსავლეთმცოდნეობის დეპარტამენტის ბაზაზე.