დასრულდა საერთაშორისო საზაფხულო სკოლა დიგიტალურ რუსთველოლოგიაში. სკოლის მონაწილეებს ლექციები წაუკითხეს ფრანკფურტის უნივერსიტეტის, ივანე ჯავახიშვილის თბილისის სახელმწიფო უნივერსიტეტის და ბათუმის შოთა რუსთაველის სახელმწიფო უნივერსიტეტის წამყვანმა მეცნიერებმა რუსთველოლოგიაში (პროფ. ე. ხინთიბიძე, პროფ. ზ. ხინთიბიძე), დიგიტალურ ჰუმანიტარიაში (პროფ. მ. თანდაშვილი), თარგმანმცოდნეობაში (პროფ. თ. მარგალიტაძე, პროფ. ხ. ბერიძე), ქართულ ენასა და ლიტერატურაში (პროფ. დ. თვალთვაძე, პროფ. მ. გიორგაძე, პროფ. რ. ხალვაში, დოქტ. მ. ყამარაული).

13-15 ივლისს, ბათუმის შოთა რუსთაველის სახელმწიფო უნივერსიტეტში „ობიექტივიზმის ცენტრ-საქართველოს“ ორგანიზებით, სამდღიანი ტრენინგკურსი გაიმართა, რომელიც მიზნად ისახავდა დამსწრეთათვის ამერიკელი ფილოსოფოსის აინ რენდის ცხოვრების ფილოსოფიის - ობიექტივიზმის გაცნობას. პროექტის განმავლობაში, 15 დაინტერესებული პირი გაეცნო რუსული წარმოშობის ამერიკელი ნოველისტის აინ რენდის ფილოსოფიასა და შემოქმედებას. მონაწილეებმა ასევე მოამზადეს სოც. მედიამასალა რენდის შემოქმედების შესახებ, რაც მიზნად მისი იდეებისა და მოსაზრებების გავრცელებას ისახავს.

ბსუ-ს ჰუმანიტარულ მეცნიერებათა ფაკულტეტის ევროპეისტიკის სამაგისტრო პროგრამის სტუდენტი ცისნამი შარაშიძე (სამაგისტრო ნაშრომის ხელმძღვანელი პროფესორი ნატალია სურგულაძე) ფრანკოფონიის საუნივერსიტეტო სააგენტოს კონკურსის „ჩემი სადისერტაციო თემა 180 წამში“ გამარჯვებულია. AUF-ის, ფრანკოფონიის საუნივერსიტეტო სააგენტოს მიერ ორგანიზებულ კონკურსში მონაწილეობდა 11 შერჩეული დოქტორანტი და მაგისტრანტი საქართველოს სხვადასხვა უნივერსიტეტიდან. ჟიურის გადაწყვეტილებით, ცისნამი შარაშიძეს მეორე ადგილი ერგო.

16 ივნისს ბსუ-ს ჰუმანიტარულ მეცნიერებათა ფაკულტეტის დოქტორანტურაში საერთაშორისო რეზონანსის დაცვა შედგა: „არქეოლოგიის“ სადოქტორო საგანმანათლებლო პროგრამის დოქტორანტმა, თურქეთის მოქალაქე სინან ქილიჩმა (ხელმძღვანელები ბსუ-ს პროფ. შოთა მამულაძე და გერმანიის არქეოლოგიური ინსტიტუტის მეცნიერი თანამშრომელი ჯონი აფაქიძე), წარმატებით დაიცვა სადისერტაციო ნაშრომი თემაზე: „ჩრდილო-აღმოსავლეთ ანატოლია გვიანბრინჯაოსა და ადრერკინის ხანაში“ (ძვ. წ. XIV-VII სს.) და დაიმსახურა მაღალი შეფასება - Magna cum laude.

ბსუ-ს ჰუმანიტარულ მეცნიერებათა ფაკულტეტის ინგლისური ფილოლოგიის საგანმანათლებლო პროგრამის მეოთხე კურსის წარჩინებულმა სტუდენტმა, სახელმწიფო სტიპენდიანტმა თედო შარადენიძემ გამოსცა დამხმარე პრაქტიკული სახელმძღვანელო ინგლისურ ენაში „წერეთ და ისაუბრეთ ინგლისურად“. სახელმძღვანელო განკუთვნილია აბიტურიენტებისა და სტუდენტებისთვის, შედგება წიგნის ავტორის მიერ დაწერილი ესეების, დიალოგების, მონოლოგების, პრაქტიკულ სავარჯიშოებისაგან.